شعر و شاعر (اشعار اور خالق)

[طارق شاہ]

عجب کیا، اُٹھ کے بےتابی سے سر مارے کنارے پر !
سُنے گر، ماجرا دریا ہمارے اشک جاری کا

ولی دکنی

 

[طارق شاہ]

عجب کچھ لطف رکھتا ہے، شبِ خلوت میں گل رُو سوں
خطاب آہستہ آہستہ، جواب آہستہ آہستہ

ولی دکنی

 

[طارق شاہ]

تم پر فدا ہیں سارے حُسن و جمال والے
کیا خط و خال والے، کیا صاف گال والے

سراؔج اورنگ آبادی

 

[طارق شاہ]

اُس کو چاہا تھا کبھی خود کی طرح !
آج خود اپنے طلبگار ہیں ہم

مُحسن بھوپالی

 

[طارق شاہ]

یہ ذات یہ کائنات کیا ہے
تو جان مری، جہان میرا

احمد فراز

 

[طارق شاہ]

جو سر بھی کشیدہ ہو، اُسے دار کرے ہے
اغیار تو کرتے تھے سو اب یار کرے ہے

وہ کون ستمگر تھے کہ یاد آنے لگے ہیں
تو کیسا مسیحا ہے کہ بیمار کرے ہے

احمد فراز

 

[طارق شاہ]

دن ایک ستم، ایک ستم رات کرو ہو
وہ دوست ہو، دشمن کو بھی تم مات کرو ہو

ہم کو جو ملا ہے وہ تمھیں سے تو ملا ہے
ہم اور بھُلا دیں تمھیں، کیا بات کرو ہو

کلیم عاجز

 

[طارق شاہ]

بکنے بھی دو عاؔجز کو ، جو بولے ہے، بکے ہے
دیوانہ ہے، دیوانے سے کیا بات کرو ہو

کلیم عاجز

 

[عادل اسحاق]

گو دل کو تم سے خاص شکایت ہے کیا کروں
پھر بھی مجھے تمہیں سے محبت ہے کیا کروں

#بہزاد لکھنوی

 

[صائمہ شاہ]

درد وہ آگ کہ بجھتی نہیں جلتی بھی نہیں
یاد وہ زخم کہ بھرتا نہیں رستا بھی نہیں

احمد راہی

 

[صائمہ شاہ]

شہید جذبوں کی فہرست کیا مرتب ہو
شمار میں جو نہیں بےشمار وہ بھی ہیں

احمد راہی

 

[طارق شاہ]

چاہت میں ہمارا جینا مرنا
آپ اپنی مِثال ہو گیا ہے

پہلے بھی مُصیبتیں کچھ آئیں !
پر اب کے، کمال ہو گیا ہے

میرا جی

 

[طارق شاہ]

ہنستے ہنستے رو دِیا کرتے تھے سب بے اختیار
اِک نئی ترکیب کا درد اپنے افسانے میں تھا

شاد عظیم آبادی

 

[طارق شاہ]

رو رو کے کس طرح سے کٹی رات، کیا کہیں !
مر مر کے، کیسے کی ہے سَحَر کچھ نہ پُوچھیے

اختر شیرانی

 

[طارق شاہ]

بیک نقدِ محبّت، جنسِ دِل بکتی نہیں سودا !
بُتاں نے داغ دے دے کر خراب و خوار ایسی کی

مرزا رفیع سودا

 

[طارق شاہ]

سودا کے ہوتے، وامق و مجنوں کاذکر کیا
عالم عبث اُکھاڑے ہے مردے گڑے گڑے

مرزا رفیع سودا

 

[طارق شاہ]

سوؔدا کی اذیّت سے تمھیں کیا ہُوا حاصل
جو چاہو سو دِل پر کرو، مائل تو وہی ہے

مرزا رفیع سودا

 

[طارق شاہ]

زمیں سے عرش کالمبا سفر ، کچھ وقت تو لے گا
ذرا سا صبر کر، تیری دُعائیں راستے میں ہیں

بھارت بھوشن پنت

 

[طارق شاہ]

جاؤں تو، جاؤں کہاں میں لے کے اپنی وحشتیں
مجھ کو ویرانہ بھی، اب گھر کی طرح لگنے لگا ہے

بھارت بھوشن پنت

 

[طارق شاہ]

نقوشِ پا سے ہمارے اُگے ہیں لالہ و گل !
رَہِ بہار سے، ہم بے نِشاں نہیں گزرے

سراج الدین ظؔفر