شعر و شاعر (اشعار اور خالق)

[طارق شاہ]

دُعا میں اب وہ اثر کا پتہ نہیں چلتا
کُچھ التفاتِ نظر کا پتہ نہیں چلتا

شفیق خلؔش

 

[طارق شاہ]

رَمِیدَگی تھی تو پھر ختم تھا گُریز اُس پر
سُپردَگی تھی، تو بے اِنتہا زیادہ تھی

احمد فرؔاز

 

[طارق شاہ]

آج ہر موجِ ہَوا سے ہے سوالی خلقت
لا کوئی نغمہ، کوئی صَوت، تِری عُمر دراز

نوحۂ غم ہی سہی، شورِ شہادت ہی سہی
صُورِ محشر ہی سہی، بانگِ قیامت ہی سہی

فیض احمد فیضؔ

 

[طارق شاہ]

آج ہر سُر سے ہر اِک راگ کا ناتا ٹوُٹا
ڈُھونڈتی پِھرتی ہے مُطرب کو پھر اُس کی آواز

جوشِشِ درد سے مجنُوں کے گریباں کی طرح
چاک در چاک ہُوا، آج ہر اِک پردۂ ساز

فیض احمد فیضؔ

 

[طارق شاہ]

بدن کے کرب کو، وہ بھی سمجھ نہ پائے گا !
میں دِل میں روؤں گی، آنکھوں میں مُسکراؤں گی

پروین شاکر

 

[طارق شاہ]

محرم فقط تسلّی کے دینے سے کیا حصُول
گر فکر ہو سکے تو دِلِ ناسبُور کی

مِرزا محمد رفیع سودؔا

 

[طارق شاہ]

سودؔا کو عاشقی سے رکھا چاہتا ہے باز
ناصح نصیحت اپنی سے خوبی شعوُر کی

مِرزا محمد رفیع سودؔا

 

[طارق شاہ]

جینے سے اِس قدر بھی، لگاؤ نہ تھا مجھے
تُو نے تو، زندگی کو مِری جان کر دیا

احمد فراؔز

 

[طارق شاہ]

اُتر کے خود سےسمندر میں دیکھنا ہوگا
کہ ساحلوں سے بھنور کا پتہ نہیں چلتا

شفیق خلؔش

 

[طارق شاہ]

مُنافِقوں سے نہ کم تر مِلے ہیں دوست مجھے
کسی عمل میں بھی شر کا پتہ نہیں چلتا

شفیق خلؔش

 

[طارق شاہ]

حُسن اُس کا نہیں مُحتاج کُچھ آرائش کا !
جامہ زیبی ہے تصدّق، وہ ہے بیساختہ پن

کیا بیاں کیجیے اعضا کے تناسب کی صفت
دستِ قُدرت نے وہ خود سانچے میں ڈھالا جو بدن

ارشد علی خاں قلؔق

 

[طارق شاہ]

افسوس، کُچھ نہ میری رہائی کا ڈھب ہُوا !
چُھوٹا اِدھر قفس سے اُدھر میں طلب ہُوا

ارشد علی خاں قلؔق

 

[طارق شاہ]

نجانے پیار ، کہ کینہ لئے ہے سینے میں
بیک نظر تو بشر کا پتہ نہیں چلتا

شفیق خلؔش

 

[طارق شاہ]

ہم اُن کی چاہ میں آ پہنچے اُس مقام پہ اب !
جہاں سے راہِ دِگر کا پتہ نہیں چلتا

شفیق خلؔش

 

[طارق شاہ]

ناکامِ تمنّا دِل، اِس سوچ میں رہتا ہے !
یُوں ہوتا تو کیا ہوتا، یُوں ہوتا تو کیا ہوتا

چراغ حَسن حسؔرت

 

[طارق شاہ]

آگئی یاد، شام ڈھلتے ہی
بُجھ گیا دِل چراغ جلتے ہی

کُھل گئے شہرِِغم کے دروازے
اِک ذرا سی ہَوا کے چلتے ہی

منؔیر نیازی

 

[طارق شاہ]

چار دن کی یہ رفاقت، جو رفاقت بھی نہیں
عُمر بھر کے لیے آزار ہوئی جاتی ہے

زندگی یُوں تو ہمیشہ سے پریشاں سی تھی
اب تو ہر سانس گراں بار ہُوئی جاتی ہے

ساحؔر لُدھیانوی

 

[طارق شاہ]

ہم تمھیں اپنی خبر دیں بھی تو، کیا سوچ کے دیں
ہم کو رہنا ہی نہیں، تم کو خبر ہونے تک

عبدالحمید عدمؔ

 

[طارق شاہ]

کل چودھویں کی رات تھی، شب بھر رہا چرچا تِرا
کُچھ نے کہا، یہ چاند ہے، کُچھ نے کہا چہرا تِرا

ہم بھی وہیں موجود تھے، ہم سے بھی سب پُوچھا کیے
ہم ہنس دیئے، ہم چُپ رہے، منظُور تھا پردہ تِرا

بے درد، سُنتی ہو تو چل، کہتا ہے کیا اچّھی غزل
عاشِق تِرا، رُسوا تِرا، شاعِر تِرا، اِنشا تِرا

ابنِ انشا

 

[طارق شاہ]

موسمِ گُل ہو، کہ پت جھڑ ہو بَلا سے اپنی
ہم کہ شامل ہیں نہ کِھلنے میں ،نہ مُرجھانے میں

ہے ، یُوں ہی گھومتے رہنے کا مزا ہی کُچھ اور !
ایسی لذّت نہ پُہنچنے میں، نہ رہ جانے میں

احمد مُشتاق