شعر و شاعر (اشعار اور خالق)

[طارق شاہ]

مُعیّن اُن کی محبّت کی رہگزر سے مِری
کبھی جُدا تھی ڈگر، کا پتہ نہیں چلتا

شفیق خلؔش

 

[طارق شاہ]

پہلے مِری نظر تھی اور ارزانیِ جمال !
اب خواب میں بھی، شکل دِکھاتے نہیں ہو تم

یک لخت تم نے جوؔش کو دِل سے بُھلا دِیا
اور اِس میں بھید کیا ہے، بتاتے نہیں ہو تم

جوؔش ملیح آبادی

 

[طارق شاہ]

اب تو دِن کو بھی دیکھتے ہیں خلؔش
کُچھ قیامت سے کم نہ شب ٹھہری

شفیق خلش

 

[طارق شاہ]

ہزار محفلِ خُوباں میں جا کے دیکھ لِیا
مِلی جو تجھ سے ہیں تنہائیاں، نہیں جاتیں

شفیق خلؔش

 

[طارق شاہ]

اُس محشرِ خیال کی یادوں سے درد نے
ہر ضبط و اِنتہا سے تجاوز کِیا ہے آج

شفیق خلؔش

 

[طارق شاہ]

پلٹ کے جائیں نہ پھر سے گلی میں اُن کی خلؔش
اب ایسا دل پہ مُکمل بھی اختیار نہیں

شفیق خلؔش

 

[طارق شاہ]

ہر ایک چیز میں ہوتی ہے کُچھ کمی بیشی
بس ایک غم میں تمھارے ہی اِختصار نہیں

شفیق خلؔش

 

[طارق شاہ]

وہ اطمینان سے یُوں ہیں، کہ میں کسی کو بھی اب
خود اپنے آپ پہ تہمت لِیا نہیں لگتا

شفیق خلؔش

 

[طارق شاہ]

وقوعِ وصل پہ کہتے ہیں سب، کرُوں نہ یقیں
کبھی وہ مجھ کو بھی وعدہ کِیا نہیں لگتا

شفیق خلؔش

 

[طارق شاہ]

ہر ایک بار حوالوں سے جانتے ہیں تمھیں
اب اور اِس زیادہ مِلوگے کم کتنا

شفیق خلؔش

 

[طارق شاہ]

کیا کیا نہ کُچھ گزرتا گیا زندگی کے ساتھ
اِک خوابِ خُوب رُوئے زمانہ نہیں گیا

شفیق خلؔش

 

[طارق شاہ]

کیا زمانہ تھا، دھڑکتے تھے بیک رنگ یہ جب !
درمیاں دِل کے اُٹھی یُوں کوئی دیوار کہ بس

شفیق خلؔش

 

[طارق شاہ]

شک کوئی چارہ گری پر نہ ہو، اے چارہ گرو !
ہم سے غم اپنے، دِلاسوں میں دبائے نہ گئے

شفیق خلؔش

 

[طارق شاہ]

دِل کے سب دِل میں رہے راز، کِسے کیا کہتے
درجۂ دوست تک احباب بھی لائے نہ گئے

شفیق خلؔش

 

[طارق شاہ]

کہتا نہیں ہے کوئی بھی سچ بات اِن دِنوں
اچھّے نہیں ہیں شہر کے حالات اِن دِنوں

احباب کا رَویّہ بھی بدلا ہُوا سا ہے !
کچھ تنگ ہوگیا ہے مِرا ہاتھ اِن دِنوں

اُس کو بھی اپنے حُسن پہ اب ناز ہوگیا !
ٹھہرے ہُوئے ہیں میرے بھی جذبات اِن دِنوں

اُلجھا دِیا ہے مُجھ کو غَمِ روزگار نے !
مُمکن نہیں ہے تُجھ سے مُلاقات اِن دِنوں

عارف! مُجھے بھی دُکھ تھا ،کبھی کائِنات کا !
خود میں اُلجھ گئی ہے مِری ذات، اِن دِنوں

افتخارعارف

 

[طارق شاہ]

شعُؔور آخر اُسے ہم سے زیادہ جانتے ہو تم
بہت سیدھا سہی، لیکن تمھیں تو بیچ کھائے گا

انور شعؔور

 

[طارق شاہ]

اِک عُمر کٹ گئی ہے تِرے اِنتظار میں
ایسے بھی ہیں کہ کٹ نہ سکی جِن سے ایک رات

فِراؔق گورکھپوری
(رگھوپتی سہائے)

 

[طارق شاہ]

ایک ہم ہیں ،کہ بہک جاتے ہیں توبہ کی طرف
ورنہ رندوں میں بُرا چال چلن کِس کا ہے

ریاض خیرآبادی

 

[طارق شاہ]

حیاتِ چند روزہ بھی حیاتِ جادِواں نِکلی
جو کام آئی جہاں کے وہ متاعِ عارضی کب تھی

فِراقؔ گورکھپُوری

 

[طارق شاہ]

فِراقؔ اب اِتفاقاتِ زمانہ کو بھی کیا کہیے
محبّت کرنے والوں سے کسی کو دُشمنی کب تھی

فِراقؔ گورکھپُوری