شعر و شاعر (اشعار اور خالق)

[طارق شاہ]

جیسا ،جتنا، رشتہ تھا! اُس کو رُسوا مت کرنا
ہم بھی ایسا نہیں کہیں گے، تم بھی ایسا مت کرنا

خواب دیکھو اور پھر زخموں کی دِلداری کرو
افتخار عارف! نئی منزِل کی تیاری کرو

افتخار عارف

 

[طارق شاہ]

ثبوُت یہ ہے محبّت کی سادہ لَوحی کا !
جب اُس نے وعدہ کِیا، ہم نے اعتبار کِیا

مِرے خُدا نے، مِرے سب گُناہ بخش دِیے
کسی کا، رات کو یُوں میں نے اِنتظار کِیا

جوؔش ملیح آبادی

 

[طارق شاہ]

اِس شورِ تلاطُم میں کوئی کِس کو پُکارے ؟
کانوں میں یہاں، اپنی صدا تک نہیں آتی

بہتر ہے پَلٹ جاؤ سِیہ خانۂ غم سے
اِس سرد گُپھا میں تو ہَوا تک نہیں آتی

شکیؔب جلالی

 

[طارق شاہ]

ہم سے مایُوس نہ ہو، اے شبِ دَوراں! کہ ابھی
دل میں کچُھ درد چمکتے ہیں، اُجالوں کی طرح

اور کیا اِس سے زیادہ، بھلا نرمی برتُوں
دِل کے زخموں کو چُھوا ہے تِرے گالوں کی طرح

مجھ سے نظریں تو مِلاؤ، کہ ہزاروں چہرے !
میری آنکھوں میں چمکتے ہیں سوالوں کی طرح

جاں نثار اختؔر

 

[طارق شاہ]

رشک ہے حیرانگی سے اپنی قسمت پر ، کہ لوگ !
چاند کے دیکھے پہ ہی ،عیدیں منائیں کِس طرح

شفیق خلؔش

 

[طارق شاہ]

باوجود اِس کے، کہ سب وعدے نہ کم تھے عہد سے
عید کے مِلنے پہ دیکھو تو ستائیں کِس طرح


شفیق خلؔش

 

[طارق شاہ]

عید میں، خوشبُو وطن سے اُن حنائی ہاتھوں کی!
میرے پاس اِ س دیس میں لائیں ہوائیں کِس طرح

شفیق خلؔش

 

[طارق شاہ]

مُنفرِد اِک حیثیت مجھ کو وَدِیعَت ہے خلؔش !
بس نہیں عادت سے کوئی میں جہاں میں عام وخاص

شفیق خلؔش

 

[طارق شاہ]

کُچھ نہ کُچھ مشغلہ ہی رہتا ہے
دِل تو دِل ہے، لگا ہی رہتا ہے

جو نظر بھر کے دیکھ لے اِک بار
پھر اُسے دیکھتا ہی رہتا ہے

باقر زیدی

 

[طارق شاہ]

گونج اپنی سہی ، تائید میں آواز تو ہے !
کیوں تِرے شہر سے ہم دشت کو بہتر نہ کہیں

مُرتضٰی برلاس

 

[صائمہ شاہ]

قیصر ہمیں دنیا نے سمجھ کر بھی نہ سمجھا
الجھے ہی رہے کاکل اردو کی طرح ہم

قیصرالجعفری

 

[صائمہ شاہ]

لوگ قسطوں میں مجھے قتل کریں گے شائد
سب سے پہلے مری آواز پہ تلوار گری

اگلے وقتوں میں سنیں گے درودیوار مجھے
میری ہر چیخ مرے عہد کے اس پار گری

قیصر الجعفری

 

[صائمہ شاہ]

اسے کیا خبر کہ شکستگی ہے جنوں کی منزل آگہی
جو متاع شیشہ دل لئے سر کوئے یار نہیں گیا

قیصرالجعفری

 

[صائمہ شاہ]

کسی کے ساتھ گئیں دل کی دھڑکنیں قیصر
پھر اس کے بعد محبت کا حادثہ نہ ہوا

قیصرالجعفری

 

[صائمہ شاہ]

پتھراو کر رہا ہے وہ خود اپنی ذات پر
کیا دل کے مسئلے کا کوئی اور حل نہ تھا

قیصرالجعفری

 

[صائمہ شاہ]

ساری عمر گنوا دی قیصر دو گز مٹی ہاتھ لگی
کتنی مہنگی چیز تھی دنیا کتنی سستی چھوڑ چلے

قیصرالجعفری

 

[صائمہ شاہ]

ابھی نہ جانے ہمیں کتنے دوست کھونے پڑیں
ہماری باتوں میں بےساختگی اگر ہے یہی

میں دل میں رکھتا نہیں منہ پہ صاف کہتا ہوں
کمی یہ مجھ میں ہے بےشک اگر کمی ہے یہی

مرتضٰی برلاس

 

[لاریب مرزا]

ابھی نہ جانے ہمیں کتنے دوست کھونے پڑیں
ہماری باتوں میں بےساختگی اگر ہے یہی

میں دل میں رکھتا نہیں منہ پہ صاف کہتا ہوں
کمی یہ مجھ میں ہے بےشک اگر کمی ہے یہی

مرتضٰی برلاس

واہ واہ!! کیا کہنے!! اعلیٰ انتخاب!!

 

[طارق شاہ]

وہ بھی منظر دیکھنے کا تھا ، گلی اور دِید کا
خاک پر بیٹھے رہے اکثر جہاں، میں، عام و خاص

ایک مُدّت تک رہا یہ شور ، وہ آنے کو ہیں
ایک مدّت، منتظر تھے سب وہاں ، میں، عام و خاص

شفیق خلؔش

 

[طارق شاہ]

لگی ہے جن کو لَو بزمِ جہاں میں شمع رُویوں کی !
تو جلنے مثلِ پروانہ وہ ساتھ اس لَو کے لگتے ہیں

بہادر شاہ ظفؔر