شعر و شاعر (اشعار اور خالق)

[طارق شاہ]

شیشوں سے کھیلتے ہیں کِس آہستگی کے ساتھ !
یہ نُکتہ سِیکھ، جوؔشِ لطافت شِعار سے

جوؔش ملیح آبادی

 

[طارق شاہ]

مِرے حرفِ تمنّا و طلب گاری سے شرما کر
کلائی میں، تجھے کنگن گھمانا بھی نہیں آتا

جوّش ملیح آبادی

 

[طارق شاہ]

تیرے ہاتھوں میں ہے تلوار، مِرے پاس قَلَم
بول! سر ظُلم کا ، تُو کاٹے گا یا میں کاٹُوں

مظؔفر وارثی

 

[طارق شاہ]

کسی سے ،آشنا ایسا ہُوا ہُوں !
مجھے، پہچانتا کوئی نہیں ہے

صاؔبر ظفر

 

[طارق شاہ]

خُدا کا شُکر، کہ ناکامیوں سے تابؔش کی !
ہزار کام، کسی بندۂ خُدا کے چَلے

تابؔش دہلوی
(مسعُودالحسن)

 

[طارق شاہ]

نہ چِھین لے کوئی اِس کو بھی، اِس لئے ہمدم !
متاعِ درد زمانے سے ہم چُھپا کے چَلے

تابؔش دہلوی
(مسعُودالحسن)

 

[طارق شاہ]

گو ضرُورت پر تِری ، دَر پر جہاں موجود تھا !
چاہنے والا کوئی ہم سا کہاں موجود تھا

شفیق خلؔش

 

[طارق شاہ]

دِل کی حالت تھی نہ پنہاں، کُچھ عیاں موجود تھا
جَل بُجھا عرصہ ہُوئے پر بھی دُھواں موجود تھا

شفیق خلؔش

 

[طارق شاہ]

کیا کہَیں تم سے خَلِؔش! اُس الوِداعی شام کی
وہ بھی آنکھوں میں لئے اشکِ رَواں موجود تھا

شفیق خلؔش

 

[طارق شاہ]

کہکشاں سی یاد کی پیشِ نظر تھی رات بھر !
ذہن و دِل کو خوش سفر کا کارواں موجود تھا

شفیق خَلِؔش

 

[طارق شاہ]

وُسعتِ کون و مکاں میں ، کِس مقام اِس سے فرار !
میں گیا جِس جِس جگہ، غم بھی وہاں موجود تھا

شفیق خَلِؔش

 

[طارق شاہ]

کون ایسی، جو بچھڑنے پر مِرے روئی نہیں !
یا کبھی، جو یاد آنے پر مِری، کھوئی نہیں

اپنے مُنْہ، خود کو میں یوسف تو نہیں کہتا، مگر
جس نے دیکھا اِک نظر، وہ رات بھر سوئی نہیں

شفیق خَلِؔش

 

[طارق شاہ]

تھا جو کہنا ، سو ہم نظؔیر اُس سے
کہہ چُکے، بار بار کیا کہیے

نظؔیر اکبر آبادی

 

[طارق شاہ]

کل کسی شخص نے، اُس شوخ سے جاکر یہ کہا !
آج، در پر تِرے ، اِک عاشقِ پِیر آیا ہے

پُشت خَم کردہ، عصا ہاتھ میں، گردن ہلتی
ضعفِ پِیری سے نہایت ہی حقِیر آیا ہے

سُن کے یہ شکل و شباہت مِری، اُس شوخ نے ، آہ
وہیں معلوُم کِیا ، یہ کہ ! نظؔیر آیا ہے ؟

نظؔیراکبر آبادی

 

[طارق شاہ]

دِلوں میں گردِ کُدُورَت، لَبوں پہ خاموشی
بڑے فساد کا ساماں سُکُوتِ شہر میں تھا

سِوائے کاہشِ ہستی، کسی نے کیا پایا
مِزاجِ یار کا پَرتو، مِزاجِ دہر میں تھا

وہ ہم ہی تھے ، کہ رہے ہر نظر میں بیگانے !
کوئی مزاج شناسا ، نہ سارے شہر میں تھا

خوشا وہ وقت، کہ منزِل قرِیب تھی، باؔقر
کہ اہلِ ذوق کا مَسکن سوادِ شہر میں تھا

باقؔر زیدی

 

[طارق شاہ]

دیارِ خواب کی گلیوں کا جو بھی نقشہ ہو!
مکینِ شہر نہ بدلیں نظر، دُعا کرنا

چراغ جاں پہ ، اِس آندھی میں خیریت گُزرے
کوئی اُمید نہیں ہے، مگر دُعا کرنا

اعتبار ساؔجد

 

[طارق شاہ]

مُسافتوں میں، نہ آزار جی کو لگ جائے!
مِزاج داں نہ مِلیں ہمسفر، دُعا کرنا

تمہارے بعد مِرے زخمِ نارَسائی کو
نہ ہو نصِیب کوئی چارہ گر ، دُعا کرنا

اعتبار ساؔجد

 

[طارق شاہ]

کب تھی، اپنے منہ میاں مِٹّھوُ ، کی بھی حاجت ہَمَیں
قصّہ خوانی کو ہماری ، اِک جہاں موجود تھا

شفیق خَلِؔش

 

[طارق شاہ]

دُزدِ حِنائے پا سے، ہُشیار رہیو، غافِل!
یہ لے نہ جائے تیرا کفشِ چکن چُرا کر

باندھا کریں ہیں کیا کیا ، اے مصحفؔی برشتے
مضمونِ تازہ میرے یہ ہم سُخن چُرا کے

غلام ہمدانی مصحفؔی

 

[طارق شاہ]

دِل لے گیا ہے میرا وہ سیم تن چُرا کے
شرما کے جو چلے ہے سارا بدن چُرا کے

غلام ہمدانی مصحفؔی