شعر و شاعر (اشعار اور خالق)

[طارق شاہ]

ترکِ اُلفت کے بعد اُمیدِ وفا
ریت پر چل سکی ہے ناؤ کبھی

پروین شاکر

 

[طارق شاہ]

اب جفا کی صراحتیں بیکار
بات سے بھر سکا ہے گھاؤ کبھی
پروین شاکر

 

[طارق شاہ]

پھاڑ اُس کے ورق اُن نے پتنگ اپنا بنایا
اچھّی لگی سعدؔی کی گُلِستان ٹھکانے

اُس طفل کے ہاتھوں سے نہیں دُور، جو یُوں ہی
میرا بھی، لگادیوے وہ ، دیوان ٹھکانے

غلام ہمدانی مصحفؔی امروہوی

 

[طارق شاہ]

وہ بُت نظر آیا ہے مجھے نامِ خُدا، ہائے
دیکھے سے رہے جس کے نہ ایمان ٹِھکانے

غلام ہمدانی مصحفؔی امروہوی

 

[طارق شاہ]

فرازؔ ! منزلِ مقصُود بھی ، نہ تھی منزِل
کہ ہم کو چھوڑ کے، ساتھی رَو اں ہمارے ہُوئے

احمد فراؔز
۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کہوں تو کِس سے کہوں آ کے اب سرِ منزِل
سفر تمام ہُوا، ہمسفر نہیں آیا

میں وہ مُسافرِ دشتِ غمِ محبّت ہُوں
جو گھر پُہنچ کے بھی سوچے کہ گھر نہیں آیا

پروفیسر سحر انصاری ، کراچی

 

[طارق شاہ]

دیکھ کراُس کو مُجسّم حیرتی تصویر ہیں !
بُت وہیں بن کر کھڑے ہیں، وہ جہاں موجُود تھا

شفیق خلؔش

 

[طارق شاہ]

فرؔاز ! اِس گُمرہی پر کیا کسی کو دَوش دینا
کہ راہِ عاشقی کے پیچ و خم تم جانتے تھے

احمد فراؔز

 

[طارق شاہ]

بہت ہی سادہ سی اِک آرزُو ہماری تھی
زمانے گُزرے مگر شرحِ آرزو کرتے

کرؔم حیدری

 

[طارق شاہ]

کرؔم ! جو دیکھا تو ، تھے مارِ آستیں اپنے
کٹی تھی عمر جِنھیں زِینتِ گلُو کرتے

کَؔرَم حیدری

 

[طارق شاہ]

اَسیرِ ِحال نہ مُردوں میں ہیں، نہ زِندوں میں
زبان کٹتی ہے آپس میں گفتگو کرتے

یاؔس ، یگاؔنہ، چنگیؔزی

 

[طارق شاہ]

مجھ کو نِگراِنی دِل و دِیدہ ہُوئی ہے دُشوار
کوئی جب سے مِری جانب نگراں گُذرا ہے

عبدالمجید سالؔک

 

[طارق شاہ]

جوانی مِٹ گئی، لیکن خَلِش دردِ محبّت کی
جہاں معلوُم ہوتی تھی، وہیں معلوُم ہوتی ہے

چراغ حَسَن حسرؔت

 

[طارق شاہ]

اُمیدِ وصل نے دھوکے دیے ہیں اِس قدر حسرؔت !
کہ اُس کافر کی ہاں بھی، اب نہیں معلُوم ہوتی ہے

چراغ حَسَن حسرؔت

 

[طارق شاہ]

احساس ہو چَلا کہ قضا آچُکی خلؔش !
عالَم وہ دِیدَنی کا مِری جان تھا لئے

شفیق خلؔش

 

[طارق شاہ]

اُس مدّ و جزْرِ عِشق سے بچنانصیب کیوں
کم سرو قد وہ ذات میں طوُفان تھا لئے

شفیق خلؔش

 

[طارق شاہ]

آہ میری ہے تبسّم تیرا !
اِس لیے، درد بھی راحت ہے مجھے

میراجی

 

[طارق شاہ]

اب نہ وہ جوشِ تمنّا باقی
اب نہ وہ عشق کی وحشت ہے مجھے

اب یونہی عُمر گُزر جائے گی !
اب یہی بات، غنیمت ہے مجھے

میراجی

 

[طارق شاہ]

آتشِ غم کے سَیلِ رَواں میں نیندیں جَل کر راکھ ہُوئیں
پتّھر بن کر دیکھ رہا ہُوں آتی جاتی راتوں کو

ناصؔر کاظمی

 

[طارق شاہ]

دِل محوِ جمال ہو گیا ہے
یا صرفِ خیال ہو گیا ہے

اب اپنا یہ حال ہو گیا ہے
جِینا بھی محال ہوگیا ہے

میراجی

 

[طارق شاہ]

ہر لمحہ ہے آہ آہ لب پر !
ہر سانس وبال ہو گیا ہے

وہ درد جو لمحہ بھر رُکا تھا !
مُژدہ کہ بحال ہو گیا ہے

میراجی