شعر و شاعر (اشعار اور خالق)

[طارق شاہ]

کیا نہ کُچھ میری سہولت کو ، وہاں موجود تھا
دِل دھڑکنے کا سبب لیکن کہاں موجود تھا

شفیق خَلِؔش

 

[طارق شاہ]

زندگی بھر وصل کی اُمِّید سے جھَٹکا نہ ہاتھ
دِل وہ سینے میں ہمارے خوش گُماں موجود تھا

شفیق خَلِؔش

 

[طارق شاہ]

خوش گُمانی تک نہ پائی کیا کہیں اپنی خلش
ہر زمانے ہی مُقابِل اِک جہاں موجود تھا

شفیق خَلِؔش

 

[طارق شاہ]

ہوش نِگہ لے چُکی، زُلف کی اب گھات ہے
دیکھیے آگے، ابھی پہلی مُلاقات ہے

کھینچ کے ابرو کے تیغ، کہتے ہو کُچھ ڈر نہیں!
میرا تو کانپے ہے دِل، آپ کی کیا بات ہے

نظؔیر اکبر آبادی

 

[طارق شاہ]

ہر چیز کو مِثال سے ہوتی ہے اِک نمُود
کیا ہو بیان ذاتِ عدِیم المِثال کا

قربان علی بیگ سالؔک

 

[طارق شاہ]

میں نِکلتا تِری محفِل سے اکیلا، اے کاش
غم یہ ہے، ساتھ مِرے غیر کا ارماں نِکلا

قربان علی بیگ سالؔک

 

[طارق شاہ]

ہے بُرائی نصیب کی، کہ مجھے!
تم سے اُمِّید ہے بَھلائی کی

قربان علی بیگ سالؔک

 

[طارق شاہ]

کتنے عاجِز ہیں ہم ،کہ پاتے ہیں
بندے بندے میں بُو خُدائی کی

قربان علی بیگ سالؔک

 

[طارق شاہ]

رہ گئیں دِل میں حسرتیں سالؔک
آ گئی عُمر پارسائی کی

قربان علی بیگ سالؔک

 

[طارق شاہ]

کبھی کبھی مجھے اَن بُوجھی اُلجھنوں سے مِلا
جچی تُلی ہُوئی اِک سانس کا بھروسا بھی

کبھی کبھی اِنہی الھڑ ہَواؤں میں امؔجد
سُنا ہے دُور کے اِک دیس کا سندیسا بھی

مجید امؔجد

 

[طارق شاہ]

اُس کے سمندِ ناز کا پامال تو رہُوں
اے کاش میری گور کریں رہگزر کے بیچ

مِیر تقی مِیؔر

 

[طارق شاہ]

کِس عرصۂِ فریب کی وحشت میں تھے ، کہ ہم
دن میں ہی رہ سکے ، نہ کہِیں رات میں رہے

اظہر نقوی مرحوم

 

[طارق شاہ]

اعجاز سے زیادہ سِحر اُس کے ناز کا !
آنکھیں وہ کہہ رہی ہیں، جو لب سے بیاں نہ ہو

حکیم مومن خاں مومؔن

 

[طارق شاہ]

مُقابِل اُس رُخِ روشن کے کُھل گئی قلعی
نہ ٹھہرا آگ پہ سِیماب وار آئینہ

حکیم مومن خاں مومؔن

 

[طارق شاہ]

سُخن مُشتاق ہے عالَم ہمارا
غنیمت ہے جہاں میں دَم ہمارا

رہے ہم عالَمِ مَستی میں اکثر
رہا کُچھ اور ہی، عالَم ہمارا

بہت ہی دُور ہم سے بھاگتے ہو
کرو ہو پاس کُچھ تو کم ہمارا

بِکھر جاتے ہیں کُچھ گیسو تمھارے
ہوا ہے کام دِل برہم ہمارا

رکھے رہتے ہیں دِل پر ہاتھ اے مِیؔر
یہیں، شایدکہ ہے سب غم ہمارا

مِیر تقی مِیؔر

 

[طارق شاہ]

تکیہ اُس پر جو کِیا تھا سو گرا بستر پر
یعنی، میں شوق کی افراط سے بِیمار ہُوا

مِیر تقی مِیؔر

 

[طارق شاہ]

باغباں نے آگ دی جب آشیانے کو مِرے
جن پہ تکیہ تھا، وہی پتّے ہَوا دینے لگے

ثاقب لکھنوی

 

[طارق شاہ]

غُبارِ طبع میں تھوڑی بہت کمی ہو جائے !
تمھارا نام بھی سُن لُوں، تو روشنی ہو جائے

شہزاد احمد شہزؔاد

 

[طارق شاہ]

اور کیا دیکھنے کو باقی ہے
آپ سے دِل لگا کے دیکھ لِیا

فیض احمد فیضؔ

 

[طارق شاہ]

کھینچ لاتی ہے ہَمَیں تیری محبّت، ورنہ
آخری بار، کئی بار مِلے ہیں تجھ سے

عباس تابؔش