شعر و شاعر (اشعار اور خالق)

[طارق شاہ]

چاہت میں ہمارا جِینا مرنا
آپ اپنی مِثال ہو گیا ہے

پہلے بھی مُصیبتیں کچھ آئیں
پر ، اب کے کمال ہو گیا ہے

میراجی

 

[طارق شاہ]

کرچُکے سب اپنی اپنی حِکمتیں
دَم نِکلتا ہو، تو ہمدم کیا کریں

تُندخُو ہے کب سُنے وہ دِل کی بات !
اور بھی، برہم کو برہم کیا کریں

داؔغ دہلوی

 

[طارق شاہ]

ہم اُس کےطرزِعمل سے ہُوئے نہ یُوں عاجز
کہ جان جاں تو ہے اپنا، وہ تُند خُو ہی سہی

شفیق خلؔش

 

[طارق شاہ]

مزارِ یاسؔ پہ کرتے ہیں شُکر کے سجدے
دُعاے خیر تو کیا اہلِ لکھنؤ کرتے

یاؔس ، یگاؔنہ، چنگیؔزی

 

[طارق شاہ]

دِل کھو کے خلِؔش شُُکر کے سجدے یُوں کریں ہم
دِل ایسا حَسِیں چھیننے والا نہ مِلے گا

شفیق خلؔش

 

[ابن توقیر]

یہ الگ بات کوئی سچ نہ کہے
رسمِ طائف ابھی سلامت ہے

توقیر علی زئی

 

[طارق شاہ]

وقفِ فریاد بھی نہیں رہتا
دِل مگر شاد بھی نہیں رہتا

ایک وہ ہے، کہ بُھولتا ہی نہیں
اور کُچھ یاد بھی نہیں رہتا

باقؔر زیدی

 

[طارق شاہ]

اب ہم غُبارِ مہ و سال کے لپیٹ میں ہیں
ہمارے چہرے پہ رونق کبھی بَلا کی تھی

مُحسؔن احسان

 

[طارق شاہ]

جن کو ساری زندگی زعمِ مسیحائی رہا
اُن کو آخر ایک دِن بیمار ہونا تھا، ہوئے

مُحسؔن احسان

 

[طارق شاہ]

مُجھے یہ آسماں ہے سر چُھپانے کے لیے کافی
در و دِیوار ہیں میرے، نہ کوئی بام رکھتا ہُوں

یہ کارِ عاشقی بھی، آ پڑا ہے یُونہی رستے میں !
وگرنہ مَیں تو اپنے کام ہی سے کام رکھتا ہُوں

ظفؔر اقبال

 

[طارق شاہ]

میں ہی معدُوم سا ہوتا گیا رفتہ رفتہ !
ورنہ، منظر تو فلک بوس رہے چاروں طرف

ظفؔر اقبال

 

[طارق شاہ]

یاد ہے آج تک مجھے پہلے پہل کی رسم و راہ
کُچھ اُنہیں اِجتناب سا، کُچھ مجھے احتمال سا

جِگؔر مُراد آبادی

 

[طارق شاہ]

مَیں اُنھیں دیکھتا رہتا ہُوں جہاں تک دیکھوں
ایک وہ ہیں کہ جو دیکھیں نہ اُٹھا کر آنکھیں

احمد فراؔز

 

[طارق شاہ]

وہ دیکھتے ہیں تبسّؔم مِرے لبوں کی ہنسی
جو میرے دِل پہ گُزرتی ہے ، کوئی کیا جانے

صُوفی غُلام مُصطفٰی تبسّم

 

[طارق شاہ]

بیٹھا تِرے خیال سے ہُوں انجُمن کئے
اے کاش پھر سے لوٹیں نہ تنہائیاں وہی

جاتی ہیں عادتیں کہیں پُختہ رہیں خلؔش!
چاہے نہ کب یہ دل، کہ ہو نادانیاں وہی

قوّت کہاں ہے دِل میں سہے پھر سے اب، خلؔش !
آئیں جو لوٹ کر مِری ناکامیاں وہی

شفیق خلؔش

 

[طارق شاہ]

رات ہم نے بھی یُوں خوشی کر لی
دِل جَلا کر ہی روشنی کر لی

ہم نے اُن سے نظر مِلا کے مُشؔیر
کتنی بے چین ز ند گی کر لی

مُشؔیر کاظمی

 

[طارق شاہ]

شور دِن کو نہیں سونے دیتا
شب کو سنّاٹا جگا دیتا ہے

سیف الدین سیؔف

 

[طارق شاہ]

روز کرتی ہے اِک سِتم ایجاد
یہ زمیں بھی ہے آسماں کوئی

شوکؔت ثریا

 

[طارق شاہ]

تُو نہیں، تو تِرا خیال سہی !
روشنی تو ہے نزدِ جاں کوئی

شوکؔت ثریا

 

[طارق شاہ]

دِلِ وِیراں میں تابؔش! کیوں تمنّائیں بساتے ہو
بڑے ناداں ہو، صحرا بھی کوئی آباد کرتا ہے

تابؔش دہلوی
(مسعُود الحسن)