شعر و شاعر (اشعار اور خالق)

[ڈاکٹرعامر شہزاد]

مُجھے یہ آسماں ہے سر چُھپانے کے لیے کافی
در و دِیوار ہیں میرے، نہ کوئی بام رکھتا ہُوں

یہ کارِ عاشقی بھی، آ پڑا ہے یُونہی رستے میں !
وگرنہ مَیں تو اپنے کام ہی سے کام رکھتا ہُوں

ظفؔر اقبال

زبردست

 

[طارق شاہ]

دَم توڑنا ہے فرقتِ جاناں میں اپنا کام !
کچھ کوہکن نہیں ہیں جو کہسار توڑیے

امام بخش ناسؔخ

 

[طارق شاہ]

رہتا نہیں تڑپنے سے ٹک ہاتھ کے تَلے!
کیا جانُوں مِیؔر! دِل کو مِرے، کیا بَلا ہُوا

مِیر تقی مِیؔر

 

[طارق شاہ]

بے یقینی کا یہ عالَم ہو ، تو جینا کیسا
ایک پَل بھی مجھے جینے کا گُماں ہو تو جیوں

امِیر خُسرو
(ترجمہ صوفی تبسّم)

 

[طارق شاہ]

اُدھر جلوۂ مُضطرب، توبہ توبہ !
اِدھر، یہ دِلِ بے قرار اللہ اللہ

وہ لب ہیں، کہ ہے وجد میں موجِ کوثر
وہ زُلفیں ہیں یا خُلدِ زار، اللہ اللہ

امِیر خُسرو
( ترجمہ صُوفی تبسّم )

 

[طارق شاہ]

اُس ماہِ نِیم ماہ کو، دیکھا جو اے ندیؔم !
تارے چمک اُٹھے مِری لَوحِ سِیاہ میں

احمد ندیؔم قاسمی

 

[طارق شاہ]

تِرے جوشِ حیرتِ حُسن کا اثر اِس قدر ہے یہاں ہُوا
کہ نہ آئینے میں جِلا رہی، نہ پَری میں جلوہ گری رہی

چَلی سمتِ غیب سے اِک ہَوا کہ چمن ظہُور کا جل گیا
مگر ایک شاخِ نہالِ غم، جسے دِل کہَیں، سو ہَری رہی

سِراج اورنگ آبادی

 

[طارق شاہ]

سخت کافر تھا جس نے پہلے مِیؔر !
مذہبِ عِشق اِختیار کِیا

مِیر تقی مِیؔر

 

[طارق شاہ]

ہر چند! ہر ایک شے میں تُو ہے
پر تجھ سی تو، کوئی شے نہیں ہے

ہاں، کھائیو مَت فریبِ ہستی!
ہر چند کہَیں کہ ہے، نہیں ہے

ہستی ہے، نہ کُچھ عَدم ہے غاؔلب!
آخر تُو کیا ہے؟، اے نہیں ہے

مرزا اسداللہ خاں غالؔب

 

[طارق شاہ]

حُسنِ نِسوانی ہے بجلی تیری فِطرت کے لیے !
پھر عجب یہ ہے کہ، تیرا عِشق بے پروا بھی ہے

تیری ہستی کا ہے آئین ِتفنّن پر مدار
تو کبھی ایک آستانے پر جَبِیں فرسا بھی ہے

ہے حَسِینوں میں وَفا نا آشنا تیرا خطاب
اے تلوّن کیش! تو مشہوُر بھی ، رُسوا بھی ہے

علامہ اقباؔل

 

[طارق شاہ]

دُھوپ کی رُت میں کوئی چھاؤں اُگاتا کیسے
شاخ پُھوٹی تھی کہ، ہمسایوں میں آرے نکلے

پروین شاکر

 

[طارق شاہ]

ہم عاشقوں میں جو اِک رسم ہے مروّت کی
تمھارے شہر میں از راہِ دِلبری بھی نہیں

مصطفٰی زیدی

 

[طارق شاہ]

مَیں خُوب سمجھتا ہُوں دو عالَم کی حقِیقت
آرام سے اِنسان، یہاں ہے نہ وہاں ہے

میکؔش ناگپوری

 

[طارق شاہ]

کِس قدر ہو گا یہاں مہر و وفا کا ماتم
ہم تری یاد سے جس روز اُتر جائیں گے

فیض احمد فؔیض

 

[طارق شاہ]

گو میں رہا رہینِ سِتم ہائے روزگار !
لیکن، تِرے خیال سے غافِل نہیں رہا

مِرزا اسداللہ خاں غاؔلب

 

[طارق شاہ]

اِک حقیقت سہی فردوس میں حُوروں کا وجوُد
حُسنِ انساں سے نمٹ لوُں، تو وہاں تک دیکھوُں

احمد ندیؔم قاسمی

 

[طارق شاہ]

کام آئے اُن کے ہاتھوںہم اپنی رضا کے ساتھ
اِترائے جس پہ پھرتے ہیں کیا کیا ادا کے ساتھ

شفیق خلؔش

 

[طارق شاہ]

صُورت نِگار حُسن کی تجوِیز کے نِثار
مُشتِ غُبارِ شوق کو اِنساں بنا دیا

شیخ عبدالطیف تپؔش

 

[طارق شاہ]

بد نصیبی نہ چھوڑتی ہے خلؔش
مہرباں خود پہ یُوں فلک دیکھوں

شفیق خلؔش

 

[طارق شاہ]

خواب ہی خواب اب تلک دیکھوں !
کب حقیقت میں اِ ک جھلک دیکھوں

شفیق خلؔش