شعر و شاعر (اشعار اور خالق)

[طارق شاہ]

چشم ترسے ہے بوجھ پلکوں پر !
جی کرے غم ذرا چھلک دیکھوں

شفیق خلؔش

 

[طارق شاہ]

جسے جہاں میں سدا اشکبار رہنا ہو
تِرے فسُونِ تبسّم کا اعتبار کرے

صُوفی تبسّؔم

 

[طارق شاہ]

گِرتےقطرے کی کیا حقیقت ہے
بن کے آنسو میں خود ڈھلک دیکھوں

شفیق خلؔش

 

[طارق شاہ]

غالؔب و مِیؔر بن رہے ہیں لوگ
شعر سمجھیں، نہ شاعری آئے

باقؔر زیدی

 

[طارق شاہ]

جب حَسِیں ہوں کنارہ کش باؔقر
پِھر تو اچھّا ہے ، موت ہی آئے

باقؔر زیدی

 

[طارق شاہ]

یعنی، ترتیبِ کرم کا بھی سلیقہ تھا اُسے !
اُس نے پتّھر بھی اُٹھایا مجھے پاگل کر کے

عِید کا دِن ہے سو کمرے میں پڑا ہُوں اسلؔم
اپنے دروازے کو ، باہر سے مقفّل کر کے

اسلؔم کولسری

 

[سید عاطف علی]

اگر وہ پوچھ لیں ہم سے ،تمہیں کس بات کا غم ہے
تو پھر کس بات کا غم ہے ،اگر وہ پوچھ لیں ہم سے
نا معلوم

 

[طارق شاہ]

کام تو ہم سے ہو سکا نہ کوئی !
کرکے باتیں بڑی بڑی آئے

باقؔر زیدی

 

[طارق شاہ]

اُس کی محِفل میں بیٹھنے سے ہَمَیں
کُچھ تو آدابِ بندگی آئے

باقؔر زیدی

 

[طارق شاہ]

کم تھے تنہا ، کہ ہُوا پیار بھی اُس ظالم سے
جس کی چاہت نے کِیا اور بھی تنہا ہم کو

شفیق خلؔش

 

[طارق شاہ]

تجھ سے دُوری میں بھی خوش رہتا ہُوں پہلے کی طرح
بس کسی وقت بُرا لگتا ہے تنہا ہونا

احمد مشتاؔق

 

[طارق شاہ]

خروشِ آرزُو ہو، نغمۂ خاموش اُلفت بن !
یہ کیا اِِک شیوۂ فرسُودۂ آہ و فغاں برسوں

اضغؔر گونڈوی

 

[طارق شاہ]

مکاں سے ہے، نہ کُچھ ہم کو لا مکاں سے غرض
جہاں حُضور مِلیں، ہم کو ہے وہاں سے غرض

تمھارے جلوے کے مُشتاق ہیں، جہاں ہو نصیب !
زمِیں سے کام، نہ کُچھ ہم کو آسماں سے غرض

امِؔیر مینائی

 

[طارق شاہ]

جہاں فریب ہے مجذوبؔ ! یہ تِری صُورت
بُتوں کے عِشق کا، تجھ پر گُماں نہیں ہوتا

خواجہ عزیز الحسن مجذؔوب

 

[طارق شاہ]

وہ سب کے سامنے اِس سادگی سے بیٹھے ہیں !
کہ دِل چُرانے کا، اُن پر گُماں نہیں ہوتا

خواجہ عزیز الحسن مجذؔوب

 

[طارق شاہ]

لے نہ جائے کہیں چُپ چاپ سَرِ دار مجھے
غم کے اِظہار سے روکے ہُوئے پندار مجھے

گو کہ شاداں ہُوں تخیّل و تصوّر سے،مگر !
چاہُوں مِل جائے حقیقت میں مِرا پیار مجھے

شفیق خلؔش

 

[طارق شاہ]

ناصح کفِ افسوس نہ مل، چل تجھے کیا کام
پامال کریں گے وہ مجھے یا نہ کریں گے

حکیم مومن خاں مومؔن

 

[طارق شاہ]

کیونکر یہ کہیں منّتِ اعدا نہ کریں گے
کیا کیا نہ کِیا عِشق میں، کیا کیا نہ کریں گے

حکیم مومن خاں مومؔن

 

[طارق شاہ]

مَیں ، اگر آپ سے جاؤں، تو قرار آجائے !
پر ، یہ ڈرتا ہُوں کہ، ایسا نہ ہو یار آجائے

مومن خاں مومؔن

 

[طارق شاہ]

سَحر تک شام سے تجھ بِن یہی حالت رکھی دِل نے
نہ مجھ کو چین دیتا تھا، نہ خود آرام لیتا تھا

مومن خاں مومؔن