شعر و شاعر (اشعار اور خالق)

[طارق شاہ]

حرم والو! پُرانے دوستو! ایمان سے کہنا
بسر کی ہے تمھارے ساتھ کیسے زندگی مّیں نے

جگن ناتھ آزاؔد

 

[طارق شاہ]

فریبِ رنگ و بُو کو بارہا نظروں نے ٹھکرایا
یہ مانا، بارہا تیری کمی محسُوس کی مَیں نے

جگن ناتھ آزاؔد

 

[طارق شاہ]

کیا اثر اُس پہ ہو اعجاز ِمسیحائی کا
جس کا جینے کا نہ ہو اپنا ارادہ برلاس

مُرتضٰی برلاؔس

 

[طارق شاہ]

ضیا کا دَور تھا کوڑوں کا، ٹکٹکی کا خلؔش!
پِٹے نہ ہم ہی فقط خواہشِ سبُو کرتے

شفیق خلؔش
پاکستان میں قلمی مزاحمت - BBC Urdu

 

[طارق شاہ]

رِیا کی حد تھی ، کہ اللہ کا نام لیتا تھا!
ڈرا کبھی نہ جو لوگوں کے دِل لہُو کرتے

شفیق خلؔش

 

[ہارون اعجاز]

کیا قیامت ہے کہ دل جس کا نگر ہے محسن
دل پہ اس کا بھی اجارہ نہیں دیکھا جاتا

محسن نقوی

 

[ہارون اعجاز]

یاد آئے جو میرے بعد سنورنا اسکو
اے شبء ہجر اسے چاند کا جھومر دینا۔

محسن نقوی

 

[طارق شاہ]

ہر حال میں، ہر دَور میں تابندہ رہُوں گا
مَیں زندۂ جاوید ہُوں، پائندہ رہُوں گا

تاریخ مِرے نام کی تعظیم کرے گی
تاریخ کے اَوراق میں آئندہ رہُوں گا

آغا شورؔش کاشمیری

 

[طارق شاہ]

زیادہ دن نہیں ہُوئے یہاں کُچھ لوگ رہتے تھے
جو دِل محسوس کرتا تھا علی الا علان کہتے تھے

گریباں چاک دیوانوں میں ہوتا تھا شُمار اُن کا
قضا سے کھیلتے تھے، وقت کے اِلزام سہتے تھے

آغا شورؔش کاشمیری

 

[طارق شاہ]

پائے جنُوں پہ کیسی افتاد آ پڑی ہے
اگلی مسافتوں سے اِنکار کر دِیا ہے

شہریار

 

[طارق شاہ]

ظُلم پھر ہوش نے نہ کم ڈھائے
جب ذرا غم سے ہم رہا بھی ہُوئے

شفیق خلؔش

 

[طارق شاہ]

مجھے سُنے نہ کوئی مستِ بادۂ عشرت
مجاؔز ٹُوٹے ہُوئے دِل کی اِک صدا ہُوں مَیں

مجاؔز لکھنوی

 

[طارق شاہ]

وارفتگیِ شوق کا عالَم نہ پُوچھیے
ہم لوگ اِنتظار کے سانچوں میں ڈھل گئے

شفیق خلؔش

 

[طارق شاہ]

سمجھا رہے تھے مجھ کو سبھی ناصحانِ شہر
پھر رفتہ رفتہ خود اُسی کافر کے ہو گئے

احمد فراؔز

 

[طارق شاہ]

نمُود ِخواب کی باتیں ، شکست ِخواب کا ذکر
ہمارے بعد ، یہ قصّے کوئی کہے گا نہیں

افتخار عارف

 

[طارق شاہ]

سُنا یہی ہے پزیرائیِ ہُنر ہوگی !
شمارِ زخم پہ ، آمادہ وہ نظر ہوگی

نصیبِ عِشق میں لکھی ہے وصل کی ساعت
یقین رکھو، شبِ ہجر مختصر ہوگی

قصور اِس میں سمندر کا تھا ، نہ پیاس کا تھا
ہماری آنکھ ہی مرکوز ریت پر ہوگی

دلِ عزیز ! بہت وُسعتوں سے خوف نہ کھا
زمین اور سُکڑ جائے گی تو گھر ہوگی

شہریار

 

[طارق شاہ]

تمام عُمر پِیا مَیں نے غم میں خُونِ جِگر
جہاں میں نام مگر رندِ بادہ خوار ہُوا

امام بخش ناسؔخ

 

[طارق شاہ]

ورنہ یہ تیز دھوپ تو چبُھتی ہَمَیں بھی ہے
ہم چُپ کھڑے ہُوئے ہیں کہ تُو سائباں میں ہے

پروین شاکر

 

[طارق شاہ]

تمتُّع ایک کا ہے، ایک کے نُقصاں سے عالَم میں !
کہ سایہ پھیلتا جاتا ہے جُوں جُوں دُھوپ ڈھلتی ہے

نظم طباطبائی

 

[طارق شاہ]

بِنا رکھّی ہے غم پر زِیست کی ، یہ ہو گیا ثابت !
نہ لپکا آہ کا چُھوٹے گا جب تک سانس چلتی ہے

نطم طباطبائی