شعر و شاعر (اشعار اور خالق)
- صاحب لڑی طارق شاہ
- تاریخ ابتداء
-
- ٹیگ
- شعر و شاعر ، طارق شاہ
طارق شاہ
محفلین
کِس قدر جذبہ الٰہی خنجرِ قاتل میں ہے
میان سے نکلے تو مَیں سمجھُوں ،کہ خنجر دِل میں ہے
حالِ دِل کب تک سُنوگے، بس تم اِتنا جان لو !
مُرغِ بِسمِل کی سی کیفیّت، دِلِ بِسمِل میں ہے
مُنہ سے کہیے یا نہ کہیے، مِل گیا ہم کو جواب
آپ کے تیور کہے دیتے ہیں، جو کُچھ دِل میں ہے
فانؔی بدایونی
طارق شاہ
محفلین
وہ حُسنِ کافر، اللہ اکبر !
تخرِیب دَوراں، آشوبِ محشر
وہ قدِ رعنا، وہ رُوئے رنگیں
عالَم ہی عالَم، منظر ہی منظر
جانِ توجّہ، رُوحِ تغافُل
عُریاں تبسّم، پوشِدہ نشتر
وہ موسمِ گُل، وہ شیشہ و مُل
وہ کیف و مستی، وہ رُت، وہ منظر
نغمہ ہی نغمہ، خوشبُو ہی خوشبُو
صہبا ہی صہبا، ساغر ہی ساغر
جگؔرمُرادآبادی