شعر و شاعر (اشعار اور خالق)

[طارق شاہ]

گر چمن میں چلے وہ رشکِ بہار!
گُل کریں نقد آب و رنگ نثار

ولؔی دکنی

 

[طارق شاہ]

یاد تجھ خطِّ سبز کی، اے شوخ!
زخمِ دِل پر ہے مرہمِ زنگار

ولؔی دکنی

 

[طارق شاہ]

تجھ ہجر کے اگن میں اب ہے سر|ؔج بیکل
آتش میں دیکھ آکر سیماب کا تماشا

سِراؔج اورنگ آبادی

 

[طارق شاہ]

ہر حرف ہے سرمستی، ہر بات ہے رِندانہ
چھائی ہے مِرے دِل پر، وہ نرگسِ مستانہ

امیر خسرو

 

[طارق شاہ]

چھوٹی سی تھیلی کو دِکھلا کر اِک سوداگر نے یہ کہا!
صدہا شاعر مِل جائیں گے اِتنے کم دِیناروں میں

ڈاکٹر بشیر بدؔر

 

[طارق شاہ]

باتیں ، کہ جیسے پانی میں جلتے ہُوئے دِیئے
کمرے میں نرم نرم اُجالا سا بھر گیا

ڈاکٹر بشیر بدؔر

 

[طارق شاہ]

یہ کم معجزہ ہے مِرے خواب کا !
حقِیقت کا تُو بھی اِسے نام دے

شہر یاؔر

 

[طارق شاہ]

کِسے چاہیے رتجگوں کا صِلہ
کہا کِس نے نیندوں کا انعام دے

شہریاؔر

 

[طارق شاہ]

کہانی کہنے والے کہہ رہے ہیں
مگر جانے وہی جس پر پڑی ہو

بشیر بدؔر

 

[طارق شاہ]

غزل وہ مت سُنانا ہم کو شا ء
جو بیحد محفلوں میں چل چُکی ہو

بشیر بدؔر

 

[طارق شاہ]

یہ شب جیسے کوئی بے ماں کی بچی
اکیلے روتے روتے سو گئی ہو

بشیر بدؔر

 

[طارق شاہ]

میاں دیوان کا مت رعب ڈالو
پڑھو کوئی غزل ، جو واقعی ہو

بشیر بدؔر

 

[طارق شاہ]

زہر کھاتے ہیں تنگ آ کر ہم
یہ دَوا آئے دِل کو راس کہیں

داغؔ دہلوی

 

[طارق شاہ]

بزم میں داغؔ گر نہیں ،تو نہ ہو
یہیں ہو گا وہ ،آس پاس کہیں

داغؔ دہلوی

 

[طارق شاہ]

مَیں وہ صبرِ صَمِیم ہُوں، جِس نے
بارِ امانت سر پہ لِیا تھا

ناصؔر کاظمی

 

[طارق شاہ]

اِک کِرن چشم و چراغِ دلِ شب
کیوں اِسے خُونِ رگِ دِل نہ کہوُں

ناصؔر کاظمی

 

[طارق شاہ]

تیرے ہی نغمے سے وابسطہ نشاطِ زندگی
تیرے ہی نغمے سے کیف و اِنبساطِ زندگی

مجاؔز لکھنوی

 

[طارق شاہ]

مجھے سُنے نہ کوئی مستِ بادۂ عشرت!
مجاؔز ٹُوٹے ہُوئے دِل کی ، اِک صدا ہُوں مَیں

مجاؔز لکھنوی

 

[طارق شاہ]

تصوّر نے اُسے دیکھا ہے اکثر
خِرَد کہتی ہے جس کو لا مکانی

بتا، اے ظُلمتِ صحرائے اِمکاں !
کہاں ہوگا مِرے خوابوں‌کا ثانی

ناصؔر کاظمی

 

[طارق شاہ]

قوّت کہاں ہے دل میں سہے پھر سے اب خلؔش
آئیں جو لوٹ کر مری ناکامیاں وہی

شفیق خلؔش