شعر و شاعر (اشعار اور خالق)

[طارق شاہ]

عجب ہیں وہ، جو دِل کی ناشکیبائی سے پِھرتے ہیں!
ہم اِس چشمِ حقیقت بِیں کی بینائی سے پِھرتے ہیں

بہادر شاہ ظفؔر

 

[طارق شاہ]

دِلا، ہوتا ہے آشوبِ قیامت اُس جگہ برپا !
یہ خُوش قامت جہاں، انداز و رَعنائی سے پِھرتے ہیں

بہادر شاہ ظفؔر

 

[طارق شاہ]

قائم تو شہر شہر ہیں دارالشّفاء ، مگر
غم کا طبیب کوئی نہیں، کوئی بھی نہیں

تابؔش دہلوی

 

[طارق شاہ]

یہ بھی تونگروں کی ہے بستی، کہ دُور تک
مجھ سا غریب کوئی نہیں، کوئی بھی نہیں

تابؔش دہلوی

 

[طارق شاہ]

بہت بسیط ہے دشتِ جفا کی تنہائی
قریب و دُور کوئی آہُوئے وفا بھی نہیں

مجھے تو عہد کا آشوب کر گیا پتّھر
میں درد مند کہاں، درد آشنا بھی نہیں

عارف عبدالمتین

 

[طارق شاہ]

زُلفِ رَمِیدہ بُو جو پریشاں نہ رہ سکی
رُوئے پرِیدہ رنگ کو کیا کیجیے گا آپ

جِگؔر مُرادآبادی

 

[طارق شاہ]

اُتنا ہی اور ہو کے رہے گا غم آشکار
جتنی ہی احتیاط سوا کیجیے گا آپ

جِگؔر مُرادآبادی

 

[طارق شاہ]

ہر چند، ضبط حد سے سوا کیجیے گا آپ
آنسو نہ تھم سکیں گے تو، کیا کیجیے گا آپ

جِگؔرمُرادآبادی

 

[طارق شاہ]

جب کُچھ نہ بن پڑے گا مداوائے درد ِہجر
رو رو کے مغفرت کی دُعا کیجیے گا آپ

جِگؔرمُرادآبادی

 

[طارق شاہ]

نیا دِن نیا عذاب !

سرد شاخوں پہ اوس کے قطرے
ہیں ابھی محوِ خواب اور سُورج
رتھ پہ اپنے سوار آتا ہے

شہریاؔر

 

[طارق شاہ]

اِلتجا

کہاں ہو، کہاں ہو،
نئی صُبح کی مہرباں نرم کِرنوں
مِرا جسم ، مجھ سے بغاوت پہ آمادہ ہے
کانپتی ہے مِری رُوح
آؤ بچاؤ
مجھے شب کے زِنداں سے باہر نکالو
مَیں دِن کے سمندر کی گہرائیاں ناپنا چاہتاہُوں !

شہریاؔر

 

[طارق شاہ]

آ ہی جاتا ہے بُرے وقت میں اپنوں کو خیال
کوئی ہوتا جو ہمارا بھی، تو پُرساں ہوتا

مولانا ابوالحسن ناطق گلاوٹھی

 

[طارق شاہ]

عجیب لوگ تھے مجھ کو جَلا کے چھوڑ گئے
عجب دِیا ہُوں طلوُعِ سَحر پہ راضی ہُوں

عرفان صدیقی

 

[طارق شاہ]

جنوُں کے فیض سے ،چرچا بُتوں میں وحشت کا
خُدا کے فضل سے، موضوعِ گفتگو ہم لوگ

عرفان صدیقی

 

[طارق شاہ]

وہ طبع یاس پروَر نے مجھے چشمِ عقِیدت دی!
کہ ،شامِ غم کی تاریکی کو بھی نُورِ سَحر جانا

پنڈت برج نرائن چکبست

 

[طارق شاہ]

سِدھاری منزلِ ہستی سے کِس بےاعتنائی سے
تنِ خاکی کو، شاید رُوح نے گردِ سفر جانا

پنڈت برج نرئن چکبست

 

[طارق شاہ]

ذرّوں سے باتیں کرتے ہیں، دِیوار و دَر سے ہم
وابستہ کِس قدر ہیں ، تِری رہگُذر سے ہم

جِگؔرمُرادآبادی

 

[طارق شاہ]

کوئی حَسِیں حَسِیں ہی ٹھہرتا نہیں، جِگؔر
باز آئے اِس بُلندئ ذَوقِ نظر سے ہم

جِگؔرمُرادآبادی

 

[طارق شاہ]

نہیں ہے اُن سے ہماری کوئی شناسائی
گلی میں شوقِ تجلّی میں آن بیٹھے ہیں

خُدا کرے، وہ حقِیقت میں ہم کو ہوں حاصِل
جنھیں، ہم اپناتصوّر میں مان بیٹھے ہیں

شفیق خلؔش

 

[طارق شاہ]

سِتَم سے اُن کےخلؔش! زندگی لَبِ دَم ہے
مگر وہ ہیں کہ ، ابھی اور ٹھان بیٹھے ہیں

شفیق خلؔش