شعر و شاعر (اشعار اور خالق)

[طارق شاہ]

جو دِل دُکھا بھی تو، ہونٹوں نے پُھول برسائے!
خوشی کو ہم نے شریکِ ملال کر رکّھا

ناصؔر کاظمی

 

[طارق شاہ]

سُورج اور تارے

نئے خورشید سے یُوں ڈُوبتے تاروں نے کہا !
ہم بہت چمکے، مگر تیری ضیا کم نہ ہُوئی

ہم نے مِل جُل کے بہت زور لگایا ، لیکن
زُلفِ پُرنُور تِری ، ہم سے تو برہم نہ ہُوئی

مُسکراتے ہُوئے ، سُورج نے دِیا اُن کو جَواب !

جنگ مجھ سے نہ کرو، میرے مُقابِل نہ تنو
دَورِ پُرنُور میں جِینے کی تمنّا ہے، اگر !
میرے انوار میں گُم ہو کے، مِرا جُزو بَنو

جگن ناتھ آزاؔد

 

[طارق شاہ]

اب تو ، وہ حسرت سے آہ و نالہ کرنا بھی گیا !
کوئی دَم ہونٹوں تک آجاتا ہے گاہے سرد سرد

مِیر تقی مِیؔر

 

[طارق شاہ]

تسکِینِ دِل ہو تب، کہ کبھی آگیا بھی ہو
برسوں سے اُس کا آنا یہی صُبح پر رہا

مِیر تقی مِیؔر

 

[طارق شاہ]

اُٹھ نہیں سکتا تِرے در سے، شکایت کیا مِری !
حال میں اپنے ہُوں عاجِز مَیں، مجھے مقدُور کیا

لُطف کے حرف و سُخن پہلے جو تھے بہرِ فریب !
مُدَّتیں جاتی ہیں، اُن باتوں کا اب مذکُور کیا

مِیر تقی مِیؔر

 

[طارق شاہ]

تجھ سے دیکھا سب کو اور تجھ کو نہ دیکھا جُوں نِگاہ
تُو رہا آنکھوں میں اور آنکھوں سے پنہاں ہی رہا

شیخ ابراہیم ذوقؔ

 

[طارق شاہ]

عِلم ہے کُچھ اور شے اور آدمیّت اور شے !
کتنا طوطے کو کو پڑھایا، پر وہ حیواں ہی رہا

شیخ ابراہیم ذوقؔ

 

[طارق شاہ]

بیزار زندگی سے ہیں پِیر و جواں سبھی !
الطافِ شہریار کے ہیں، نوحہ خواں سبھی

مجاؔز لکھنوی

 

[طارق شاہ]

اب کیوں شرِیکِ حلقۂ نوعِ بشر نہیں
اِنسان ہی تو ہیں یہ، کوئی جانور نہیں

مجاؔز لکھنوی

 

[طارق شاہ]

اُف! وہ ترشے ہُوئے ہونٹوں پہ تبسّم کی لکیر
ہائے ، اُن نست نِگاہوں کا اثر کیا کہیئے

جگن ناتھ آزاد

ہائے اُن مست نگاہوں کا اثر کیا کہیئے

 

[طارق شاہ]

ذہنِ مشرق سے مطمئن ہے اگر
تو سمجھ لے، کہ تُو وڈیرا ہے

جوؔش ملیح آبادی

 

[طارق شاہ]

ہر طرف وسوسوں کے خیمے ہیں
ہر طرف واہموں کا ڈیرا ہے

سانس تک کُھل کے لی نہیں جاتی
وا دَرِیفا! وہ گُھپ اندھیرا ہے

اِس دیارِ جنُوں سے ، حضرتِ جوؔش !
بھاگ چلیے ابھی سویرا ہے

جوؔش ملیح آبادی

 

[طارق شاہ]

فکر کی اِک کِرن نہیں جس میں
کُنجِ اَوہام وہ گنھیرا ہے

جوؔش ملیح آبادی

 

[طارق شاہ]

ادائے برق و شرر میں یہ سرکشی کیسی ؟
قُوائے ارض و سما میں یہ خُود سَرِی کیا ہے ؟

کبھی وبائیں، کبھی زَلزَلے، کبھی طُوفان
یہی نظامِ قضا ہے ، تو ابتری کیا ہے ؟

جوؔش ملیح آبادی

 

[طارق شاہ]

کہتے ہیں مہِ نَو جسے، ابرُو نے وہ تیرے
کی آئینۂ چرخ میں ہے جلوہ نُمائی

شاہا! تِرے جلوے سے ہے یہ عِید کو رونق
عالَم نے ، تجھے دیکھ کے، ہے عِید منائی

شیخ ابراہیم ذوقؔ

 

[طارق شاہ]

ہے نمازِ کُشتۂ قامت، بجائے جانماز
اے قیامت! لا بِچھا، دامانِ محشر زیرِپا

شیخ ابراہیم ذوقؔ

 

[طارق شاہ]

مرنے کے بعد قبر میں گڑتا ہے آدمی
مَیں دَورِ زندگی ہی میں، خاک آرمِیدہ ہُوں

مَیں کثرتِ ظہوُر سے ، نادِیدنی ہُوں جوشؔ !
مَیں شِدَّتِ وُجود سے نا آفرِیدہ ہُوں

جوشؔ ملیح آبادی

 

[طارق شاہ]

خوشی سے رنج کا بدلہ یہاں نہیں مِلتا
وہ مِل گئے ، تو مجھے آسماں نہیں مِلتا

فانؔی بدایونی

 

[طارق شاہ]

ہزار ڈھونڈئیے،اُس کا نِشاں نہیں مِلتا
جبیں مِلے تو مِلے، آسماں نہیں مِلتا

فانؔی بدایونی

 

[طارق شاہ]

مجاز اور حقیقت کُچھ اور ہے، یعنی !
تِری نِگاہ سے، تیرا بیاں نہیں مِلتا

فانؔی بدایونی