فی البدیہہ شاعری (موضوعاتی / غیر موضوعاتی)

[فیصل عظیم فیصل]

کھینچا تانی میں ٹوٹ جاتا ہے ۔۔
یہ لڑی کم زیادہ ’’ دھاگہ ‘‘ ہے
(‌دھاگہ =تھریڈ)

لڑیاں نازک مزاج ہوتی ہیں
اس لیئے ٹوٹ ٹوٹ جاتی ہیں

 

[فیصل عظیم فیصل]

ہم کو اس قدر کھینچتے کیوں ہیں
کیا قصور اس کا ہے جنابِِ من ؟

ہم نہیں چاہتیں بلاتی ہیں
آپ رک پائیں تو رکا کیجئے

 

[فیصل عظیم فیصل]

لیجئے اب کہ ہم چلیں سونے۔۔۔۔!
چند گھنٹوں میں پھر سے اٹھنا ہے

 

[فیصل عظیم فیصل]

جب بھی آتا ہوں اوس کی محفل
خود کو بھولا ہوا س۔۔ا لگتا ہوں

 

[ابن سعید]

شام ڈھلنے تلک جو لوٹ آئے
اس کو بھولا ہوا نہیں کہتے

 

[فیصل عظیم فیصل]

محفلیں تھیں جو رونقوں والی
آج مجھ کوعجیب لگتی ہیں

 

[ابن سعید]

اس میں کچھ آپ کا قصور نہیں
کچھ تو محفل مزاج بدلے ہے

 

[مغزل]

ہم بھی آئے ہیں خوشہ چینی کو
کون ٹوکے گا خوشہ چینی پر ؟؟

چینی مہنگی ہوئی تو کیا غم ہے
ہم تو زندہ ہیں نکتہ چینی پر !

 

[ابن سعید]

ساری چیزیں ہیں چین کی سستی
نکتہ چینی ہو یا کہ خوشہ چیں

 

[فیصل عظیم فیصل]

آپ ابتک یہیں ہیں محفل میں
ہم تو سوئے بھی اور اب جاگے

 

[مغزل]

کچھ دنوں سے میں آ نہیں پایا
آج وہ قرض اتار لیتا ہوں

 

[ابن سعید]

رات کے دو نہیں بجے ہیں ابھی
اس لئے ہم نہیں ہیں خوابیدہ

 

[مغزل]

اب یہاں دن کے 12 بجنے ہیں
اب ہمیں دفتراں کو جانا ہے !!

 

[ابن سعید]

کچھ سیکھنے کے شوق میں سوئے نہیں ابھی
حالانکہ اک کلاس ہے اپنی صبح صبح

 

[خرم شہزاد خرم]

کون سا کام سر پڑا صاحب
بھاگ کر کس طرف کو جاتے ہو

 

[محمد وارث]

کچھ سیکھنے کے شوق میں سوئے نہیں ابھی
حالانکہ اک کلاس ہے اپنی صبح صبح

لفظ یہ 'صبح' ہے برادرِ من
کچھ نہ کچھ سیکھ ہی لیا ایسے

 

[ابن سعید]

"لطف" کا "وزن" "صبح" میں بھی ہے
"فعل" کا عین و لام ساکن ہے
جانتا خوب تھا اسے لیکن
"عقل" ہو "خبط" ایسا ممکن ہے

 

[فیصل عظیم فیصل]

چند مہینوں سے کچھ نہیں لکھا
رنگ محفل عجیب لگتا ہے ۔۔۔۔۔۔۔۔!

 

[شمشاد]

ماشاء اللہ کیا زبردست فی البدیہہ شاعری ہو رہی ہے۔

ویسے فیصل بھائی آپ ہیں کہاں؟ ذرا میرے دستخط پر ایک نظر ڈال لیجیئے گا۔

 

[زھرا علوی]

ہر طرف ایک ہو کا عالم ہے ۔۔
سارے شاعر کہاں گئے یاں کے ؟؟؟