فی البدیہہ شاعری (موضوعاتی / غیر موضوعاتی)

[الف عین]

جب بھی ہوتی ہے آمدِ فیصل
جانے کیا کیا بکھان ہوتا ہے
دور قحط الرجال کا تھا مگر
ہاٹ کا سا گمان ہوتا ہے
(سنجیدگی سے نہ لیا جائے)

 

[محسن حجازی]

فیصل میں جھلکتی ہے ثقافت لاہور کی
رواج لاہور کے، عادت لاہور کی

فیصل کے ساتھ بریکٹ میں بھائی ضرور متصور کیا جائے احتراما ذرا شعری رعایت کے پیش نظر خالی نام استعمال کرنا پڑا

 

[محمداحمد]

تصؔور میں در آیا ہے بریکٹ میں لکھا بھائی

(اور اب یہ حالت ہے کہ )

بریکٹ ہی بریکٹ ہیں، لکھا ھے جا بجا بھائی

 

[محسن حجازی]

کیا بریکٹ بریکٹ کر دیا آپ نے۔
بھائی کو بلینکٹ کر دیا آپ نے

Blanket

 

[فیصل عظیم فیصل]

کبھی کمبل کبھی بھائی تصور میں جو در آئی
وہی تصویر چاہت کی مرے دل میں اتر آئی



محسن بھائی آپ کو سات خون معاف ہیں اور یہ تو کچھ بھی نہیں ۔ آپ نے کیسے تصور کر لیا کہ میں اس محبت کا برا مانوں گا ۔ اور احمد بھائی آپ کے لئے عرض ہے کہ

بریکٹ بریکٹ نہیں ہے بلینکٹ
ذرا غور سے بات محسن کی سن لو
الف عین نےجو یہ چاہت لکھی ہے
رباعی میں لکھی محبت کی دھن لو


اور جناب الف عین صاحب کے لئے۔۔

ہاٹ ہم "ہاٹ" رہے "کول" کبھی بن نہ سکے
شعر ڈھیلے ہی رہے اور کبھی تن نہ سکے

 

[محمداحمد]

بلینکٹ سے یہ کمبل ہو گیا ہے
ہر اک خط میں مسلسل ہو گیا ہے
کئی بھائی ابھی تک اس میں گم ہیں
یہ کمبل سچ میں کمبل ہو گیا ہے

 

[محسن حجازی]

آٹا و بجلی غائب، شعرو سخن غائب ہے۔
فیصل بھائی شکریے کا بٹن غائب ہے۔

 

[ظفری]

اپگریڈنگ کو ٹھیک کرنے میں وقت تو لگتا ہے
نئے پنچھیوں کو یوں اڑنے میں ‌وقت تو لگتا ہے

 

[الف عین]

بات اتنی ہے کہ یہ رسم نبھائیں ہم کیوں
تکمۂ شکریہ ٹچ کر نے کو آئیں ہم کیوں

 

[شاکرالقادری]

سلسلہ فی البدیہہ شعروں کا
خوب محسن کو راس آی۔۔۔ا ھے
نسخ و تعلیق میں تو م۔اھ۔ر تھا
شعر کا شوق بھی چ۔۔۔رایا ھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ستعلیق ﴿نسخ اور تعلیق کے امتزاج سے پیدا ہونے والا رسم الخط﴾

 

[الف عین]

شاکرِ خستہ کے بخیر بند تھا کاروبار یاں
ہم توبلائیں بار بار، وہ آئیں بار بار کیوں؟؟

 

[مغزل]

۔۔ کیا کہنے ہیں۔۔ واہ

 

[محمداحمد]

مغل بھائی

چار دن بعد آپ آیئں ہیں
چار اشعار تو سنائیں نہ!

 

[مغزل]

دو شعر ابھی باقی ۔۔ ملاقات ہونے پر۔۔۔

مری تصویر مجھ سے کہہ رہی ہے
پسِ چہرہ کوئی بے چہرگی ہے

تماشہ دیکھنے آیا تھا لیکن
یہاں تو ہر طرف حیرانگی ہے

 

[محمداحمد]

واہ مغل بھائی !

بہت عمدہ ہیں دونوں ہی اشعار، داد قبول کیجے۔

باقی دو کا انتظاررہے گا۔

 

[مغزل]

ٹھیک ہے انتظار کرتے رہیئے۔۔۔

 

[الف عین]

ٹھیک ہے انتظار کرتے ہیں
مغل اب کب زقند بھرتے ہیں

 

[ابن سعید]

تب تلک دوجا شغل فرمائیں
دیکھئے شہنشاہ کب آئیں

 

[محمداحمد]

منتظر بیٹھے ہوئے ہیں ہم یہاں
کب شہنشاہ کی سواری آئے گی

 

[مغزل]

آج بھی ہم نہ ملے سکے احمد
آج پھر انتظار کرلوں گا۔۔۔۔