متشابہہ الفاظ

[محمد یعقوب آسی]

مجنون۔۔دیوانہ پاگل شخص
مجنون۔۔لیلی کے بوائے فرینڈ کا نام۔

میں تو یہاں ’’مخبون‘‘ کی توقع کئے بیٹھا تھا۔

 

[قیصرانی]

دونوں ایک ہی لڑکی پر عاشق ہو گئے۔اور اپنے اپنے نام کی معنویت کےحوالے سے عشق کو ’’ڈیل کرتے‘‘ رہے۔ ’’نذر‘‘ تو ’’اپنی جاں نذر کروں‘‘ کا نمونہ بن گیا اور ’’نظَر‘‘ ان دونوں پر نظر رکھا کرتا ۔ ۔۔۔ پھر؟ کیا ہوا؟ قیصرانی صاحب سے پوچھتے ہیں!

پھر کیا ہونا ہے استادِ محترم۔ آپ نے تو پوری کہانی بیان فرما دی

 

[محمد یعقوب آسی]

احبابِ گرامی! کیا یہ مناسب نہیں ہو گا کہ ہم الفاظ سے ایک قدم آگے نکل کر محاوروں اور ضرب الامثال کی بات کریں؟

 

[محمد یعقوب آسی]

شکریہ قیصرانی صاحب۔
سوال یہ ہے کہ ہم ’’آٹھ آٹھ آنسو‘‘ ہی کیوں روتے ہیں؟ چار چار، چھ چھ، دس دس، بارہ بارہ کیوں نہیں؟
اور
چھیکا بلی کے بھاگوں ہی کیوں ٹوٹتا ہے، کسی اور جانور کے بھاگوں کیوں نہیں؟ اور چھیکا ہی کیوں ٹوٹتا ہے، کوئی شہتیر کیوں نہیں ٹوٹتا؟
اور
ٹام نے جب دم کاٹ لی، جیری لنڈورا ہو کر بھی ٹام سے کیا بخشوانا چاہ رہا ہے؟
اور
اور
۔۔۔۔

 

[قیصرانی]

آٹھ آٹھ آنسو کا تو علم نہیں، شاید یہ آٹھ پہر کی طرف اشارہ ہو؟
پرانے زمانے میں دودھ اور کھانے پینے کی چیزیں چھینکے میں لٹکائی جاتی تھیں تو بلی کا نصیب کہ چھینکا ٹوٹا۔ شاید اس وقت بلی واحد پالتو جانور ہوگا جو گھر میں آزاد پھرتا ہوگا؟
این آر او ون
ٹو
تھری
۔۔۔ ۔

 

[ساقی۔]

دَیر(کلیسا)
دیر (تاخیر)

 

[ساقی۔]

گِرجا(صومعہ ، کلیسا)
گرجا (دھاڑنا)

 

[عمر سیف]

آپ لوگ تو سیریس نہیں ہوگئے ۔۔۔ (مذاق)
بہت دلچسپ ۔۔ کل تک مجھے اُمید نہیں تھی کہ یہ لڑی زیادہ آگے بڑھے گی ۔۔ آج دیکھ رہا ہوں تو ماشاءاللہ دس صفحے ۔۔ اور کئی ایسے لفظ ہیں جو میرے لیے تو بالکل نئے ہیں ۔۔

 

[ساقی۔]

چاہ (محبت)
چا (چائے)

 

[ساقی۔]

اشک(آنسو)
عشق (گہری چاہت)

 

[ساقی۔]

کمر(پتلی سی چیز)
قمر ( چاند)

 

[سید عاطف علی]

کھیت یعنی مارا جانا
کھیت یعنی کھیلیان

قیصرانی صاحب یہ پہلے والا لفظ کون سی زبان کا ہے ؟ اور کس طرح استعمال ہوتا ہے ؟

 

[سید عاطف علی]

مُلک یعنی وطن
مِلک یعنی ملکیت
مَلِک یعنی ذات

بر سبیل تذکرہ ان کے سا تھ َملَک(قافیہ فلک ) بمعنی فرشتہ بھی شامل کر لیا جائے تو۔
اور ہاں ان سب کی جمع مختلف ہوتی ہے۔
مُلک ۔ممالک
مِلک۔ املاک
َملَک۔ملائک
ملِک۔ ملوک۔ذات کے علاوہ یہ بادشاہ کے معانی بھی رکھتا ہے۔

 

[قیصرانی]

قیصرانی صاحب یہ پہلے والا لفظ کون سی زبان کا ہے ؟ اور کس طرح استعمال ہوتا ہے ؟

اکثر جگہ دیکھا ہے کہ اتنے افراد میدانِ جنگ میں کھیت ہوئے یا کھیت ہو رہے

 

[محمد یعقوب آسی]

ترک۔قوم
ترق۔ چھوڑنا

معذرت خواہ ہوں صاحب۔
ترک (چھوڑنا: ت+ رَک) درست ہے۔ یہاں کاف کلمن ہی ہے قاف قرشت نہیں۔ اردو میں ترک کر دینا معروف ہے۔
مثالیں: ترکِ تعلق، من ترک الصلوٰۃ، متروک، تارک الدنیا، تَرکہ (مرنے والا جو کچھ مال و منال چھوڑ جاتا ہے)۔

 

[قیصرانی]

معذرت خواہ ہوں صاحب۔
ترک (چھوڑنا: ت+ رَک) درست ہے۔ یہاں کاف کلمن ہی ہے قاف قرشت نہیں۔
مثالیں: ترکِ تعلق، من ترک الصلوٰۃ، متروک، تارک الدنیا، تَرکہ (مرنے والا جو کچھ مال و منال چھوڑ جاتا ہے)۔

نادانستہ غلطی پر معذرت خواہ ہوں

 

[محمد یعقوب آسی]

نادانستہ غلطی پر معذرت خواہ ہوں

آداب۔ آپ کا بڑا پن ہے۔ بھول جانا کوئی بڑی بات نہیں، دیکھا تو پھر یاد دلانا میرے ذمے تھا۔

 

[محمد یعقوب آسی]

اس میں بہت قریب کا ایک لفظ اور شامل کر لیجئے۔
طُرُق (طُ + رُق): جمع ہے ’’طریق‘‘ کی۔
عربی والے طریق سے راستہ، سڑک وغیرہ مراد لیتے ہیں، اردو میں کسی کام کو کرنے کا اسلوب (طریقہ)، زندگی گزارنے کا انداز (طریق)
اس کے مزید معانی بھی ہو سکتے ہیں۔

 

[قیصرانی]

آداب۔ آپ کا بڑا پن ہے۔ بھول جانا کوئی بڑی بات نہیں، دیکھا تو پھر یاد دلانا میرے ذمے تھا۔

آپ کی کرم نوازی ہے استادِ محترم

 

[محمد یعقوب آسی]

کمر(پتلی سی چیز)
قمر ( چاند)

کمر کا معنٰی پتلی سی چیز نہیں، وہ تو انسانی جسم کےایک حصے کو کمر کہہ دیا گیا، اور شاعروں نے اس کو پتلی کر دیا۔
کمر کا درست معنی ہے ’’درمیان کا حصہ‘‘ جیسے کمرِ کوہ ہوتا ہے۔ انسان کی کمر بھی دھڑ اور ٹانگوں کے درمیان ہوتی ہے اور قد یہاں ٹھیک ایک بٹا دو بنے، ضروری نہیں۔