متشابہہ الفاظ

[محمد یعقوب آسی]

چاہ (محبت)
چا (چائے)

اس میں مزید شامل کر لیجئے۔
چا (پنجابی)اردو میں ’’ چاؤ‘‘: خوشی ، شوق، راحت آمیز آرزو۔

 

[محمد یعقوب آسی]

آپ لوگ تو سیریس نہیں ہوگئے ۔۔۔ (مذاق)
بہت دلچسپ ۔۔ کل تک مجھے اُمید نہیں تھی کہ یہ لڑی زیادہ آگے بڑھے گی ۔۔ آج دیکھ رہا ہوں تو ماشاءاللہ دس صفحے ۔۔ اور کئی ایسے لفظ ہیں جو میرے لیے تو بالکل نئے ہیں ۔۔

اس فقیر نے تو عرض کیا تھا کہ اس کو ذرا آگے بڑھایا جائے اور محاورات اورضرب الامثال تک پھیلایا جائے۔

 

[محمد یعقوب آسی]

بجلی جانے والی ہے۔ یار زندہ صحبت باقی۔

 

[قیصرانی]

بجلی جانے والی ہے۔ یار زندہ صحبت باقی۔

شب بخیر اور اللہ دی امان

 

[محمد یعقوب آسی]

دَیر(کلیسا)
دیر (تاخیر)

اس میں تھوڑا سا فرق ہے۔ ’’دَیر‘‘ مجوسیوں کی عبادت گاہ کو کہتے ہیں، جب کہ ’’کلیسا‘‘ مسیحیوں کی عبادت گاہ کو۔

 

[قیصرانی]

اس میں تھوڑا سا فرق ہے۔ ’’دَیر‘‘ مجوسیوں کی عبادت گاہ کو کہتے ہیں، جب کہ ’’کلیسا‘‘ مسیحیوں کی عبادت گاہ کو۔

کلیسا اور گرجا گھر میں کیا فرق ہے، اس پر اگر روشنی ڈال سکیں تو؟ انگریزی میں تو چرچ، کیتھیڈرل اور پتہ نہیں کیا کیا اصطلاحات ہیں جن کا کبھی فرق سمجھ نہیں آیا

 

[ساقی۔]

خَط(لکیر)
خط (چٹھی)

 

[محمد یعقوب آسی]

کلیسا اور گرجا گھر میں کیا فرق ہے، اس پر اگر روشنی ڈال سکیں تو؟ انگریزی میں تو چرچ، کیتھیڈرل اور پتہ نہیں کیا کیا اصطلاحات ہیں جن کا کبھی فرق سمجھ نہیں آیا

اندازہ ہے کہ کلیسا، گرجا، چرچ؛ یہ تینوں ایک ہیں۔ تکا لگانے والی بات یہ ہے کہ کیتھولک عیسائی اپنے گرجا گھر کو کیتھیڈرل کہتے ہیں۔
ان لوگوں کی اپنی اصطلاحات ہیں، تفصیلات وہ جانیں۔

 

[عمر سیف]

اس فقیر نے تو عرض کیا تھا کہ اس کو ذرا آگے بڑھایا جائے اور محاورات اورضرب الامثال تک پھیلایا جائے۔

متفق ہوں ۔۔۔
تو پھر شروع کر دیں ۔۔

 

[محمد اسامہ سَرسَری]

اس فقیر نے تو عرض کیا تھا کہ اس کو ذرا آگے بڑھایا جائے اور محاورات اورضرب الامثال تک پھیلایا جائے۔

متفق ہوں ۔۔۔
تو پھر شروع کر دیں ۔۔

مثلاً؟

 

[سلمان حمید]

ساتھ (قریب یا قربت)
سات (ریاضی کی گنتی کا ہندسہ 7)

 

[محمد یعقوب آسی]

مثلاً؟

شکریہ قیصرانی صاحب۔
سوال یہ ہے کہ ہم ’’آٹھ آٹھ آنسو‘‘ ہی کیوں روتے ہیں؟ چار چار، چھ چھ، دس دس، بارہ بارہ کیوں نہیں؟
اور
چھیکا بلی کے بھاگوں ہی کیوں ٹوٹتا ہے، کسی اور جانور کے بھاگوں کیوں نہیں؟ اور چھیکا ہی کیوں ٹوٹتا ہے، کوئی شہتیر کیوں نہیں ٹوٹتا؟
اور
ٹام نے جب دم کاٹ لی، جیری لنڈورا ہو کر بھی ٹام سے کیا بخشوانا چاہ رہا ہے؟
اور
اور
۔۔۔ ۔

شکریہ

 

[محمد اسامہ سَرسَری]

قلب ۔۔۔ (دل)
کلب ۔۔۔ (کتا)
کلب ۔۔۔ (Club انجمن ، محفل)

 

[محمد اسامہ سَرسَری]

آیا۔۔۔ فارسی ۔۔۔ حرف استفہام
آیا ۔۔۔سنسکرت ۔۔۔ آنا کا ماضی
آیا ۔۔۔ پرتگالی ۔۔۔ خادمہ

 

[ساقی۔]

شرع(شریعت)
شرح(تشریخ)

 

[ساقی۔]

شک(شُبہ)
شق(پھٹا ہوا)

 

[محمد اسامہ سَرسَری]

کوئلوں (کوئلا کی جمع)
کوئلوں (کوئل کی جمع)
کویلوں (کویل کی جمع)

 

[محمد اسامہ سَرسَری]

پاؤں (پیر ، پنڈلی ، جوڑ ، نقش قدم ، تلوا ، جڑ ، مداخلت ، استقلال ، انتہا ، رفتار ، گن ، ڈھنگ ، پایہ ، ذمہ ، حصہ)
پاؤں (پانا کا واحد متکلم)

 

[سید عاطف علی]

آیا۔۔۔ فارسی ۔۔۔ حرف استفہام
آیا ۔۔۔ سنسکرت ۔۔۔ آنا کا ماضی
آیا ۔۔۔ پرتگالی ۔۔۔ خادمہ

آیہ ۔۔۔بھی شامل کرلیں۔۔عربی۔ معنی نشانی۔
اور ۔۔ارےہاں آج پتہ چلا کہ اردو میں پرتگالی الفاظ بھی ہیں۔

 

[محمد اسامہ سَرسَری]

یاد دہانی (یاد دلانا)
بے دھیانی (بے خیالی)

ان الفاظ سے صرف یہ یاد دہانی مقصود ہے کہ بعض لوگ بے دھیانی میں ”یاد دھیانی“ لکھ دیتے ہیں۔