متشابہہ الفاظ

[محمد اسامہ سَرسَری]

آیہ ۔۔۔ بھی شامل کرلیں۔۔عربی۔ معنی نشانی۔
اور ۔۔ارےہاں آج پتہ چلا کہ اردو میں پرتگالی الفاظ بھی ہیں۔

دوسرے جملے میں واقعی حیرت کا اظہار ہے یا کسی خاص بات پر تنبیہ ہے؟

 

[محمد اسامہ سَرسَری]

پتا ۔ت غیرمشدد۔ (سراغ ، خبر)
پتا ۔ت مشدد۔ (برگِ شجر)

ان دونوں میں سے کسی ایک کو بھی ”پتہ“ لکھنا درست نہیں، مگر پہلے معنی میں اب عام طور پر ”پتہ“ ہی لکھا جاتا ہے، کیا پتا اب یہ بھی درست مان لیا گیا ہو۔

 

[محمد اسامہ سَرسَری]

تربتر (خوب بھیگا ہوا ، شرابور)
تتربتر (منتشر ، پراگندہ ، بکھرا ہوا)

 

[محمد اسامہ سَرسَری]

صبا (قریب الصبح چلنے والی نہایت لطیف و خوشگوار ہوا)
صبح (سویرے)

 

[ابن رضا]

ادا بمعنی انجام دہی
ادا بمعنی حرکات و سکنات کا انداز

 

[سید عاطف علی]

دوسرے جملے میں واقعی حیرت کا اظہار ہے یا کسی خاص بات پر تنبیہ ہے؟

برادر سرسری ۔میں تنبیہ تو نہیں کسی طرف اشارہ البتہ بوقت ضرورت کر دیا کرتا ہوں اور وہ بھی اپنے تئیں مؤدبانہ۔لیکن یہاں تو صرف حیرت کا اظہار تھا۔

 

[محمد اسامہ سَرسَری]

پہلی (دوسری ، تیسری ، چوتھی سے پہلی)
پہیلی (چیستان)
پھیلی (پھیلنا سے ماضی مؤنث)
پھلی (مٹر یا مونگ کی)
پھلی (پھلنا سے ماضی مؤنث)
پھلی (پھلا کی تانیث ، لوہے کی نوک والی)
پھولی (پھولنا سے ماضی مؤنث)

 

[سید عاطف علی]

پہلی (دوسری ، تیسری ، چوتھی سے پہلی)
پہیلی (چیستان)
پھیلی (پھیلنا سے ماضی مؤنث)
پھلی ۔ل مشدد۔ (مٹر یا مونگ کی)
پھلی ۔ل غیر مشدد۔ (پھلنا سے ماضی مؤنث)
پھلی ۔ل غیر مشدد۔ (پھلا کی تانیث ، لوہے کی نوک والی)
پھولی (پھولنا سے ماضی مؤنث)

محمد اسامہ سَرسَری بھائی۔
میرے خیال میں تو یہ دونوں پھلیاں غیر مشدد ہی ہوتی ہیں۔ تشدید تو بیچنے والے لحن کا عنصر شامل کرنے کی غرض سے لگا دیتے ہیں جو عموما اہل زبان نہیں ہوتے یا زبان و تلفظ کا فہم نہیں رکھتے۔
یہ ذاتی رائے ہے۔

 

[محمد محبوب]

صدا ۔ (پکار)
سدا ۔ (ہمیشہ)

 

[محمد اسامہ سَرسَری]

پھر (پھرنا سے امر)
پھر (حرف عطف)
پھر (واپس)

 

[ساقی۔]

گودی(بہری جہازوں سے سامان اتارنے کی جگہ)
گودی (گود،آغوش)

 

[لئیق احمد]

اسرار (سر یعنی راز کی جمع) الف کے اوپر زبر
اصرار (کسی بات پر زور دینا) الف کے نیچے زیر

 

[خالد محمود چوہدری]

مار (سانپ)
مار (مار مار کر مار دینا)

 

[ساقی۔]

ضیا (روشنی)
ضیاع(ضائع)
ضیا(الحق)نام
زویہ(نام)

 

[خالد محمود چوہدری]

ماہ (مہینہ)
مہ (چاند)

 

[محمد اسامہ سَرسَری]

ماہ (مہینہ)
مہ (چاند)

میرے خیال سے چاند والا مہ بھی اصل میں ماہ ہی ہے، اسے مختصر کرکے مہ بھی کہہ دیا جاتا ہے جیسے ماہتاب۔۔ اور قمری سال کے حساب سے ایک چاند کے دیکھنے سے دوسرے چاند کے دیکھنے تک کا عرصہ ماہ(مہینا) کہلاتا ہے۔

 

[محمد اسامہ سَرسَری]

گدا (فقیر)
گدھا (جانور)
گدا ۔دال مشدد- (روئی دار بستر)

 

[محمد اسامہ سَرسَری]

جھوٹا (جھوٹ بولنے والا)
جھوٹا یا جوٹھا (پس خوردہ)

 

[جیہ]

باؤلی پاگل
باؤلی بڑا کنواں

 

[ساقی۔]

چاہ(کنواں)
چاہ(چاہت)
چا(چائے)
چااا(پنجابی عورتیں چھوٹے بچوں کو متوجہ کرنے کے لیے کہتی ہیں )
چا(خوشی،)پنجابی کا لفظ