محفل کے شعرا ء کے خوبصورت کلام کی پیروڈیز

[عظیم]

"گو نوازے گو" میں لو آ گئی "زے"
ہاں لگا دی ہے اک اضافی "یے"

آداب وارث بھائی ۔
آپ بھی یہ سمائیلیز بناتے ہو ؟

 

[محمد وارث]

آداب وارث بھائی ۔
آپ بھی یہ سمائیلیز بناتے ہو ؟

جی ہاں یہ ابھی میرے ایک کولیگ نے بھی پوچھا ہے کہ آج آپ خلافِ عادت سکرین پر نظریں گاڑے مسکرا کیوں رہے ہیں، کیا بتاتا کہ کیسی ظالم غزل پڑی ہے ابھی۔

 

[عظیم]

جی ہاں یہ ابھی میرے ایک کولیگ نے بھی پوچھا ہے کہ آج آپ خلافِ عادت سکرین پر نظریں گاڑے مسکرا کیوں رہے ہیں، کیا بتاتا کہ کیسی ظالم غزل پڑی ہے ابھی۔

ہمت ہے جناب کی مجھے تو ان سمائیلیز کی طرف دیکھ کر بھی خوف آتا ہے ۔ کون سی غزل پڑھ لی آپ نے مجھے بھی پڑھا دیجئے ۔

 

[محمد وارث]

چند مراسلے اوپر ہے جناب، خلیل صاحب کی "گو نوا گو میں زے بھی آتی ہے"

 

[عظیم]

جی ہاں یہ ابھی میرے ایک کولیگ نے بھی پوچھا ہے کہ آج آپ خلافِ عادت سکرین پر نظریں گاڑے مسکرا کیوں رہے ہیں، کیا بتاتا کہ کیسی ظالم غزل پڑی ہے ابھی۔

بھاگو عظیمممممممممممم ۔۔۔۔۔

 

[محمد خلیل الرحمٰن]

"گو نوازے گو" میں لو آ گئی "زے"
ہاں لگا دی ہے اک اضافی "یے"

مزے کی زے ہے یہ اضافی زے استادِ محترم۔ داد قبول فرمائیے

 

[محمد وارث]

مزے کی زے ہے یہ اضافی زے استادِ محترم۔ داد قبول فرمائیے

اجی کہاں کے استاد، جنابِ من اور کیسی داد۔ غزل تو آپ کی ہے کھنکھناتی ہوئی سو داد بھی آپ کی ہے، میں نے تو یونہی نہ جانے کس رو میں زے لگا دی بھیا

 

[عظیم]

اجی کہاں کے استاد، جنابِ من اور کیسی داد۔ غزل تو آپ کی ہے کھنکھناتی ہوئی سو داد بھی آپ کی ہے، میں نے تو یونہی نہ جانے کس رو میں زے لگا دی بھیا

مفت میں استادی مل رہی ہے وارث بهائی لے لیجئے - ورنہ آپ تو جانتے ہی ہونگے کتنے پاپڑ بیلنا پڑتے ہیں -

 

[عین عین]

خلیل میاں

عمر اتنی نہیں طویل میاں
باز آجاؤ اب خلیل میاں

" محفلیں" سارے تم سے نالاں ہیں
سارہ، انور، شفق، شکیل میاں

دھاگے اس کے تمام بند کرو!
یہ مرا حکم ہے " نبیل " میاں

ہر کسی کے کلام کی" پھینٹی"
کریں بچنے کی کیا سبیل میاں

بند کرو اپنے یہ ڈرامے تم
پیروڈی میں اے خودکفیل میاں

مختصر یہ کہ تم سدھر جاؤ
آؤ ڈالوں تمھیں نکیل میاں
​

 

[عظیم]

خلیل میاں
عمر اتنی نہیں طویل میاں
باز آجاؤ اب خلیل میاں

" محفلیں" سارے تم سے نالاں ہیں
سارہ، انور، شفق، شکیل میاں

دھاگے اس کے تمام بند کر دو
یہ مرا حکم ہے "نبیل" میاں

ہر کسی کے کلام کی" پھینٹی"
کریں بچنے کی کیا سبیل میاں

بند کرو اپنے یہ ڈرامے تم
پیروڈی میں اے خودکفیل میاں

مختصر یہ کہ تم سدھر جاؤ
آؤ ڈالوں تمھیں نکیل میاں

باز آؤ گے کب خلیل میاں

 

[عین عین]

محمد خلیل الرحمٰن نبیل ناعمہ عزیز ابن سعید الف عین محب علوی انیس الرحمن مقدس محمد وارث

 

[محمد خلیل الرحمٰن]

اجی کہاں کے استاد، جنابِ من اور کیسی داد۔ غزل تو آپ کی ہے کھنکھناتی ہوئی سو داد بھی آپ کی ہے، میں نے تو یونہی نہ جانے کس رو میں زے لگا دی بھیا

استادِ محترم اس قدر انکساری بھی ٹھیک نہیں۔ ہم معذرت خواہ ہیں۔ عظیم بھائی ابھی محفل میں نئے ہیں اور محفل کے بڑوں کو نہیں جانتے۔

مفت میں استادی مل رہی ہے وارث بهائی لے لیجئے - ورنہ آپ تو جانتے ہی ہونگے کتنے پاپڑ بیلنا پڑتے ہیں -

عظیم بھائی! محمد وارث صاحب محفل کے تین بڑے اساتذہ میں سے ایک ہیں۔

 

[محمد خلیل الرحمٰن]

خلیل میاں

عمر اتنی نہیں طویل میاں
باز آجاؤ اب خلیل میاں

" محفلیں" سارے تم سے نالاں ہیں
سارہ، انور، شفق، شکیل میاں

دھاگے اس کے تمام بند کرو!
یہ مرا حکم ہے " نبیل " میاں

ہر کسی کے کلام کی" پھینٹی"
کریں بچنے کی کیا سبیل میاں

بند کرو اپنے یہ ڈرامے تم
پیروڈی میں اے خودکفیل میاں

مختصر یہ کہ تم سدھر جاؤ
آؤ ڈالوں تمھیں نکیل میاں
​

بھئی واہ عین عین بھائی۔ مزہ آگیا۔

 

[انیس الرحمن]

محمد خلیل الرحمٰن نبیل ناعمہ عزیز ابن سعید الف عین محب علوی انیس الرحمن مقدس محمد وارث

شاعری کی لڑی میں بلا کر
کیوں کررہے ہو ہم کو ذلیل میاں؟؟؟

 

[عظیم]

استادِ محترم اس قدر انکساری بھی ٹھیک نہیں۔ ہم معذرت خواہ ہیں۔ عظیم بھائی ابھی محفل میں نئے ہیں اور محفل کے بڑوں کو نہیں جانتے۔



عظیم بھائی! محمد وارث صاحب محفل کے تین بڑے اساتذہ میں سے ایک ہیں۔

اچها کیا بتا دیا ورنہ انہیں بهی اپنی استادی دکهانے بیٹھ جاتا

 

[فرحت کیانی]

۱۶۔ اور اب پیشِ خدمت ہے جناب عظیم کی خوب صورت غزل کی پیروڈی۔

’’کب تلک کل پہ ٹال رکھیے گا‘‘
میرا بھتا نکال رکھیے گا

اپنے حصے سے آخرش مجھ کو
‘‘آپ کب تک نکال رکھیے گا’’

آپ کو فائدہ مبارک ہو
بس ‘‘ہمارا خیال رکھیے گا’’

گائے ہو، اونٹ ہو یا بکرا ہو
کھال اس کی سنبھال رکھیے گا

کہہ چکے ہیں غزل ، مبارک ہو!
بحر کا بھی خیال رکھیے گا

​

واہ واہ واہ۔زبردست ۔ بہت مزے کی اور برمحل پیروڈی ہے خلیل بھائی!یاد رکھنے کے لیے بہت بہت شکریہ۔

 

[عظیم]

محمد وارث بهائی اس کا مطلب تو دیکها ہوتا کتنا معصومانہ نکلتا ہے - اگر کسی سے دکهاوا نہیں ہوتا تو اسے کم از کم سادا تو رہنے دیجئے محترم -
اللہ بهلا کرے -

 

[محمد خلیل الرحمٰن]

واہ واہ واہ۔زبردست ۔ بہت مزے کی اور برمحل پیروڈی ہے خلیل بھائی!یاد رکھنے کے لیے بہت بہت شکریہ۔

آداب، بہنا!

 

[محمد خلیل الرحمٰن]

اے یادِ رفتگاں! مجھے جینے کا چھوڑیو
جو زخم کھائے ہیں، انھیں سینے کا چھوڑیو

اپنی گلی میں دے کے ٹھکانا فقیر کو
مکے کا چھوڑیو، نہ مدینے کا چھوڑیو

ساقی! پلائیو تو نہ آنکھیں ملائیو
مجھ کو بچائیو، مجھے پینے کا چھوڑیو

گر روئیو تو مجھ سے لپٹ کر نہ روئیو
دریا میں ڈالیو تو سفینے کا چھوڑیو

میری سزا میں کیجیو مُلا سے مشورہ
مے اک طرف، لہو بھی نہ پینے کا چھوڑیو

راحیلؔ دل بھی چھوڑ گیا اب تو، اے خدا
اس حال میں نہ ہاتھ کمینے کا چھوڑیو​

۱۷۔جناب راحیل فاروق کی خوبصورت تازہ غزل کی پیروڈی حاضر ہے


راحیل فاروق بھائی کی غزل کی پیروڈی از محمد خلیل الرحمٰن

اے میرے میہماں مجھے جینے کا چھوڑیو
کھانے کا چھوڑیو ، مجھے پینے کا چھوڑیو

اپنے ہی گھر میں مجھ کو غریب الدیار کر!
’’مکے کا چھوڑیو نہ مدینے کا چھوڑیو!‘‘

کھانا کھلاؤں جب تو نہ آنکھیں ملائیو
کھانا مرے لیے نہ قرینے کا چھوڑیو!

لے کر ڈکار جب تو شکم سیر ہوچلے
میں غم غلط کروں مجھے پینے کا چھوڑیو!

جانے کا سوچیو تو پلٹ کر نہ آئیو
کچھ مال میرے خون پسینے کا چھوڑیو
ٌٌٌٌٌٌٌٌٌٌ ٌٌٌٌ ٌٌٌٌٌٌٌٌٌٌٌٌ
​

 

[محمد علم اللہ]

مزا آ گیا سارے ہی پیروڈیز خوب ہیں ۔