منتخب اشعار برائے بیت بازی!

[جیہ]

شمشاد بھائی باز آجایئے اس ‘ے‘ سے

یا رب زمانہ مجھ کو مٹاتا ہے کس لئے
لوحِ جہاں پہ حرفِ مکرر نہیں ہوں میں
(غالب کی شکایت)

 

[شمشاد]

(کیوں کیا ‘ ے ‘ کا ذخیرہ ختم ہو گیا ہے میری بہنا کے پاس)

‘ناصر‘ کیا کہتا پھرتا ہے کچھ نہ سنو تو بہتر ہے
دیوانہ ہے دیوانے کے منہ نہ لگو تو بہتر ہے
(ناصر کاظمی)

 

[جیہ]

(کیوں کیا ‘ ے ‘ کا ذخیرہ ختم ہو گیا ہے میری بہنا کے پاس)

‘ناصر‘ کیا کہتا پھرتا ہے کچھ نہ سنو تو بہتر ہے
دیوانہ ہے دیوانے کے منہ نہ لگو تہ بہتر ہے
(ناصر کاظمی)

ہاں نا۔۔۔۔۔۔ ے سے جتنے شعر یاد تھے غالب کے، وہ تو لکھ لئے سارے کے سارے۔۔۔۔ مگر خیر دیوانِ غالب تو ہر وقت سرہانے رکھا ہوتا ہے۔۔۔۔

یا رب اس آشفتگی داد کس سے چاہئے
رشک آسائش پہ ہے زندانیوں کے مجھے (غالب اور رشک)

 

[شمشاد]

یاد کیا دستِ ہُنر ہے کہ سنورتا گیا میں
اس کو سوچا تو اسے یاد ہی کرتا گیا میں
(پیرزادہ قاسم)

 

[الف عین]

نہیں معلوم ، کس کس کا لہو پانی ہوا ہوگا
قیامت ہے سرشک آلودہ ہونا تیری مژگاں کا

 

[شمشاد]

اثر اس کو ذرا نہیں ہوتا
رنج راحت فزا نہیں ہوتا
(مومن خان مومن)

 

[جیہ]

اسد ہم وہ جنوں جولاں گدائے بے سروپا ہیں
کہ ہے سر پنجہِ مژگانِ آہو پشت خار اپنا
(غالب کے اس شعر کی تشریح میں مولانا عبدالباری آسی لکھنوی نے یہ فقرہ لکھا ہے۔۔۔۔ کوہ کندن، کاہ برآمدن)

 

[ظفری]

آتے آتے میرا نام سا رہ گیا
اُس کے ہونٹوں پہ کچھ کانپتا رہ گیا

“ الف “

 

[شمشاد]

آرزوئیں ہزار رکھتے ہیں
تو بھی ہم دل کو مار رکھتے ہیں
(میر تقی میر)

 

[الف عین]

نقش کچھ اور سرِ خاک ابھارا جائے
آسمانوں سے ستاروں کو اتارا جائے

 

[شمشاد]

یہ سارا جسم جھک کر بوجھ سے دوہرا ہوا ہو گا
میں سجدے میں نہیں تھا آپ کو دھوکہ ہوا ہو گا
(دشیانت کمار)

 

[ثناءاللہ]

اہل بینش نے بہ حیرت کدہ شوخی ناز
جوھر آئنہ کو طوطی بسمل باندھا
(غالب)

 

[جیہ]

اپنی رسوائی میں کیا چلتی ہے سعی
یار ہی ہنگامہ آرا چاہئے
(غالب اور یارِ ہنگامہ آرا)

 

[الف عین]

یہ آنسو رک سکیں تو روک لو، بہتر یہی ہے
جب آنسو خشک ہو جائیں تو دریا جاگتا ہے
خالد علیم

 

[شمشاد]

یاد ہیں سارے وہ عیشِ بافراغت کے مزے
دل ابھی بھولا نہیں آغازِ الفت کے مزے
(حسرت موہانی)

 

[جیہ]

یا میرا افسر شاہانہ بنایا ہوتا
یا میرا تاج گدایانہ بنایا ہوتا
(ظفر)

 

[شمشاد]

ان کا آنا حشر سے کچھ کم نہ تھا
اور جب پلٹے قیامت ڈھا گئے
(احمد ندیم قاسمی)

 

[ثناءاللہ]

یہاں مرض کا سبب ہے غلامی و تقلید
وہاں مرض کا سبب ہے نظام جمہوری
نہ مشرق اس بَری ہے، نہ مغرب اس سے بَری
جہاں میں‌عام ہے قلب و نظر کی رنجوری

(حکیم الامت ڈاکٹر علامہ محمد اقبال)

 

[جیہ]

یہ پری چہرہ لوگ کیسے ہیں
غمزہ و عشوہ و ادا کیا ہے

(غالب کا سوال)

 

[شمشاد]

یارو مجھے معاف کرو میں نشے میں ہوں
اب دو تو جام خالی ہی دو میں نشے میں ہوں
(میر تقی میر)