منتخب اشعار برائے بیت بازی!

[شمشاد]

ہاں کس کو ہے میسر یہ کام کر گزرے
اک بانکپن سے جینا اک بانکپن سے مرنا
(جگر مراد آبادی)

 

[ظفری]

آنکھوں سے آنسوؤں کے مراسم پرانے ہیں
مہمان یہ گھر میں آئیں تو چُبھتا نہیں دھواں

- گُلزار احمد -

 

[شمشاد]

نہ تھا کچھ تو خدا تھا، کچھ نہ ہوتا تو خدا ہوتا
ڈبویا مجھ کو ہونے نے، نہ ہوتا میں تو کیا ہوتا

 

[ظفری]

ابھی نہ چھیڑ محبت کے گیت اے مطرب !
ابھی حیات کا ماحول خوشگوار نہیں

 

[شمشاد]

نظر ملا نہ سکے اس سے اس نگاہ کے بعد
وہی ہے حال ہمارا جو ہو گناہ کے بعد

(کرشن بہاری نور)

 

[الف عین]

دو گھڑی کے لئے ہے ہاتھ آیا
دامنِ دلبرِ نصیب نہ کھینچ
علیم صبا نویدی

 

[شمشاد]

چاہت کا اک میٹھا میٹھا درد جگانے شام ڈھلے
تیری یادیں آ جاتی ہیں مجھکو رلانے شام ڈھلے
(حسن امام)

 

[الف عین]

یہ جلوہ ،جلوۂ رنگیں! یہ صورت، صورتِ زیبا !
کوئی دنیا کو کیا دیکھے گا تجھ سے آشنا ہو کر
راز چاندپوری

 

[شمشاد]

راہِ شوق سے اب ہٹا چاہتا ہوں
کوشش حسن کی دیکھنا چاہتا ہوں
(مجاز لکھنوی)

 

[الف عین]

ناکامِ تمنا دل اس سوچ میں رہتا ہے
یوں ہوتا تو کیا ہوتا، یوں ہوتا تو کیا ہوتا
(چراغ حسن حسرت)

 

[شمشاد]

آنکھیں جب بند کیا کرتے ہیں
سامنے آپ ہوا کرتے ہیں
آپ جیسا ہی مجھے لگتا ہے
خواب میں جسے ملا کرتے ہیں
(سعید راہی)

 

[ظفری]

نہ کوئی نقش ہے سالم نہ کوئی عکس کے ہم
کسی نظر، کسی چہرے پہ اعتبار کریں

 

[شمشاد]

نکہتِ زلف سے نیندوں کو بسا دے آ کر
میرے جاتی ہوئی راتوں کو سلا دے آ کر
(اختر شیرانی)

 

[الف عین]

رات بھر جاگتے رہتے ہو بھلا کیوں ناصر
تم نے یہ دولتِ بیدار کہاں سے پائی

 

[شمشاد]

یار کو میں نے مجھے یار نے سونے نہ دیا
رات بھر طالع بیداد نے سونے نہ دیا۔

 

[ظفری]

اگلی محبتوں نے وہ نامرادیاں دیں
تازہ رفاقتوں سے دل تھا ڈرا ڈرا سا

-احمد فراز-

 

[شمشاد]

آج کے دور میں اے دوست یہ منظر کیوں نہیں
زخم ہر سر پہ ہر اک ہاتھ میں پتھر کیوں نہیں

 

[ظفری]

نہیں ہوں آپ اپنی دسترس میں
اُس کو جب سے میسر ہوگیا ہوں

 

[شمشاد]

نظر میں ڈھل کے ابھرتے ہیں دل کے افسانے
یہ اور بات ہے دنیا نظر نہ پہچانے
(صوفی غلام مصطفے تبسم)

 

[ظفری]

یہ بھی اگر خطا ہے تو بےشک ہوئی خطا
اپنا سمجھ کر تجھ کو پُکارا کبھی کبھی