منتخب اشعار برائے بیت بازی!

[ظفری]

وہ عکس ہے پس منظر سے پیش منظر تک
سو دیکھتے ہیں اسے اپنے خد و خال میں ہم

 

[الف عین]

میں نے کیا کام لا جواب کیا
اس کو عالم میں انتخاب کیا
مابدولت

 

[شمشاد]

آئی نہ پھر نظر کہیں جانے کدھر گئی
ان تک تو ساتھ گردشِ شام و سحر گئی

 

[الف عین]

یہ بھی تمھاری ایک ادا ہے رشتے باندھو اور توڑو
کاش کوئ بتلائے تم کو عشق میں کیا گہرائ ہے
عزیز اندوری

 

[شمشاد]

یہ چراغ بے نظر ہے یہ ستارا بے زباں ہے
ابھی تجھ سے ملتا جلتا کوئی دوسرا کہاں ہے
(بشیر بدر)

 

[ظفری]

یہ اور بات تیری گلی میں نہ آئیں ہم
لیکن یہ کیا کہ شہر ترا چھوڑ جائیں ہم

(حبیب جالب )

 

[شمشاد]

میں کون ہوں کیا ہوں میری تحریر کہے گی
خاموش ہوا تو میری تصویر کہے گی
(حمائت علی شاعر)

 

[الف عین]

يہ ديا بھی کہيں نہ بجھ جائے
جو ہوا سے چھپائے بيٹھی ہوں
اپنی فرزانہ نیناں کا ہی شعر۔

 

[شمشاد]

نجانے آج یہ کس کا خیال آیا ہے
خوشی کے رنگ لیے ہر ملال آیا ہے
(احمد حمدانی)

 

[الف عین]

یہاں بھی خاموشی؟؟؟؟؟؟
یک طرف نازشِ مژگان و دگر سو
مَردُمک سے ہو عزا خانۂ اقبالِ نگاہ

استاد

 

[شمشاد]

ہائے وہ وقتِ جدائی کہ تمہارے آنسو
گِر کے دامن پہ بنے تھے جو ستارے آنسو
(حکیم ناصر)

 

[ظفری]

وہ بھی کیا دن تھے کہ پل میں کر دیا کرتے تھے ہم
عمر بھر کی چاہتیں ہر ایک ہرجائی کے نام
​

 

[سارا]

میں اپنے ھاتھ میں آنکھوں کا کاسہ لے کے نکلا ھوں
کہیں سے کاش مجھ کو نییند کی خیرات مل جاے۔۔۔
(عمران رشید یاور)

 

[شمشاد]

یہ جو موجِ بحر بڑھ کر تیرے پاؤں چُھو رہی ہے
یہی میرے پاس پہنچے تو اچھال دے کنارا
(شبنم رومانی)

 

[ظفری]

اس عمر میں خوش فہمیاں اچھی نہیں ہوتیں
اس عمر کو وعدوں کے حوالے نہیں کرنا
​

 

[سارا]

اتنی شدت سے مجھے اس شخص نے مانگا ندیم
دشمنی کے باوجود انکار کی صورت نا تھی۔۔۔

(احمد ندیم قاسمی)

 

[ظفری]

یہ مت سوچ کہ تُو میرا نہیں
میرے دل میں تیری جگہ بہت ہے
​

 

[سارا]

یٰہ کسی بے خبری میرے ہاتھ پر رکھ دی
میں اپنے گھر میں ھوں اور گھر میری تلاش میں ھے

(خاوری)

 

[ظفری]

بہت ہی زبردست سارا سسٹر ۔۔۔

یہ بھی بہت ہے کہ بیٹھا ہے سر جھکائے ہوئے
مجھے اُجاڑ کر وہ شخص شرمسار تو ہے

 

[شمشاد]

یہی سلوک مناسب ہے خوش گمانوں سے
پٹک رہا ہوں میں سر آجکل چٹانوں سے
(شبنم رومانی)