منتخب اشعار برائے بیت بازی!

[شمشاد]

یہ بزم دیکھی ہے میری نگاہ نے کہ جہاں
بغیر شمع بھی جلتے رہے ہیں پروانے
(صوفی غلام مصطفے تبسم)

 

[ظفری]

یہ کیسی دُھند میں ہم تم آغازِ سفر کر بیٹھے
تمہیں آنکھیں نہیں ملتیں ، ہمیں چہرہ نہیں ملتا

 

[شمشاد]

آنکھ سے آنکھ ملا بات بناتا کیوں ہے
تُو اگر مجھ سے خفا ہے تو چھپاتا کیوں ہے
(سعید راہی)

 

[الف عین]

یاروں نے لکھ کے ناولیں رکھ دیں دوکان میں
ہم نے تو اس کا نام بھی لکھا نہ تھا کبھی

 

[شمشاد]

اے دل ناعاقبت اندیش ضبطِ شوق کر
کون لا سکتا ہے تابِ جلوہِ دیدارِ دوست
(غالب)

 

[الف عین]

شمشاد ی سے دینا تھا شعر، الف سے نہیں۔

 

[الف نظامی]

یہی جانا کہ کچھ نہ جانا ، ہائے
وہ بھی اک عمر میں ہوا معلوم

 

[ظفری]

میں‌ بھی بہت عجیب ہوں اتنا عجیب ہوں‌کہ بس
خود کو تباہ کر لیا اور ملال بھی نہیں

 

[شمشاد]

غلطی ہو گئی اعجاز بھائی، ‘ی‘ سے شعر عرض ہے :
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ حادثات جو ہیں اضطراب کا پیغام
یہ حادثات ہی آئیں گے سازگار مجھے
(عزیز وارثی)

 

[الف عین]

شمشاد تمھارا شعر لیٹ ہو گیا
ظفری کے نون سے:
نہ ہو انتہا جس کی نیرنگیوں کی
محبت کی وہ ابتدا چاہتا ہوں

 

[الف نظامی]

نعت گوئی میرا محبوب عمل ہے مظہر
یہ عبادت میرے گھر شام و سحر ہوتی ہے

 

[ظفری]

یاد آئے تیرے پیکر کے خطوط
اپنی کوتاہیِ فن یاد آئی

-احمد ندیم قاسمی -

 

[شمشاد]

یہاں سے اب کہیں لے چل خیالِ یار مجھے
چمن میں راس نہ آئے گی بہار مجھے
(عزیز وارثی)

 

[ظفری]

یہ عمر بھر کی مسافت ہے دل بڑا رکھنا
کہ لوگ ملتے بچھڑتے رہیں گے رستے میں

 

[شمشاد]

نہ ہو گا یک بیاباں ماندگی سے ذوق کم میرا
حبابِ موجِ رفتار ہے نقشِ قدم میرا
(غالب)

 

[الف عین]

اگر تو اتفاقاً مل بھی جائے
تری فرقت کے صدمے کم نہ ہوں گے

 

[ظفری]

یہ مسیحائی اُسے بُھول گئی محسن
یا پھر ایسا ہے ، میرا زخم گہرا ہے

 

[شمشاد]

یہ دن بہار کے اب بھی راس نہ آ سکے
کہ غنچہ کھل تو سکے کھل کے مسکرا نہ سکے

 

[ظفری]

یہ آفتاب سے کہہ دو کہ ڈوب جائے وہ
میری حیات کا عنوان بن گئے ہیں سائے

 

[شمشاد]

یہ ضروری نہیں ہر شخص مسیحا ہی ہو
پیار کے زخم امانت ہیں دیکھایا نہ کرو
(محسن نقوی)