منتخب اشعار برائے بیت بازی!

[شمشاد]

منصور صاحب خوش آمدید اور یہ کہ آپ کا پہلا خط پوسٹ ہو گیا ہے۔ اچھی کاوش ہے آپ کی۔

آپ ایسا کریں کہ تعارف کے زمرے میں جائیں اور اپنا تعارف تو کروائیں اور ہاں آتے رہیے گا اس محفل میں۔

 

[شمشاد]

کوچہ یار میں اب جانے گزر ہو کہ نہ ہو
وہی وحشت وہی سودا وہی سر ہو کہ نہ ہو
(معین احسن جذبی)

 

[فرذوق احمد]

وہ مزا دیا تڑپ نے کہ یہ آرزو ہے اب یا رب
میرے دونوں پہلوؤں میں دل بیقرار ہوتا
غالب

 

[شمشاد]

فرذوق پہلے مصرعے میں “ اب “ کا لفظ نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

الفت نے اس کی اوج یہ ہم کو دلا دیا
جو رفتہ رفتہ خاک میں آ کر ملا دیا
(نظیر اکبر آبادی)

 

[سارا]

اس شہر خرابی میں غم عشق کے مارے
زندہ ھہیں یہی بات بڑی بات ہے پیارے۔۔

‘حبیب جالب‘

 

[شمشاد]

یہ فیضِ عام شیوہ کہاں تھا نسیم کا
آخر غلام ہوں میں تمہارا، قدیم کا
(نواب مصطفی خان شیفتہ)

 

[سارا]

اب اٹھ کے تیرے پاس سے جایں تو کس کے پاس
ھر لمحہ اپنے سامنے یہ ہی سوال تھا !
رسوائیوں کی دھوپ میں تپتے تھے شام تک
سایہ اگر کہیں تھا تو تیرا خیال تھا۔۔

 

[ظفری]

آج میں نے پھر اپنا سودا کیا
اور پھر دُور سے میں دیکھا کیا
زندگی بھر میرے کام آئے اُصول
ایک ایک کر کے اُنہیں بیچا کیا​

 

[تفسیر]

ِ.
اب تو اس راہ سے وہ شخص گزرتا بھی نہیں
اب کس اُمید پہ دروازے سے جھانکے کوئ
.

 

[شمشاد]

آگ ہو تو جلنے میں دیر کتنی لگتی ہے
برف ہو تو پگھلنے میں دیر کتنی لگتی ہے
(فرحت عباس شاہ)

 

[منصور]

یوں نہ تھا میں نے فقط چاہا تھا کہ یوں ہو جاے
تو جو مل جاے تو تقدیر نگوں ہو جاے
(فیض احمد فیض)

 

[شمشاد]

یہ کس کے سوگ میں شوریدہ حال پھرتا ہوں
وہ کون شخص تھا ایسا کہ مر گیا مجھ میں
(رضی اختر شوق)

 

[سارہ خان]

نہ دیکھا جان کر اُس نے کوئی سبب تو ہوگا
یہی سوچ کر ہم دل کو برا نہیں کرتے

 

[شمشاد]

رضی اختر شوق کا ہی ایک اور شعر اور ہے بھی اسی غزل کا

یہ کون ڈوب گیا اور اُبھر گیا مجھ میں
یہ کون سایہ کی صورت گزر گیا مجھ میں

 

[منصور]

یہ نہ تھی ہماری قسمت کہ وصال یار ہوتا
اگر اور جیتے رہتے یہی انتظار ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔(غالب)
(اس شعر کا لطف اٹھانا ہے تو “کرنل محمد خان“ کا افسانہ “یہ نہ تھی ہماری قسمت “ ضرور پڑ ہیے شاید “بزم آرائیاں میں ہے)

 

[ماوراء]

~~
ابھی سے کرنے لگ گئے ہو اہتمامِ جشنِ مرگ
تھوڑا ٹھہرو میری سانسوں میں روانی ہے ابھی

~~​

 

[شمشاد]

یہ کیا مقام ہے وہ نظارے کہاں گئے
وہ پھول کیا ہوئے وہ ستارے کہاں گئے
(حفیظ جالندھری)

 

[منصور]

یہ کاروان جنوں ہے اسے قرار کہاں
بس اک شب پس دیواریار ٹہرے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔(شاید پیرزادہ قاسم)

 

[سارا]

یہ نہ تھی ہماری قسمت کہ وصالِ یار ہوتا
اگر اور جیتے رہتے یہی انتظار ہوتا۔۔

 

[منصور]

ابھی کمسن ہے واقف آداب عشق نہیں
سب کے سامنے مجھ سے وہ نادان کھلے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔(منصور)