منتخب اشعار برائے بیت بازی!

[محب علوی]

یہ نہ تھی ہماری قسمت کہ وصالِ یار ہوتا
اگر اور جیتے رہتے یہی انتظار ہوتا۔۔

سارا شعر دہرا دیا آپ نے

یہ اور بات ہے کہ تم آئے ہو تو کوئی نہیں
وگرنہ غم تو یہاں بے شمار رہتے ہیں
(ساغر صدیقی )

 

[سارا]

اووو۔۔۔میں نے اوپر نہیں دیکھا تھا۔۔۔

نہ جانے کون سا آسیب دل میں بستا ہے
کہ جو بھی ٹھہرا آخر مکان چھوڑ گیا۔۔۔

 

[الف عین]

اس نزاکت کا برا ہو، وہ بھلے ہیں تو کیا
ہاتھ آئیں تو انھیں ہاتھ لگائے نہ بنے
چچا

 

[شمشاد]

اب شوق سے بگاڑ کی باتیں کیا کرو
کچھ پا گئے ہیں آپ کے طرزِ بیاں سے ہم
(الطاف حسین حالی)

 

[شمشاد]

اس نزاکت کا برا ہو، وہ بھلے ہیں تو کیا
ہاتھ آئیں تو انھیں ہاتھ لگائے نہ بنے
چچا

جتنے میں میں نے الف سے شعر دیا، آپ کا بھیجا ہوا پہلے پہنچ گیا۔ اب ‘ے‘ سے لکھتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ اور بات ہے کہ تعمیر ہو نہ سکیں
ورنہ ہر دل میں کچھ تاج محل ہوتے ہیں

 

[ظفری]

یہ شرف صرف میرے دوستوں کو حاصل ہے
مجھے ذلیل کوئی دوسرا نہیں کرتا !!!
​

 

[فرذوق احمد]

اِک ذرا سی بات تھی جس کا چرچا پہنچا گلی گلی
ہم گمناموں نے پھر پھی احسان نہ مانا یاروں کا
ابنِ انشاء

 

[الف عین]

آنکھ سے آنکھ نہ جوڑ کے دیکھو سوئے اُفق اے ہم سفرو!
لاکھوں رنگ نظر آئیں گے، تنہا تنہا دیکھو تم!
بانی

 

[شمشاد]

میں جہاں تم کو بلاتا ہوں وہاں تک آؤ
میری نظروں سے گزر کر دل و جاں تک آؤ
(علی سردار جعفری)

 

[منصور]

واے دیوانگی شوق کہ ہر دم مجھ کو
آپ آناادھر اورآپ ہی حیراں ہونا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔(شاید مومن خان مومن)

(چونکہ شعر کی شرط ہے‘ لہزا نظم یہاں رقم کر دی)

وہ میری آرزو‘ وہ میری جستجو
جسے ڈھونڈھا میں نے کو بہ کو
جسے کھوجا میں نے نوع بہ نوع
وہ میرا ہم سہو‘ وہ میرا ہم عفو
مگر
مجھے ہم سبو کی تلاش تھی
اسے مے کدہ کی تھی جستجو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔(منصور)

 

[جیہ]

منصور بھائی اچھا شعر ہے مگر یہ غالب کا ہے مومن کا نہیں۔
صحیح یوں ہے

وائے دیوانگئ شوق کہ ہر دم مجھ کو
آپ جانا اُدھر اور آپ ہی حیراں ہونا

 

[شمشاد]

اُس شام وہ رخصت کا سماں یاد رہے گا
وہ شہر، وہ کوچہ، وہ مکاں یاد رہے گا
(ابنِ انشاء)

 

[جیہ]

آگے آتی تھی حالِ دل پر ہنسی
اب کسی بات پر نہیں آتی
(غالب)

 

[منصور]

یارب دل مسلم کو وہ زندہ تمنا دے
جو روح کو تڑپا دے‘ جو قلب کو گرما دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔(اقبال)

میرا مشورہ ہے کہ چونکہ اردو میں زیادہ تر الفاظ “ی“ یا “ے“ پر ختم ہوتے ہیں جب کہ “ی“ ‘ “ے“ سے شروع ہونے والے الفاظ کہیں کم
لہزا “سیکنڈ لاسٹ“ لفظ جہاں ختم ہوتا ہے ‘ اگلے شعر کے لیے اسے منتخب کرنے کی(مشروط یا غیر مشروط) اجازت عنایت کی جاے۔

 

[شمشاد]

یہ شیشے یہ سپنے یہ رشتے یہ دھاگے
کسے کیا خبر ہے کہاں ٹوٹ جائیں
(سدرشن فقیر)

 

[شمشاد]

منصور آپ خود مختار ہیں، اجازت لینے کی ضرورت نہیں، اور میرے خیال میں تو یہ اصول پہلے ہی سے لاگو ہے۔

 

[ماوراء]

یہ شرف صرف میرے دوستوں کو حاصل ہے
مجھے ذلیل کوئی دوسرا نہیں کرتا !!!
​

~~
زبردست۔ بالکل سچا شعر ہے۔
~~

 

[شمشاد]

وہ تو صحیح ہے لیکن ‘ن‘ سے شعر بھی تو لکھنا تھا۔

 

[ماوراء]

~~
نہیں آتا۔
~~

 

[شمشاد]

پھر میں ہی لکھ دیتا ہوں

نازکی اس کے لب کی کیا کہیے
پنکھڑی اک گلاب کی سی ہے