منتخب اشعار برائے بیت بازی!

[شمشاد]

وکیل صاحبہ لکھنے کو آپ کی موکلہ پوری غزل بھی لکھ سکتی ہیں لیکن اس سے پھر بیت بازی کا مقصد فوت ہو جائے گا۔

مزید تسلی کے لیے استادِ محترم اعجاز صاحب سے بھی پوچھ لو۔

 

[فریب]

یا رب، وہ نہ سمجھے ہیں نہ سمجھیں گے میری بات
دے اور دل اُن کو، جو نہ دے مجھ کو زباں اور

(غالب)

 

[شمشاد]

رہا گردشوں میں ہر دم میرے عشق کا ستارہ
کبھی ڈگمگائی کشتی کبھی کھو گیا کنارہ

 

[فریب]

ہم کہ ٹھرے اجنبی اتنی ملاقاتوں کے بعد
پھر بنیں‌گے آشنا کتنی ملاقاتوں کے بعد

(فیض)

 

[شمشاد]

داغ دنیا نے دیئے زخم زمانے سے ملے
ہم کو یہ تحفے تمہیں دوست بنانے سے ملے
(کیف بھوپالی)

 

[فریب]

یونہی دکھ کسی کو دینا نہیں خوب، ورنہ کہتا
کہ میرے عدو کو یارب ملے میری زندگانی

(غالب)

 

[شمشاد]

یہ بھی کیا احسان کم ہے دیکھیئے نا آپ کا
ہو رہا ہے ہر طرف چرچا ہمارا آپ کا
(واجدہ تبسم)

 

[فریب]

آنسو پیے تو اور ہوئی تیز من کی آگ
اک زہر تھا کہ جس کو مداوا سمجھ لیا
شاید ( حسرت موحانی) ہیں

 

[ظفری]

اب کسی سے میرا حساب نہیں
میری آنکھوں میں کوئی خواب نہیں

- جان ایلیا -​

 

[شمشاد]

نیا موسم میری بینائی کو تسلیم نہیں
میری آنکھوں کو وہی خواب پرانا لا دے

 

[سارہ خان]

یادیں تیرے خلوص کی ڈستی ہیں آج بھی
ملنے کی آرزو میں برستی ہیں آج بھی

 

[شمشاد]

یوں تو ہر کوئی ہے دعویدارِ محبت
یہ راز مگر ایسا ہے جو کھلتا ہے ہجر میں

 

[منصور]

نہ تھا کچھ تو خدا تھا ، نہ ہوتا کچھ تو خدا ہوتا
ڈبویا مجھ کو ہونے نے ، نہ ہوتا میں تو کیا ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔(غالب)

 

[شمشاد]

اللہ کرئے جہاں کو میری یاد بھول جائے
اللہ کرئے کہ تم کبھی ایسا نہ کر سکو

 

[ظفری]

وہ جن کی خاطر ہم نے تمام سرحدیں توڑیں
آج اُنہی نے کہا ہے کہ اپنی حد میں رہو​

 

[فریب]

وہ تو وہ ہے تمہیں ہو جائے گی الفت مجھ سے
اک نظر تم میرا محبوب نظر تو دیکھو

 

[ظفری]

وہ مجھ سے بچھڑ کے ضبط کا عادی تھا جی گیا
ورنہ ہر اک سانس قیامت اُسے بھی تھی​

 

[فریب]

یہ ضد کہ آج نہ آئے اور آئے بن نہ رہے
قضا سے شکوہ ہمیں کس قدر ہے کیا کہیے

 

[شمشاد]

یہ کب صرف آہ و فغاں مانگتی ہے
وفا سوزشِ جسم و جاں مانگتی ہے

 

[وہاب اعجاز خان]

یہ زندگی ہے یہ تو ہے یہ روزگار کے دکھ
ابھی بتا دے کہاں آزمانا چاہتا ہے