منتخب اشعار برائے بیت بازی!

[شمشاد]

اپنی جولاں گاہ زیرِ آسماں سمجھا تھا میں
آب و گل کے کھیل کو اپنا جہاں سمجھا تھا میں

 

[ظفری]

نہیں یاد عیش و ملال عمر ِ گذشتہ کی کوئی داستان
مگر آہ چند وہ ساعتیں جو بسر ہوئیں ہیں گناہ میں​

 

[شمشاد]

نگاہِ گرم کہ شیروں کے جس سے ہوش اُڑ جائیں
نہ آہ سرد کہ ہے گو سفندی و میشی

 

[ظفری]

یہ راستوں کا بدلنا تُجھی سے سیکھا ہے
نکال لیں گے کوئی ہم بھی راستہ آخر​

 

[شمشاد]

راہِ محبت میں ہے کون کس کا رفیق
ساتھ مرے رہ گئی ایک مری آرزو

 

[ظفری]

واعظ شہرِ خدا ہے ، مجھے معلوم نہ تھا
یہی بندے کی خطا ہے ، مجھے معلوم نہ تھا​

 

[شمشاد]

اب کیا جو فغاں میری پہنچی ہے ستاروں تک
تو نے ہی سکھائی تھی مجھ کو یہ غزل خوانی

 

[ظفری]

یہ جو شاخ لب پہ ہجوم رنگ صدا کھلا ہے گلی گلی
کہیں کوئی شعلہ بے نوا کسی قتل گاہ میں جل بجھا​

 

[شمشاد]

اگرچہ میرے نشیمن کا کر رہا ہے طواف
مری نوا میں‌ نہیں طائرِ چمن کا نصیب

 

[الف عین]

بہت شور سنتے تھے پہلو میں دل کا
جو چیرا تو اک قطرۂ خوں نہ نکلا

 

[شمشاد]

اپنے بھی خفا مجھ سے ہیں، بیگانے بھی ناخوش
میں زہرِ ہلاہل کو کبھی کہہ نہ سکا قند

 

[ظفری]

دل لہو کر کے یہ قسمت ٹہرے
سنگ فن کار کی قسمت ٹہرے

(اُمید فاضلی )

 

[شمشاد]

یہ اور بات کہ تعمیر ہو نہ سکے
ورنہ ہر دل میں کچھ تاج محل ہوتے ہیں

 

[ظفری]

نعمت کا اعتبار ہے حسن قبول سے
عشرت بھی ایک غم ہے گوارا کہیں سے

(تابش دہلوی)

 

[شمشاد]

یہ پیرانِ کلیسا و حرم، اے وائے مجبوری
صِلہ ان کی کدوکاوش کا ہے سینوں کی بے نوری

 

[حجاب]

یادوں کے حاشئیے بہت اہم ہیں حسن
دیمک لگی کتاب کو آہستہ کھولئے۔۔۔

 

[شمشاد]

یقیں پیدا کر اے ناداں، یقیں سے ہاتھ آتی ہے
وہ درویشی، کہ جس کے سامنے جھکتی ہے فُغفُوری

 

[حجاب]

یہ بھی احباب کی نوازش ہے
کس تکلف سے کام لیتے ہیں
احتراماً سلام کرتا ہوں
انتقاماً جواب دیتے ہیں۔۔۔۔

 

[ظفری]

نشاں کسی کو ملے گا بھلا کہاں میرا
کہ ایک روح تھا میں ، جسم تھا مکاں میرا​

 

[شمشاد]

اپنے من میں ڈوب کر پا جا سراغِ زندگی
تو اگر میرا نہیں بنتا نہ بن، اپنا تو بن