منتخب اشعار برائے بیت بازی!

[حجاب]

ن سے دو شعر سہی


اے اہلِ ہنر ! فن کی تمہیں داد ملے گی
کچھ دیر ٹھہر جاؤ کہ منگوائے ہیں پتھر
اس شہرِ وفا کی یہ روایت ہے عزیزو
جس نے کبھی حق بات کہی کھائے ہیں پتھر

 

[شمشاد]

روزِ حساب جب مرا پیش ہو دفترِ عمل
آپ بھی شرمسار ہو، مجھ کو بھی شرمسار کر
(علامہ)

 

[الف عین]

رات شیطاں کو خواب میں دیکھا
ساری صورت جناب کی سی تھی

 

[شمشاد]

ن سے دو شعر سہی


اے اہلِ ہنر ! فن کی تمہیں داد ملے گی
کچھ دیر ٹھہر جاؤ کہ منگوائے ہیں پتھر
اس شہرِ وفا کی یہ روایت ہے عزیزو
جس نے کبھی حق بات کہی کھائے ہیں پتھر

لکین آپ نے تو دونوں “ الف “ سے دے دیئے

 

[شمشاد]

رات شیطاں کو خواب میں دیکھا
ساری صورت جناب کی سی تھی

اعجاز بھائی جواب ملاحظہ ہو :

یارب یہ جہانِ گزراں خوب ہے لیکن
کیوں خوار ہیں مردانِ صفا کیش و ہنر مند؟

(علامہ اقبال)

 

[حجاب]

دیکھا اُسے تو دل نے کہا شعر کہہ بھی دو
مدّت کے بعد مشورہ اچھا لگا مجھے
لہجے میں اعتماد ہنسی میں کھنک بہت
تسخیر کر گئی ہے کسی کی ادا مجھے

 

[شمشاد]

حجاب آپ اکثر دو دو شعر لکھ دیتی ہیں۔


یا مری آہ میں کوئی شرر زندہ نہیں
یا ذرا نم ابھی تیرے خس و خاشاک میں ہے
(علامہ اقبال)

 

[تیشہ]

رات شیطاں کو خواب میں دیکھا
ساری صورت جناب کی سی تھی

کتنے مزے کا شعر ہے یہ

 

[حجاب]

جب ایک شعر میں بات کی وضاحت نہ ہورہی ہو تو قطعہ لکھ دیتی ہوں۔

یہ وسعتِ خیال ہے یا تنگیء خیال
یوں دامنِ نظر میں سماتا نہیں‌کوئی

 

[شمشاد]

وہ سوا یاد آئے بھولنے کے بعد
زندگی بڑھ گئی زہر کھانے کے بعد
(خمار بارہ بنکوی)

 

[حجاب]

دل کی چوٹوں نے کبھی چین سے رہنے نہ دیا
جب چلی سرد ہوا میں نے تجھے یاد کیا۔۔۔۔

 

[سیدہ شگفتہ]

اپنی ساری باتیں تو میں اِک اِک کر کے بُھول چُکی
اُس کی صُورت ، اُس کی باتیں ، اُس کا لہجہ یاد رہا !


شاعرہ : نزہت عباسی


​

 

[شمشاد]

اس تشنہ لب کی نیند نہ ٹوٹے دعا کرو
جس تشنہ لب کو خواب میں دریا دکھائی دے
(کرشن بہاری نور)

 

[سیدہ شگفتہ]

یہ سچ ہے مسلک نہیں ہے اپنا ، یہ نا امیدی یہ بے یقینی
امید کی آخری کرن تک یہاں دلوں میں خُدا ملے گا


شاعرہ : شاہدہ حسن


​

 

[شمشاد]

ابھی بادبان کو تہ رکھو ابھی مضطرب ہے رخِ ہوا
کسی راستے میں ہیں منتظر وہ سکوں جو آ کے چلا گیا
(فیض)

 

[الف عین]

اسد اللہ خاں تمام ہوا
اے دریغا وہ رندِ شاہد باز

 

[تیشہ]

زندگی ہر رنگ میں ہے اک فریب
آدمی ہر حال میں پچھتائے ہے ،

 

[شمشاد]

یہاں سے اب کہیں لے چل خیالِ یار مجھے
چمن میں راس نہ آئے گی بہار مجھے
(عزیز وارثی)

 

[حجاب]

یادوں کے حاشیے بہت اہم ہیں حسن
دیمک لگی کتاب کو آہستہ کھولیئے

 

[الف عین]

یاں فقط ریختہ ہی کہنے نہ آئے تھے ہم
چار دن یہ بھی تماشا سا دکھایا ہم نے
میر