منتخب اشعار برائے بیت بازی!

[حجاب]

نرم الفاظ بھلی باتیں مہذب لہجے
پہلی بارش ہی میں یہ رنگ اُتر جاتے ہیں
اس دریچے میں بھی اب کوئی نہیں اور ہم بھی
سر جھکائے ہوئے چپ چاپ گزر جاتے ہیں

 

[شمشاد]

یہ حادثات جو ہیں اضطراب کا پیغام
یہ حادثات ہی آئیں گے سازگار مجھے
(عزیز وارثی)

 

[حجاب]

ہوتی نہیں قبول دعا ترکِ عشق کی
دل چاہتا نہ ہو تو دعا میں اثر کہاں

 

[شمشاد]

ناممکن ہے کيسے بتلا دوں سب کو
کس نے مجھ کو اپنا بن کے لوٹا تھا
(حسن ضیاء بھٹی)

 

[حجاب]

اُس کی خبر نہیں ہے بہت دن گزر گئے
اب چاہتیں تباہ ہوئیں مشکلوں کے بیچ
سوچی ہوئی دعاؤں کو خوابوں کو کیا کریں
بچھڑے ہوئے ملے ہوں اگر محفلوں کے بیچ

 

[شمشاد]

چاہت کا اک میٹھا میٹھا درد جگانے شام ڈھلے
تیری یادیں آ جاتی ہیں مجھکو رلانے شام ڈھلے
(حسن امام)

 

[حجاب]

لے سانس بھی آہستہ کہ نازک ہے بہت کام
آفاق کے اس کارِ گہہ شیشہ گری کا۔۔۔۔۔۔

 

[شمشاد]

آ عندلیب ملکر کریں آہ و زاریاں
تو ہائے گل پکار میں پکاروں ہائے دل

 

[حجاب]

دعا یہ کی ہی نہیں تو میرا مقدر ہو
ہوا کی طرح مگر سانس بھر میسر ہو

 

[شمشاد]

وہ آئیں گھر میں ہمارے خدا کی قدرت ہے
کبھی ہم ان کو کبھی اپنے گھر کو دیکھتے ہیں

 

[حجاب]

یونہی ایک جھوٹی انا کے واسطے برباد ہوجانا
خودی کے زعم میں انسان کتنے دکھ اُٹھاتا ہے

 

[شمشاد]

یاد کسی کی چاندنی بن کر کوٹھے کوٹھے اُتری ہے
یاد کسی کی دھوپ ہوئی ہے زینہ زینہ اُتری ہے
(بشیر بدر)

 

[حجاب]

ہم میں تھی کوئی بات یا ایک اتفاق تھا
ٹوٹا تو اور بڑھتا گیا رابطہ بہت۔۔۔۔۔

 

[شمشاد]

تو اے اسیرِ مکاں، لامکاں سے دور نہیں
وہ جلوہ گاہ ترے خاکداں سے دُور نہیں
(علامہ اقبال)

 

[تیشہ]

نیندوں کے دیس جاتے کوئی خواب دیکھتے
لیکن دیا جلانے کی فرصت نہیں ملی ،

 

[شمشاد]

یہ چراغ بے نظر ہے یہ ستارہ بے زبان ہے
اب تجھ سے ملتا جلتا کوئی دوسرا کہاں ہے
(بشیر بدر)

 

[فیصل عظیم فیصل]

یہ ہم بھی جانتے ہیں ، زندگی ایک خواب ہے افسر
مگر اس خواب کی آخر کوئی تعبیر بھی ہو گی

افسر ماہ پوری

 

[الف عین]

یاد آ گئے تھے اپنے پہ بیتے کچھ ایسے پل
آنسو تو آ گئے تھے پہ رو بھی نہیں سکا

 

[فیصل عظیم فیصل]

آنسوؤں کی جھڑی لگی ایسے
جیسے بارش ہو گرمیوں والی


ی

 

[حجاب]

یہ بھی احباب کی نوازش ہے
کس تکلف سے کام لیتے ہیں
احتراماً سلام کرتا ہوں
انتقاماً جواب دیتے ہیں