ایک دفعہ ایک گائے ایک ندی میں نہا رہی تھی اس نے دیکھا کہ ایک بچھو پانی میں ڈوب رہا ہے ۔ گائے نے ترس کھا کر اپنی دم کی مدد سے اسے اپنی پیٹھ پر بٹھا لیا اور اور ندی سے باہر لے آئی ۔ جیسے ہی ندی سے وہ باہر آئی ۔ بچھو نے ذور سے اس کی پیٹھ پر کاٹا۔ پاس ہی ایک خرگوش یہ منظر دیکھ رہا تھا اس نے بچھو کو برا بھلا کہا اور گائے سے کہا کہ تم نے خوامخواہ اس موزی کی جان بچائی۔ گائے نے جواب دیا میری فطرت ہی کچھ ایسی ہے۔جس کی وجہ سے میں تمام لوگوں کی نظر میں قیمتی ہوں اور اس بچھو کی فطرت جیسی ہے اس کی وجہ سے یہ حقیر ہے۔ میں اپنے مالک کے بچوں کو دودھ دیتی ہوں، اس کے کھیتوں میں ہل چلاتی ہوں، اور جب میں کسی کام کی نہیں رہتی تو لوگ میرا گوشت کھاتے ہیں۔ میری فطرت کی وجہ سے میری زندگی ایسی ہے ، کہ لوگ مجھے بڑی بڑی قیمتوں میں خریدتے ہیں۔ میری زندگی میں میرا خیال رکھتے ہیں ۔
سچ کسی نے کہا ہے ہے زندگی کا مقصد اوروں کے کام آنا۔ اور اپنے لئے جینا کچھ چیز نہیں اصل زندگی وہی ہے جو دوسروں کے لئے گذاری جائے۔
