میرے پسندیدہ اشعار

[شمشاد خان]

دیکھو یہ میرے خواب تھے دیکھو یہ میرے زخم ہیں
میں نے تو سب حساب جاں بر سر عام رکھ دیا
(احمد فراز)

 

[مومن فرحین]

قدم قدم پہ تیری آہٹوں کا ڈیرہ ہے
مگر نظر میں وہی شب زدہ اندھیرا ہے
تہی تہی سے مناظر ھیں گرد گرد فضا
متاع عمر وہی ایک خواب تیرا ہے

 

[شمشاد خان]

اس طرح زندگی نے دیا ہے ہمارا ساتھ
جیسے کوئی نبا رہا ہو رقیب سے
(ساحر لدھیانوی)

 

[مومن فرحین]

ہے یہاں کس کو دماغ انجمن آرائی کا
اپنے رہنے کو مکاں چاہئیے تنہائی کا

شیشہ دل کو مرے چور کیا کیوں اس نے؟
کیا بگاڑا تھا بھلا گبند مینائی کا؟

بھیج دیتا ہے خیال اپنا عوض اپنے مدام
کس قدر یار کو غم ہے میری تنہائی کا!

 

[مومن فرحین]

سب نے مشہور کیا مجھ سے محبت ہے تجھے
مجھ کو اچھے لگے الزام لگانے والے

 

[شمشاد خان]

بہت پہلے سے ان قدموں کی آہٹ جان لیتے ہیں
تجھے اے زندگی ہم دور سے پہچان لیتے ہیں
(فراق گورکھپوری)

 

[مومن فرحین]

حال دل احوال غم شرح تمنا عرض شوق
بے خودی میں کہہ گئے افسانہ در افسانہ ہم

شکیل بدایونی

 

[شمشاد خان]

ناگاہ نا م میرا تمھارے لبوں پہ آئے
افواہ بن کےشہرمیں اورپھیل جاؤں میں

کس نےکہاتھا؟ "ٹھیک ہے منظورہے ہمیں"
اوراق زندگی کے پلٹ کر دکھاؤں میں؟
(سید عاطف علی)

 

[مومن فرحین]

حرف تازہ نئی خوشبو میں لکھا چاہتا ہے
باب اک اور محبت کا کھلا چاہتا ہے
اک حجاب تہہ اقرار ہے مانع ورنہ
گل کو معلوم ہے کیا دست صبا چاہتا ہے
یہی خاموشی کئی رنگ میں ظاہر ہو گی
اور کچھ روز کہ وہ شوخ کھلا چاہتا ہے

پروین جی ۔۔۔

 

[شمشاد خان]

ان پہ دل ہی آ گیا لے ہی گئے وہ میرا دل
یہ تقاضا حسن کا تھا وہ شرارت کا اثر
(مرلی دھر شاد)

 

[مومن فرحین]

عشق منت کش قرار نہیں
حسن مجبور انتظار نہیں

 

[شمشاد خان]

قیودِ زیست نے مشکل میں ڈال رکھا ہے
ترے خیال نے لیکن، سنبھال رکھا ہے

جو تیرے سامنے ہم نے سوال رکھا ہے
یہی سمجھ لے کہ امرِ محال رکھا ہے
(سید عاطف علی)

 

[مومن فرحین]

کہو کہو یہ محبت کا لفظ پھر سے کہو
اسے چھپاؤ نہ ہم سے یہ کوئی راز نہیں

 

[شمشاد خان]

بتاؤ دل دوں نہ دوں کہو تو عجیب نازک معاملہ ہے
ادھر تو دیکھو نظر ملاؤ یہ کس کی شوخی مچل رہی ہے
(آغا شاعر قزلباش)

 

[مومن فرحین]

ہر حسن سادہ لوح نہ دل میں اتر سکا
کچھ تو مزاج یار میں گہرائیاں بھی ہو

 

[شمشاد خان]

ملتا نہیں پتا ترے چھلے کے چور کا
اے گل بدن یہ شوخی دزد حنا نہ ہو
(امداد امام اثرؔ)

 

[مومن فرحین]

مجھے معصومیت سے دیکھتا ہے
وہ دھوکا کھائے ہے یا دے رہا ہے

 

[شمشاد خان]

برسات کا بادل تو دیوانہ ہے کیا جانے
کس راہ سے بچنا ہے کس چھت کو بھگونا ہے
(ندا فاضلی)

 

[مومن فرحین]

اس کی طرح اپنا نام لے کر
خود کو بھی لگی نئی نئی میں

پروین شاکر

 

[شمشاد خان]

جب بھی آتا ہے مرا نام ترے نام کے ساتھ
جانے کیوں لوگ مرے نام سے جل جاتے ہیں
(قتیل شفائی)