میرے پسندیدہ اشعار

[سیما علی]

گدائے کوئے سخن اور تجھ سے کیا مانگے
یہی کہ مملکتِ شعر کی خدائی دے

عبید اللّہ علیم

 

[سیما علی]

نئے نئے ہیں‌عزائم نئی نئی ہے تلاش
جمال دوست سے دل مطمئن کہاں ہے ابھی

قابل اجمیری

 

[سیما علی]

ناوک انداز جدھر دیدہء جاناں ہوں گے
نیم بسمل کئی ہوں گے کئی بےجاں ہوں گے

مومن

 

[سیما علی]

یاں تک نہ دل آزارِ خلائق ہو کہ کوئی
مَل کر لہو منھ سے صفِ محشر میں در آئے


سودا

 

[سیما علی]

یہ تو بجا کہ ذوقِ سفر ہے ثبوتِ زیست
اس دشت میں سموم و صبا دیکھ کر چلو


احسان دانش

 

[سیما علی]

نہ پوچھو کہ دل شاد ہے یا حزیں ہے
نہیں یہ بھی معلوم ، ہے یا نہیں ہے


ذوق

 

[سیما علی]

نہ راہزن، نہ کسی رہنما نے لوٹ لیا
ادائے عشق کو رسمِ وفا نے لوٹ لیا


جگر مراد آبادی

 

[سیما علی]

ایک مدّت سے تری یاد بھی آئی نہ ہمیں
اور ہم بھول گئے ہوں تجھے ایسا بھی نہیں


فراق گورکھپوری

 

[سیما علی]

وہ رابطہ نہیں ، وہ محبت نہیں رہی
اس بے وفا کو ہم سے کچھ الفت نہیں رہی

میر تقی میر

 

[سیما علی]

جُھکائے ہے سرِ تسلیم ماہ نو، پر، وہ
غُرورِ حسن سے کس کا سلام لیتے ہیں

ہمارے ہاتھ سے اے ذوق وقتِ مے نوشی
ہزار ناز سے وہ ایک جام لیتے ہیں
(ذوق)

 

[سیما علی]

لرز گئی تیری لَو میرے ڈگمگانے سے
چراغِ گوشہء کوئے حبیب ! کیا کہنا
(مجید امجد)

 

[سیما علی]

پھر اس کی یاد میں دل بے قرار ہے ناصر
بچھڑ کے جس سے ہوئی شہر شہر رسوائی
ناصرکاظمی

 

[سیما علی]

گزرے ہیں عشق نام کے دنیا میں اک بزرگ
ہم بھی فقیر ایک اسی سلسلے کے ہیں
(میر)

 

[سیما علی]

گوکہ بت کدے جا رہا ہوں ميں
بہ خدا با خدا رہا ہوں ميں
مير تقی مير

 

[سیما علی]

بہنے دو انہیں یار کے آگے آتش
دل کا احوال بھی آنکھوں کو بیان کرنے دو
(خواجہ حیدر علی آتش)

 

[سیما علی]

دیوار شب اور عکس رخ یار سامنے
پھر دل کے آئینے سے لہو پھوٹنے لگا
پھر وضع احتیاط سے دھندھلا گئی نظر
پھر ضبط آرزو سے بدن ٹوٹنے لگا


فیض احمد فیض

 

[سیما علی]

مجھہ کو معلوم نہ تھی ہجر کی یہ رمز، کہ تو
جب میرے پاس نہ ہوگا۔۔۔۔۔ تو ہر سو ہوگا
احمد ندیم قاسمی

 

[سیما علی]

نہ رکھا دل کو احساسِ گناہ نے مستقل ورنہ
یہی ظلمت کدہ اک دن تجلی خیز ہوجاتا
(جگر مُراد آبادی)

 

[محمل ابراہیم]

کمی نہیں تھی کسی چیز کی مگر اکثر
اکیلے بیٹھ کے رویا ہوں زار زار بہت

 

[سیما علی]

تیشے بغیر مر نہ سکا کوہ کن اسد
سرگشتہ خمارِ رسوم و قیود تھا

( غالب )