میرے پسندیدہ اشعار

[سیما علی]

اس نے وعدہ کیا ہے آنے کا
رنگ دیکھو غریب خانے کا

جوشؔ ملیح آبادی

 

[سیما علی]

یہ کیا ہے کہ بڑھتے چلو بڑھتے چلو آگے
جب بیٹھ کے سوچیں گے تو کچھ بات بنے گی

جانثار اختر

 

[سیما علی]

ہر بات میں ہونٹ پر ہے دشنام
اب حسنِ کلام ہو گئی ہے

ریاض خیر آبادی

 

[سیما علی]

قتیلؔ اب دل کی دھڑکن بن گئی ہے چاپ قدموں کی
کوئی میری طرف آتا ہُوا محسوس ہوتا ہے

قتیل شفائی

 

[سیما علی]

کم بخت دِل نے داغ ! کِیا ہے ہَمَیں تباہ
عاشِق مِزاج ہوگئے آخر اِسی سے ہم

داغ دہلوی

 

[سیما علی]

بہکا رہا ہے کون مجھے یوں ترے خلاف ؟
اک مرتبہ خود اپنی طرف دھیان بھی گیا
جمالؔ احسانی

 

[شمشاد]

وہ نہ جانے کیا سمجھا ذکر موسموں کا تھا
میں نے جانے کیا سوچا بات رنگ و بو کی تھی
(زہرا نگاہ)

 

[شمشاد]

بہلا نہ دل نہ تیرگیٔ شام غم گئی
یہ جانتا تو آگ لگاتا نہ گھر کو میں
فانی بدایونی

 

[شمشاد]

ہماری راہ سے پتھر اٹھا کر پھینک مت دینا
لگی ہیں ٹھوکریں تب جا کے چلنا سیکھ پائے ہیں
نفس انبالوی

 

[مومن فرحین]

تم بھی شاید وہیں سے آئے ہو
اچھے موسم جہاں سے آتے ہیں

 

[مومن فرحین]

تیز ہوا نے مجھ سے پوچھا
ریت پہ کیا لکھتے رہتے ہو
کون سی بات ہے تم میں ایسی
اتنے اچھے کیوں لگتے ہو

 

[سیما علی]

اب جدائی کے سفر کو مرے آسان کرو
تم مجھے خواب میں آ کر نہ پریشان کرو

منور رانا

 

[سیما علی]

حسن کے سمجھنے کو عمر چاہیئے جاناں۔۔۔۔
دو گھڑی کی چاہت میں لڑکیاں نہیں کھلتی

پروین شاکر

 

[شمشاد]

اے شمع تجھ پہ رات یہ بھاری ہے جس طرح
میں نے تمام عمر گزاری ہے اس طرح
(ناطقؔ لکھنوی)

 

[سیما علی]

عزیز اتنا ہی رکھو کہ جی سنبھل جائے۔۔۔۔
اب اس قدر بھی نہ چاہو کہ دم نکل جائے

عبید اللّہ علیم

 

[شمشاد]

دشت کی دھوپ ہے جنگل کی گھنی راتیں ہیں
اس کہانی میں بہر حال کئی باتیں ہیں
(جاوید ناصر)

 

[سیما علی]

میں اور آنکھ بھر کے یہ تصویر دیکھ لوں
دل کی خوشی تھی، ورنہ نظر کا زیاں تو ہے

ظفر اقبال

 

[سیما علی]

بڑھا رہی ہیں میرے دکھ، نشانیاں تیری
میں ترے خط، تری تصویر تک جلا دوں گا

محسن نقوی

 

[سیما علی]

تیرے ہی رنگ اترتے چلے جائیں مجھ سے
خود کو لکھوں، تری تصویر بنائے جاؤں

عبیداللہ علیم

 

[سیما علی]

قیس کی طرح پاگل وہ دیوانے کہاں گئے
شمع پر جو تھے فدا، وہ پروانے کہاں گئے