میرے پسندیدہ اشعار

[سیما علی]

سیاہی جیسے گِر جاوے دمِ تحریر کاغذ پر!!!!!!!!!!!!!!!
میری قسمت میں یوں‌ تصویر ہے شب ہائے ہجراں‌کی


مرزا اسد اللہ خان غالب

 

[سیما علی]

دشمن ہے ایک شخص بہت ایک شخص کا
ہاں عشق ایک نام کو ہے ایک نام سے



"رئیس فروغ"

 

[سیما علی]

فرشتہ مجھ کو کہنے سے میری تحقیر ھوتی ھے
میں مسجود ملائک ھوں مجھے انسان رھنے دو

 

[سیما علی]

نہ جا نے کب میری دنیا میں مسکرا ئے گا
وہ ایک شخص کہ خوابوں میں بھی خفا سا لگے
محسن نقوی

 

[سیما علی]

نہ راہزن، نہ کسی رہنما نے لوٹ لیا
ادائے عشق کو رسمِ وفا نے لوٹ لیا


جگر مراد آبادی

 

[سیما علی]

ایک مدّت سے تری یاد بھی آئی نہ ہمیں
اور ہم بھول گئے ہوں تجھے ایسا بھی نہیں


فراق گورکھپوری

 

[سیما علی]

نہ اب خودی کا پتہ ہے نہ بیخودی کا جگر
ہر ایک لطف کو لطفِ خدا نے لوٹ لیا


جگر مراد آبادی

 

[شمشاد]

اے فلک تجھ کو قسم ہے مری اس کو نہ بجھا
کہ غریبوں کو چراغ شب تاریک ہے دل
مصحفی غلام ہمدانی

 

[ضیاء حیدری]

دیکھتے ہی مجھے محفل میں یہ ارشاد ہوا
کون بیٹھا ہے اسے لوگ اٹھاتے بھی نہیں

ہو چکا قطع تعلق تو جفائیں کیوں ہوں
جن کو مطلب نہیں رہتا وہ ستاتے بھی نہیں

 

[شمشاد]

نہ تم ہوش میں ہو نہ ہم ہوش میں ہیں
چلو مے کدہ میں وہیں بات ہوگی
بشیر بدر

 

[محمد شان محسن]

وہ کوہِ طور ہو یا سر زمینِ دل بیدمؔ
نگاہِ یار سے خالی کوئی دیار نہیں!

 

[محمد شان محسن]

نہ تم ہوش میں ہو نہ ہم ہوش میں ہیں
چلو مے کدہ میں وہیں بات ہوگی
بشیر بدر

کبھی ان مدھ بھری آنکھوں سے پیا تھا اک جام
آج تک ہوش نہیں ہوش نہیں ہوش نہیں!
جگرؒ

 

[شمشاد]

نہ دوں گا دل اسے میں یہ ہمیشہ کہتا تھا
وہ آج لے ہی گیا اور ظفرؔ سے کچھ نہ ہوا
بہادر شاہ ظفر

 

[محمد شان محسن]

ہے ارتباطِ سوزِدروں ذوقِ دید سے
ورنہ جگر کہاں میری چشمِ تر کہاں

 

[گُلِ یاسمیں]

چاہ میں اس کی طمانچے کھائے ہیں..!!
دیکھ لو سرخی میرے رخسار کی..!!
جون ایلیاء

 

[شمشاد]

خرچ چلے گا اب مرا کس کے حساب میں بھلا
سب کے لئے بہت ہوں میں اپنے لئے ذرا نہیں
جون ایلیا

 

[گُلِ یاسمیں]

کچھ تو اپنے لئے بھی رکھنا ہے
زخم اوروں کو کیوں دکھائیں سب

 

[محمد شان محسن]

حجاب اکسیر ہے آوارۂ کوئے محبت کو
مری آتش کو بھڑکاتی ہے تیری دیر پیوندی

حضرت علامہ اقبالؒ

 

[گُلِ یاسمیں]

اس کی یاد آئی ہے سانسو ذرا آہستہ چلو
دھڑکنوں سے بھی عبادت میں خلل پڑتا ہے

راحت اندوری

 

[شمشاد]

قد میں تو کر چکا تھا وہ احمق برابری
مجبور سرو کو تری رفتار نے کیا
حیدر علی آتش