میرے پسندیدہ اشعار

[سیما علی]

وہ مطمئن تھے بہت قتل کر کے محسن کا
مگر یہ ذکرِ وفا صبح و شام کس کا ہے

محسن نقوی

 

[سیما علی]

وہی بام و در ہیں جلے ہوئے، وہی چاند چہرے ڈھلے ہوئے
وہی صبح کوئے ملال ہے وہی شام شہر خراب ہے
سعد الله شاہ

 

[سیما علی]

دل نا امید تو نہیں ناکام ہی تو ہے ۔۔۔۔۔۔۔
لمبی ہے غم کی شام مگر شام ہی تو ہے
فیض احمد فیض

 

[سیما علی]

دل کی حویلی پر مدت سے
خاموشی کا قفل پڑا ہے
چیخ رہے ہیں خالی کمرے
شام سے کتنی تیز ہوا ہے
(ناصر کاظمی)

 

[سیما علی]

سنا ہے رات سے بڑھ کر ہیں کاکلیں اس کی
سنا ہے شام کو سائے گزر کے دیکھتے ہیں
(احمد فراز)

 

[سیما علی]

ہائے کیا یہ شامِ ملاقات آئ
لب پہ مشکل سے تیری بات آئ

ناصر کاظمی

 

[سیما علی]

چھوڑ آئے ھو سرشام اسے کیوں ناصر
اسے پھر گھر سے بلا لاؤ کہ کچھ رات کٹے


ناصر کاظمی

 

[شمشاد]

کیا وعدۂ دیدار کو سچ جانتے ہو یاسؔ
لو فرض کرو آئی قیامت کی سحر بھی
یگانہ چنگیزی

 

[محمد شان محسن]

دل کا عالم عاشقی میں کیا کہوں کیا ہو گیا
رنج سہتے سہتے پتھر کا کلیجہ ہو گیا

اوگھٹ شاہ وارثی

 

[شمشاد]

ہونٹوں پر صحرا رہتا ہے آنکھ میں کھارا پانی
ایک کنارا آگ ہے میرا ایک کنارہ پانی
فوزیہ شیخ

 

[گُلِ یاسمیں]

کاش منزل مجھے ملے نہ کبھی
مار ڈالے مجھے سفر میرا

عرش سلطانپوری

 

[شمشاد]

اک عمر چاہیے کہ گوارا ہو نیش عشق
رکھی ہے آج ہی لذت زخم جگر کہاں

 

[ضیاء حیدری]

دل فقر کی دولت سے مرا اتناغنی ہے
دنیا کے زر و مال پہ میں تُف نہیں کرتا

 

[محمد شان محسن]

ملیں بھی وہ تو کیونکر آرزو بر آئے گی دل کی
نہ ہوگا خود خیال ان کو نہ ہوگی التجا مجھ سے

حسرت موہانی

 

[گُلِ یاسمیں]

کبھی کسی کو مکمل جہاں نہیں ملتا
کہیں زمین کہیں آسماں نہیں ملتا

تمام شہر میں ایسا نہیں خلوص نہ ہو
جہاں امید ہو اس کی وہاں نہیں ملتا

 

[محمد شان محسن]

اب نہ دل مانوس ہے ہم سے نہ خوش ہیں دل سے ہم
یہ کہاں کا روگ لے آئے تری محفل سے ہم

دیکھیے اس خانہ ویرانی کا کیا انجام ہو
اپنی دنیا لے کے نکلے ہیں کسی کے دل سے ہم

فطرتؔ وارثی

 

[شمشاد]

محمد شان محسن صاحب اردو محفل میں خوش آمدید۔

اپنا تعارف تو دیں، تاکہ دوسرے اراکین اردو محفل آپ سے متعارف ہو سکیں۔

یہ رہا تعارف کا زمرہ

 

[شمشاد]

جو کہا میں نے کہ پیار آتا ہے مجھ کو تم پر
ہنس کے کہنے لگا اور آپ کو آتا کیا ہے
اکبر الہ آبادی

 

[حسرت جاوید]

کاش منزل مجھے ملے نہ کبھی
مار ڈالے مجھے سفر میرا

عرش سلطانپوری

واہ واہ۔

 

[حسرت جاوید]

اب نہ دل مانوس ہے ہم سے نہ خوش ہیں دل سے ہم
یہ کہاں کا روگ لے آئے تری محفل سے ہم

دیکھیے اس خانہ ویرانی کا کیا انجام ہو
اپنی دنیا لے کے نکلے ہیں کسی کے دل سے ہم

فطرتؔ وارثی

اپنی دنیا لے کے نکلے ہیں کسی کے دل سے ہم۔ واہ، لاجواب۔