یہ کرننگ واقعی مناسب ترین لگ رہی ہے لیکن اس میں رموز اوقاف خصوصاً سنگل اور ڈبل کوٹس نظر نہیں آ رہے، جو پہلے بھی فاصلہ پیدا کرتے رہے ہیں۔ آپ خودکار کرننگ میں زیادہ دلچسپی لے رہے ہیں، جو ظاہر ہے زیادہ پریکٹیکل اپروچ ہے چونکہ ترسیموں کے جوڑوں کی تعداد تو لامحدود ہے اور ہر ممکن جوڑے کا فاصلہ ڈیفائن کر کے ایک بے محابا قسم کا ٹیبل بنے گا۔ اس حوالے سے میرے ذہن میں خیال آ رہا ہے کہ کرننگ کو دو لیئرز میں لاگو کیا جائے۔ پہلے خودکار جو کہ مناسب سی ہو یعنی الفاظ کو آپس میں بہت زیادہ گھسیڑا نہ جائے۔ اس کے بعد مسئلہ پیدا کرنے والے ترسیمہ پیئرز پر عمر بھائی والا طریقہ لاگو کر کے کم فاصلے والی کرننگ حاصل کر لی جائے۔ اس طریقے سے ایک فائدہ یہ ہے کہ کھوتے گھوڑے ایک ہی ڈنڈے سے ہانکے نہیں جاتے اور انفرادی ایڈجسٹمنٹ کی گنجائش موجود رہتی ہے۔
