نایاب جی لگتا ہے آپ
کو قلب کی تشریح بچوں کی طرح سمجھانی پڑے گی
قلب مؤمن صوفیاء کی نظر میں
حضور اکرمﷺ کا ارشاد ہے کہ اللہ تعالیٰ فرماتے ہیںلَا یَسَعُنِی اَرْضِی وَلَا سَمَائِی وَ یَسَعُنِی قَلْبُ عَبْدِی الْمُؤمِنِ التَّقِیِّ ۔ ’’ میں کسی چیز میں نہیں سماتا لیکن مؤمن کا قلب ایسی جگہ ہے جہاں میں سما جاتا ہوں ‘‘ اور ایک دوسری جگہ ارشاد ہے ’’ مؤمن کی فراست سے ڈر کیونکہ وہ اللہ کے نور سے دیکھتا ہے ‘‘
اسی مؤمن کی فراست کو دیکھتے ہوئے حکیم الامت فرماتے ہیں ؎
دلِ بینا بھی کر خدا سے طلب
آنکھ کا نور دل کا نور نہیں
ایک صوفی فرماتے ہیں
فیضِ خدا کہ بر دلِ آگاہ می رسد
اے دل باہوش باش کے ناگاہ می رسد
یہ دلِ بیدار ، دلِ بینا یا دل کی آنکھیں کیا چیز ہیں ؟ آئیے دیکھتے ہیں
دل کے ۳ خانے ہیں
پہلے خانے کے اندر ایک نور روشن ہے اور وہی جگہ اسلام کی ہے اور حروف کے معانی یہاں متشکل ہیں اور یہی انسان میں قوت ناطقہ (یعنی قوتِ گویائی) کامقام ہے ( یعنی ) نفس میں ابھرنے والے ارادہ کے معانی کا انتظام کرتی ہے اس جوف کی ایک نورانی آنکھ ہے جس سے وہ محسوسات کے اسرار اور مرکبات کے اطوار کو محسوس کرتا ہے اور حروف کے حقائق اور ان کے اندر اسماء کے اعلیٰ اسرارجو اللہ تعالیٰ نے پوشیدہ رکھے ہیں ان کو دیکھتا ہے اور اسی وجہ سے اس کو اللہ کے نیک بندوں سے مُؤَدّت ہو تی ہے کیونکہ اللہ تعالیٰ نے اس پر بڑا انعام کیا ہے کہ اسرار محسوسات اس پر منکشف کر دیئے ہیں ۔(نفسِ ناطقۂِ انسانی اس دنیا میں مسافر ہے اور بدن انسانی میں اپنی مرضی سے نہیں بلکہ
اللہ تعالیٰ کے حکم سے مقید کیا گیا ہے لیکن وہ اپنے اصلی وطن کو فراموش نہیں کرتا ہے)
دوسرا خانہ قلب کے درمیان میں ہے جو ایک روشن نو ر، فکر و ذکر کا مقام ہے اور یہی اطمینان اور روح کے خیالات کا مقام اور عشق کی جگہ ہے اسکی بھی ایک نورانی آنکھ ہے جس سے وہ طلب و تلاش کا ادراک کرتاہے اور کسی شے کی جستجو اور تلاش میں کوشش کرتا ہے لطافت کے سبب اس حصہ کا تعلق اشخاص سے بہت جلد ہوتا ہے اسی حصہ پر عالمِ ملکوت اور اسکے متعلق عجائباتِ مخلوقاتِ الھٰی کا ظہور ہوتا ہے ۔
تیسراخانہ قلب کے آخر میں ہے اور یہ حصہ سارے قلب سے زیادہ نرم اور لطیف ہے اسکا نام فُؤَاد ہے ایمان، عقل نور ،تصرف اور اسرار کی جگہ بھی اسی میں ہے اور یہی عقل کی میزان اور حکمتوں کا منبع اور حیاتِ طبعیہ جو حرارتِ لطیفہ سے پیدا ہوتی ہے کی محبت کا مقام ہے اس فُؤَاد کی بھی ایک نورانی آنکھ ہوتی ہے جس سے یہ عالمِ ملکوت کے حقائق اور عالمِ علوی کے کُلّی اور جزوی اسرار و رموز اور حقائق کا ادراک کر تا ہے اور یہی فُؤَاد، انوارِ وھبی اور اسرارعلوی کا محل ہے اور اسی چشمِ بصیرت کی شان میں اللہ کریم فرماتے ہیں۔فَاِنَّھَا لَا تَعْمَی الْاَبْصَارُ وَلٰکِنْ تَعْمَی الْقُلُوْبُ الَّتِی فِی الصُّدُورِ(الحج۔۴۶) یعنی بیشک آنکھیں اندھی نہیں ہوتیں بلکہ دل اندھے ہوتے ہیں جو سینوں کے اندر ہیں۔ ؎
دلِ بینا بھی کر خدا سے طلب
آنکھ کا نور دل کا نور نہیں اقباؔل
متذکرہ اسرار و محسوسات یہ سب دل کی آنکھیں دیکھتی ہیں۔ قوتِ حیات کا مرکز اسی قلب میں ہے پھر یہ پھیل کر دماغ اور جگر میں مختلف ارواح بنا تا ہے اس میں روح حیوانی جو کہ آثارِ روحِ انسانی کے قلب پر تصرف کے نتیجے میں پیدا ہوتی ہے اور پھر اس کے قلب میں صدور سے روح مؤثر بن جاتی ہے یہی نفسِ ناطقہ (یعنی گویائی)ہے اور ’’ وائٹل فورس‘‘Vital Force یہیں ہے پھر عروق و شرائن کے ذریعے اعصاب و عضلات و غدود کی تعمیر کرتی ہے اور روحِ حیوانی ، روحِ نفسانی اور روحِ طبعی بناتی ہے ہر روح کے الگ الگ اثرات اور امراض ہیں ۔بات کافی آگے بڑھ گئی ہے اتنے پر ہی اکتفا کرتے ہیں۔
