جو مدیران میری جعلی آئی ڈی سے پریشان ہیں آپ ان کا یہاں نام لکھ دیں تاکہ میں ان سے خود رابطہ کر لوں 
خدا آپ کو جزائے خیر دے. آپ نے جس محنت سے یہ میٹیریل جمع کیا ہے وہ آپ کو خدا سے اور خدا کو آپ سے راضی کرنے کے لئے کافی ہے. بندوں کی فکر ویسے بھی نہیں کرنی چاہیے.فاخر بھائی میں انتظامیہ کا حصہ نہیں ہوں
آپ کی بات سو فیصد درست ہے کہ بھڑکانے والے مراسلوں کی یہاں کوئی جگہ نہیں ہونی چاہئے کیونکہ انسانی جان کا معاملہ ہے۔ لیکن میں حذف اس لئے نہیں کروانا چاہتی ہوں کہ دیکھوں کہ آیا کوئی ڈھنگ کے اعتراضات ہیں بھی پولیو ویکسین پر یا نہیں۔ یا پھر بغیر ثبوتوں کے دعوے کر کے صرف قارئین کو کنفیوز کرنا مقصد ہے۔ اگر کوئی واقعی اعتراضات ہیں تو میں جواب دے سکتی ہوں۔ بشرطیکہ متعلقہ موضوع پر بات کی جائے۔
میں یہ بھی چاہتی ہوں کہ اس بار سب کچھ ہر کسی کے سامنے رہے۔ کچھ بھی حذف نہ ہو کیونکہ جب حذف ہو جاتا ہے تو کسی کو معلوم ہی نہیں ہو پاتا ہے کہ ہوا کیا تھا۔
آپ کو پہنچنے والی تکلیف پر میں بہت شرمندہ ہوں اور آپ سے معذرت چاہتی ہوں۔ یہ لڑی تکلیف کا باعث بن گئی ہے اور آپ کے بارے میں مجھے معلوم ہے آپ محفل پر ریلیکسیشن کی وجہ سے آتے ہیں۔ لیکن آپ مطمئن رہیں۔ ہر بات کا جواب ہے بشرطیکہ موضوع پر سے توجہ ہٹانے کے لئے غیر متعلقہ باتیں کرنا بند کی جائیں۔
یہ بات بہت قابل غور ہے کہ کسی دوسری ویکسین کے بارے میں مذہبی (یا کسی اور طرح کا )اعتراض سامنے نہیں آیا ۔ کیا اس کا سبب -سی آئی اے- کا وہی اعتراف (جو گویا ایک اقبال جرم ہے ) تو نہیں جس میں کہا گیا کہ اب سی آئی اے جاسوسی کے لیے ویکسین کی مہمات کا سہارا نہیں لے گی ۔ اور کیا سی آئی اے کا یہ دعوی قابل اعتبار ہے ۔
1۔ حضرت پھر یہ معمہ بھی حل کردیجیے کہ آپ نے یہ اعتراض پہلے کیوں نہیں اٹھایا؟
عین ممکن ہے کہ یہ بات درست ہو لیکن یہ بھی تو دیکھیے کہ 2011 میں تو یہ بات پبلک ہوئی نا بلکہ خود ان کا بیان توبہ سامنے آیا ۔کیا خبر کب سے یہ معاملہ چل رہا ہو اور اندرونی خلفشار بھی ساتھ ساتھ پک رہا ہو ۔
بر سبیل تذکرہ میری بچیوں کو یہاں ریاض ائیر پورٹ پر (شاید ایک سے زیادہ مرتبہ) پلائے گئے ہیں ۔ بلکہ ایک دفعہ تو یاد پڑ تا ہے کہ مجھے خود بھی پینے پڑے۔
آدمیت ، احترام ِآدمی
آپ کی اتنی طویل تقریر کا جواب پہلے ہی دیا جا چکا ہے۔ غور سے پڑھنے کی عادت ڈال لیں اور جواب مل جانے کے بعد سوال دہرا دہرا کر وقت ضائع کرنے کی روش ترک کر دیں۔
زندگی بچانے والی دوا کے استعمال کے معاملے میں کسی عالم کی طرف سے حلال و حرام کے فتویٰ کا انتظار کرنے والے لوگ واقعی دنیا میں وجود رکھتے ہیں، لیکن میں ان میں سے نہیں ہوں۔ اگر کوئی عالم دین، بیماری کا علاج کرنے کو ایک اچھا عمل قرار دیتا ہے تو اچھی بات ہے، لیکن مجھے اس سے فرق نہیں پڑے گا کیونکہ میرے نزدیک بیماری کا علاج پھر بھی ایک اچھا عمل ہی ہے جس کے لیے مجھے فتویٰ پر انحصار کرنے کی ضرورت نہیں۔ ہاں اگر کوئی بیماری کے علاج کو برا عمل قرار دیتا ہے تو وہ چاہے دین کا لبادہ اوڑھ کر بھی کرے، اس کا یہ کہنا میرے نزدیک ایک قبیح عمل ہے اور اس کا سدباب کرنا اس لیے ضروری ہے کہ لوگ اس کی باتوں میں آ کر اپنی جانوں کو نقصان پہنچا سکتے ہیں۔
مجھے بھی یاد ہے کہ پولیو ویکسین کے ذریعے "امت کی نسل کشی کرنے" کے متعلق افواہیں اس آپریشن سے بہت پہلے کی باتیں ہیں۔ اس کا تعلق مجھے ایک بہت پرانے رویے کے ساتھ نظر آتا ہے کہ جس کے تحت ہمارے ہاں ہر نئی چیز جسے لوگ سمجھ نہ سکتے ہوں، ان کی تولیدی صلاحیتوں پر حملے کی سازش قرار پا جاتی ہے۔
آمین۔
غالباً پاکستانی مسلمانوں کو یہ معلوم ہو چکا ہے کہ ہم میں اب محض یہی واحد صلاحیت بچی ہے جس سے 'مسلمانوں' کی تعداد میں اضافہ کیا جا سکتا ہے۔
نہ صرف یہ کہ ویکسین کو غیرمسلموں کی سازش قرار دینا نئی بات نہیں بلکہ یہ پاکستان اور سی آئی اے کے بن لادن آپریشن تک بھی محدود نہیں بلکہ کافی پرانی روایت ہے۔