شکریہ جناب۔
ایک تصحیح کرتا چلوں کہ ایک دہائی قبل سے مراد سنہ 2006 کی ایکٹوٹی نہ لی جائے۔ بلکہ کہنا یہ مقصود تھا کہ زیادہ تر اردو فورمز کی شروعات لگ بھگ ایک دہائی قبل ہوئی تھی اور ان کے ابتدائی چند سالوں میں بے تحاشا فعالیت دیکھی گئی۔ یوں سمجھ لیں کہ 2007 سے 2010 تک کا عرصہ فعالیت کے لحاظ سے کافی نمایاں رہا۔
محض اپنا مشاہدہ بیان کر رہا ہوں۔
اردو ویب (اور اردو محفل) نیٹ پر یونیکوڈ اردو کی اولین کاوشوں میں سے ہے۔اگرچہ اپنے آغاز ہی سے یہ مقبول رہی ہے تاہم اس وقت بھی اس کی فعالیت آج کل کے مقابلے میں کوئی ایسی غیر معمولی نا تھی۔ بہرحال منتظم ہی اعدادو شمار واضح کر سکتے ہیں۔
سال ۲۰۱۰ میں جب میں اردو بلاگنگ میں کافی فعال تھا تو مجھے یاد ہے کہ اردو بلاگستان کو ایک اہم مسئلہ جو درپیش تھا وہ یہ کہ نیٹ پر یونیکوڈ اردو لکھنے والے افراد کی تعداد بہت کم ہے۔ اردو بلاگنگ تو ویسے ہی سو پچاس افراد کے گرد گھومتی تھی تاہم اس سے باہر بھی یونیکورڈ اردو لکھنے والوں کا انتہائی فقدان تھا۔ گوگل پر اردو کا کوئی لفظ لکھ کر سرچ کی جاتی تو وہی چند ماخذ مثلا بی بی سی اردو، اردو پوائنٹ ، اردو بلاگنگ اور محفل سمیت چند دوسری فورمز بار بار سامنے آتے جو اس بات کا واضح ثبوت تھا کہ کتنے لوگ نیٹ پر یونیکوڈ اردو ٹائپ کر رہے ہیں۔ پاکستان میں اردو کے کئی معاصر روزنامے تک اپنی ویب سائٹس "تصویری اردو" میں شائع کرتے تھے۔ "رومن اردو" کی اگرچہ بھر مار تھی۔ اس زمانے میں اردو بلاگنگ کے سرکردہ اراکین کے طرف سے لوگوں کو اپنے کمپیوٹر پر یونیکوڈ فعال کرنا سکھانے کے لیے کوششیں کی گئی۔ حتی کہ ایک اجلاس میں مفت سی ڈی تقسیم کی گئی کہ لوگوں میں یہ معلومات عام کی جائے کہ نیٹ اور کمپیوٹر پر یونیکوڈ اردو کیسے ٹائپ کی جائے۔
اس زمانے میں ان سب کاوشوں کا کوئی ایسا غیر معمولی نتیجہ نہیں نکلا۔ جتنے پاکستانی نیٹ پر فعال ہیں ، اردو لکھنے والے اس کا عشر عشیر بھی نہیں۔
واضح رہے یہ تمام گفتگو یونیکوڈ اردو کے تناظر میں ہے۔
انگریزی سوشل نیٹ ورکنگ جو نوے کی دہائی سے جاری ہے وہ ایک مختلف دنیا ہے جس کے محرکات بھی بہت مختلف ہیں۔
آپ کے تذکرہ کردہ فورم کا ربط کیا ہے ؟
