ہجائی ترتیب کے مطابق بیت بازی (صرف مرزا اسد اللہ خان غالب کے اشعار)

[سید شہزاد ناصر]

میں انتظار میں ہوں آپ میم سے شعر دیں تو میں اگلا شعر بولوں

 

[سید شہزاد ناصر]

نقش فریادی ہے کس کی شوخیِ تحریر کا
کاغذی ہے پیرہن ہر پیکر تصویر کا

 

[مہ جبین]

میں انتظار میں ہوں آپ میم سے شعر دیں تو میں اگلا شعر بولوں

تدوین کردی

 

[مہ جبین]

واحسرتا کہ یار نے کھینچا ستم سے ہاتھ
ہم کو حریصِ لذتِ آزار دیکھ کر

 

[محمد اسامہ سَرسَری]

میں نے چاہا تھا کہ اندوہِ وفا سے چھوٹوں
وہ ستمگر مرے مرنے پہ بھی راضی نہ ہوا

 

[سید شہزاد ناصر]

یک ذرۂ زمیں نہیں بے کار باغ کا
یاں جادہ بھی فتیلہ ہے لالے کے داغ کا

 

[سید شہزاد ناصر]

میں نے چاہا تھا کہ اندوہِ وفا سے چھوٹوں
وہ ستمگر مرے مرنے پہ بھی راضی نہ ہوا

استاد جی لیٹ ہو گئے

 

[محمد اسامہ سَرسَری]

اُگا ہے گھر میں ہر سُو سبزہ ، ویرانی تماشا کر
مدار اب کھودنے پر گھاس کے ہے ، میرے درباں کا

 

[شمشاد]

باغ میں مجھ کو نہ لے جا ورنہ میرے حال پر
ہر گلِ تر ایک "چشمِ خوں فشاں" ہوجائے گا

 

[مہ جبین]

پاتے نہیں جب راہ تو چڑھ جاتے ہیں نالے
رکتی ہے مِری طبع تو ہوتی ہے رواں اور

 

[شمشاد]

تنگئ دل کا گلہ کیا؟ یہ وہ کافر دل ہے
کہ اگر تنگ نہ ہوتا تو پریشاں ہوتا

 

[الف عین]

ٹ سے غالب نے کوئی اور شعر کہا بھی ہے، اس شعر کے علاوہ جسے بھائی شمشاد نے ڈھونڈھ نکالا ہے۔

 

[محمد علم اللہ]

پریشان کیوں ہوتے ہو، یہ لو دیوانِ غالب۔

ہاہہاہاہاہہہاہہ
آپ بھی نا اسامہ بھائی

 

[محمد اسامہ سَرسَری]

ٹ سے غالب نے کوئی اور شعر کہا بھی ہے، اس شعر کے علاوہ جسے بھائی شمشاد نے ڈھونڈھ نکالا ہے۔

پورا شعر تو اس کے علاوہ ٹ سے کوئی اور نہیں مل رہا۔
البتہ ایک مصرع سے گزارہ کیا جاسکتا ہے:

ٹوٹے پڑے ہیں حلقۂ دامِ ہوائے گُل

 

[مہ جبین]

ثابت ہوا ہے گردنِ مینا پہ خونِ خلق
لرزے ہے موجِ مے تِری رفتار دیکھ کر

ٹ سے کوئی شعر نہیں ہے اس لئے میں نے ث سے شعر دے دیا

 

[بھلکڑ]

جب بہ تقریبِ سفر یار نے محمل باندھا
تپشِ شوق نے ہر ذرّے پہ اک دل باندھا

 

[شمشاد]

چھوڑا نہ مجھ میں ضعف نے رنگ اختلاط کا
ہے دل پہ بار، نقشِ محبّت ہی کیوں نہ ہو

 

[محمد اسامہ سَرسَری]

حیرت فروش صد نگرانی ہے اضطرار
ہر رشتہ تارِ جیب کا تارِ نظر ہے آج

 

[شمشاد]

خدا شرمائے ہاتھوں کو کہ رکھتے ہیں کشاکش میں
کبھی میرے گریباں کو کبھی جاناں کے دامن کو

 

[محمد اسامہ سَرسَری]

دائم پڑا ہوا ترے در پر نہیں ہوں میں
خاک ایسی زندگی پہ کہ پتھر نہیں ہوں میں