"یاد" کے موضوع پر اشعار!

[شمشاد]

جل کے بجھ جانا تھا دیپک کو تو ہولے سے مگر
یہ پگھلتا ہی گیا جتنا تجھے یاد کیا
(فاخرہ بتول)

 

[عمر سیف]

گھیر لیتے ہیں مجھے رستے تیری یادوں کے
جب بھی کرتا ہوں ترے بعد سفر شام کے بعد

 

[شمشاد]

شام کو صبح چمن یاد آئی
کس کی خوشبو بدن یاد آئی
(احمد ندیم قاسمی)

 

[عمر سیف]

چہرہ تھا یا صدا تھی کسی بھولی یاد کی
آنکھیں تھی اس کی یارو کہ دریائےِ نور تھا

 

[شمشاد]

نیند کے ساتھ وہ اک خواب گیا ، جاتے ہوئے
ہاتھ ملتا ہی گیا جتنا تجھے یاد کیا
(فاخرہ بتول)

 

[ظفری]

سجالیتے ہیں یادوں کے کئی چہرے ، کئی پیکر
مگر کچھ سوچ کر ہم نے یہ گھر ویران رکھا ہے
ہمیں شوقِ اذیت ہے وگرنہ اس زمانے میں
تیری یادیں بھلانے کو بہت سامان رکھا ہے​

 

[شمشاد]

جب خیالوں میں کوئی موڑ آیا
تیرے گیسو کی شکن یاد آئی
(احمد ندیم قاسمی)

 

[عمر سیف]

رشتوں کی دھوپ چھاؤں سے آزاد ہو گئے
اب تو ہمیں بھی سارے سبق یاد ہو گئے
آبادیوں میں ہوتے ہیں برباد کتنے لوگ
ہم دیکھنے گئے تھے تو برباد ہو گئے

 

[شمشاد]

نیند کے ساتھ وہ اک خواب گیا ، جاتے ہوئے
ہاتھ ملتا ہی گیا جتنا تجھے یاد کیا
(فاخرہ بتول)

 

[عمر سیف]

جب تجھے یاد کر لیا، صبح مہک مہک اُٹھی
جب تیرا غم جگا لیا، رات مچل مچل گئی

 

[شمشاد]

جانے اک جرم ہے یادِ بہاراں
وہ لافانی خزاں ہے اور میں ہوں
(جوش ملیح آبادی)

 

[سارہ خان]

تیرے ہونے سے میرے دل میں ہے،یادوں کی چمک
چاند بجھ جائے، اگر سورج میں تابانی نہ ہو

 

[محمد وارث]

یاد ہے سیرِ چراغاں ناصر
دل کے بجھنے کا سبب یاد نہیں

کاظمی

 

[شمشاد]

جب خیالوں میں کوئی موڑ آیا
تیرے گیسو کی شکن یاد آئی
(احمد ندیم قاسمی)

 

[سارہ خان]

کبھی کبھی یاد میں ابھرتے ہیں نقش ماضی مٹے مٹے سے
وہ آزمائش دل و نظر کی ، وہ قربتیں سی وہ فاصلے سے

فیض احمد فیض

 

[عمر سیف]

جب رات کی تنہائی دل بن کے دھڑکتی ہے
یادوں کے دریچوں میں چلمن سی سرکتی ہے

 

[شمشاد]

ہر جان نثار یاد دہانی میں منہمک
نیکی کا ہر حساب دلِ دوستاں میں ہے
(پروین شاکر)

 

[سارہ خان]

یاد

اس موسم ميں جتنے پھول کھليں گے
ان ميں تيري ياد کي خوشبو ہر سو روشن ہوگي
پتہ پتہ بھولے بسرے رنگوں کي تصوير بناتا گزرے گا
اک ياد جگاتا گزرے گا

اس موسم ميں جتنے تارے آسمان پہ ظاہر ہوں گے
ان ميں تيري ياد کا پيکر منظر عرياں ہوگا
تيري جھل مل ياد کا چہرا روپ دکھاتا گزرے گا

اس موسم ميں
دل دنيا ميں جو بھي آہٹ ہوگي
اس ميں تيري ياد کا سايا گيت کي صورت ڈھل جائے گا
شبنم سے آواز ملا کر کلياں اس کو دوہرائيں گي
تيري ياد کي سن گن لينے چاند ميرے گھر اترے گا

آنکھيں پھول بچھائيں گي
اپني ياد کي خوشبو کو دان کرو اور اپنے دل ميں آنے دو
يا ميري جھولي کو بھر دو يا مجھ کو مرجانے دو

(امجد اسلام امجد)

​

 

[شمشاد]

پلٹ کر پھر کبھی اُس نے پُکارا ہی نہیں ہے
وہ جس کی یاد سے دل کو کنارا ہی نہیں ہے
(نوشی گیلانی)

 

[سارہ خان]

تو جیسے میرے پاس ہے اور محوِ سخن ہے
محفل سی سجا دیتی ہے اکثر تیری یادیں