"یاد" کے موضوع پر اشعار!

[شمشاد]

شہر والوں کو کہاں یاد ہے وہ خواب فروش
پھرتا رہتا ہے جو گلیوں میں غبارے لے کر
(احمد فراز)

 

[شمشاد]

قریب تھا تو کسے فُرصت محبّت تھی
ہُوا ہے دُور تو اُس کی وفائیں یاد آئیں
(نوشی گیلانی)

 

[عمر سیف]

ارے تم خود کو سمجھتے کیا ہو؟
یاد اس کا یہی اک جواب ہے۔

 

[شمشاد]

قریب تھا تو کسے فُرصت محبّت تھی
ہُوا ہے دُور تو اُس کی وفائیں یاد آئیں
(نوشی گیلانی)

 

[عمر سیف]

شہرِ انجان میں جانا ہے اگر، یاد رہے
کو بھی اُس سمت کو جائے گا، ٹھہر جائے گا

 

[شمشاد]

یادوں کی بوچھاڑوں سے جب پلکیں بھیگنے لگتی ہیں
سُوندھی سُوندھی لگتی ہے تب ماضی کی رُسوائی بھی
(گلزار)

 

[عمر سیف]

شمشاد دوسرے مصرعے میں ماض نہیں ‘ ماضی ‘ ہونا چاہئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترکِ الفت کی قسم بھی کوئی ہوتی ہے قسم
تو کبھی یاد تو کر بھولنے والے، مجھ کو

 

[شمشاد]

تجھے یاد کیا نہیں ہے مرے دل کا وہ زمانہ
وہ ادب گہِ محبت، وہ نگہِ کا تازیانہ
(علامہ)

 

[عمر سیف]

اس دفعہ ساون میں تیری یاد کے بادل رہے
اس دفعہ میں خوب رویا بارشوں کے ساتھ ساتھ

 

[شمشاد]

خامشی سے دیر تک اس حسن کا تکنا مجھے
دیر تک اس یاد نے رنجور کر رکھا مجھے
(منیر نیازی)

 

[عمر سیف]

ساغر کسی کی یاد میں جب اشک بار تھے
کتنے حسین دن تھے جہانِ خراب میں

 

[شمشاد]

تِرا ہونا ضروری تھا نہ ہونا بھی ضروری تھا
کسی بھی یاد کا ہستی میں ہونا بھی ضروری تھا
(منیر نیازی)

 

[عمر سیف]

یاد کرنے کی خطا کرتے ہیں
ہم کہاں جور و جفا کرتے ہیں

 

[شمشاد]

فلک کو دیکھ کے کرتا ہے تجھ کو یاد اسد
اگر چہ گم شدہ ہے کاروبار دنیا کا
(غالب)

 

[عمر سیف]

رہے گی یاد ہمیں اس کی خوش مزاقی بھی
ملا ہے جب بھی وہ خوش فہمیوں میں ڈال گیا

 

[شمشاد]

کوئی یاد اس میں ہو اس طرح
کوئی رنج جیسے خمار میں
(منیر نیازی)

 

[محمد وارث]

عارضِ گُل دیکھ ، رُوئے یار یاد آیا ، اسد
جوششِ فصلِ بہاری اشتیاق انگیز ہے

 

[شمشاد]

آپ کی یاد آتی رہی رات بھر
چشمِ نم مسکراتی رہی رات بھر
(مخدوم محی الدین)

 

[عمر سیف]

ہے یاد تم نے تو اس کو اپنا کہا تھا ایک دن؟
سُنو، یقیناَ کہا تھا اپنا، مگر نہیں تھا

 

[شمشاد]

آپ کی یاد آتی رہی رات بھر
چشمِ نم مسکراتی رہی رات بھر
(مخدوم محی الدین)