"یاد" کے موضوع پر اشعار!

[عمر سیف]

گزرے ہیں وہ لمحے کے سدا یاد رہیں گے
دیکھا ہے وہ عالم کہ فراموش نہ ہوگا

 

[ظفری]

آہ ! وہ خاطرِ نازک نہ ہو مغموم کہیں
ہچکیاں کہتیں ہیں آج اس نے مجھے یاد کیا

 

[شمشاد]

جوشِ یادِ نغمۂ دمسازِ مطرب سے اسد
ناخنِ غم بر سرِ تارِ نفس مضراب تھا
(غالب)

 

[عمر سیف]

صبر کیوں دلاتے ہو ضبط کیوں سکھاتے ہو
مجھ کو کتنی صدیوں سے یہ سبق ازبر یاد ہیں

 

[شمشاد]

بنسری کی سریلی سہانی صدا
یاد بن بن کے آتی رہی رات بھر
(مخدوم محی الدین)

 

[عمر سیف]

جہاں وہ اتنا بھولا تھا وہاں کچھ یاد بھی رکھتا
فقط اتنا تو کہہ دیتا کہ اُس نے مجھ کو چاہا تھا

 

[شمشاد]

ہزاروں میلوں پہ رہ گئے ہیں وہ شہر سارے
وہ جن کی یادوں کی دل کے اندر جلن ہے اتنی
(منیر نیازی)

 

[عمر سیف]

روٹھا تھا جس غرور سے وہ بھی تو یاد کر
آنکھوں میں تیری آج یہ آنسو فضول ہیں

 

[شمشاد]

باغ کی سیر کو جاتے تو ہو پر یاد رہے
سبزہ بیگانہ ہے دو چار نہ ہونے پائے
(شبلی)

 

[عمر سیف]

جسے بھلا نہ سکا اس کو یاد کیا رکھتا
جو نام لب پہ رہا، ذہن سے اُتر بھی گیا

 

[شمشاد]

جہاں اک جرم ہے یادَ بہاراں
وہ لافانی خزاں ہے اور میں ہوں
(جوش)

 

[عمر سیف]

چاندنی راتوں میں معلوم نہیں مجھ کو عدم
بھولے بسرے ہوئے غم کس لیے یاد آتے ہیں

 

[شمشاد]

گاہ بہ خلد امیدوار، گہ بہ جحیم بیم ناک
گر چہ خدا کی یاد ہے کلفتِ ماسوا سمجھ
(غالب)

 

[محمد وارث]

دل میں ذوقِ وصل و یادِ یار تک باقی نہیں
آگ اس گھر میں لگی ایسی کہ جو تھا جل گیا

غالب

 

[شمشاد]

مرتا ہوں میں اس دکھ سے، یاد آتی ہیں وہ باتیں
کیا دن وہ مبارک تھے، کیا خوب تھیں وہ راتیں
(محمد رفیع سودا)

 

[عمر سیف]

تو نے وش کارڈ بھیج کر
یاد کتنے دلا دیئے موسم
فرق باقی نہیں رکھا تو نے
موسموں میں ملا دیئے موسم

 

[شمشاد]

بنسری کی سریلی سہانی صدا
یاد بن بن کے آتی رہی رات بھر
(مخدوم محی الدین)

 

[عمر سیف]

کسی کے عہدِ محبت کی یاد باقی ہے
بڑے حسیں سہاروں سے کھیل سکتا ہوں

 

[محمد وارث]

اب کر کے فراموش تو ناشاد کروگے
پر ہم جو نہ ہونگے تو بہت یاد کروگے

میر

 

[عمر سیف]

تیری یادیں دل سے رخصت ہو گئیں
ہو چکا یہ سانحہ کہنا اُسے