"یاد" کے موضوع پر اشعار!

[عمر سیف]

پلکوں پہ تیرے خواب سجائے پھرتے ہیں
لفظوں سے تیرا نام چھپائے پھرتے ہیں
شاید تیری یاد کا باغی لمحہ بھی ہو
کان پہ رکھی قلم اٹھائے پھرتے ہیں

 

[شمشاد]

پھر کاگا بولا گھر کے سونے آنگن میں
پھر امرت رس کی بوند پڑی تم یاد آئے
(ناصر کاظمی)

 

[زینب]

آج دنیا نے ستم ڈھائے تو دل ٹوٹ گیا

تیری باتیں ترا ندازِ وفا یاد آیا

کاش ہم تم کو منا لیتے نہ جانے دیتے

مدتوں بعد یہ احساسِ خطا یاد آیا

 

[شمشاد]

یادوں کی جلتی شبنم سے
پھول سا مکھڑا دھویا ہوگا
(ناصر کاظمی)

 

[عمر سیف]

وہ زمانے کے عدیل ہم بھی تھے اسکی پہچان
وہ زمانے تو اسے یاد نہیں ہونے کے

 

[شمشاد]

اے مرد خدا! تجھ کو وہ قوت نہیں حاصل
جا بیٹھ کسی غار میں اللہ کو کر یاد
(علامہ)

 

[عمر سیف]

یاد کرتا ہوں سانس رکتی ہے
کس قدر مختصر کہانی ہے

 

[شمشاد]

آہ! اے مرد مسلماں تجھے کیا یاد نہیں
حرف 'لا تدع مع اللہ الھاً آخر'
(علامہ)

 

[تیشہ]

ہر یاد ہر خیال ہے لفظوں کا سلسلہ
یہ محفل نوا ہے یہاں بولتے رہو
قدموں پہ بار ہوتے ہیں سنسان راستے
لمبا سفر ہے ہمسفراں بولتے رہو

ہے زندگی بھی ٹوٹا ہوا آئینہ تو کیا
تم بھی بطرز شیشہ گراں بولتے رہو ، ۔ ۔

 

[شمشاد]

خدا جانے کیا یاد آیا مجھے
یوں ہی ذکر کچھ آپ کا ہو گیا
(سرور)

 

[تیشہ]

 

[شمشاد]

یعنی کہ آپ نے یہاں بھی روند ہی مارنا ہے۔

 

[تیشہ]

روند نہیں مار رہی مجھ سے ہنسی کنٹرول نہ ہوسکی تو ہنس لیا
اک سیکنڈ کی دیر نہیں لگتی شعر لکھتے جاؤ اور اک آپ اور دوسرا ضبط جھٹ پٹ آکر نیچے لکھنے میں ذرا بھر کی تاخیر نہیں کرتے

میں جب محبت کا لکھ رہی تھی تو ہی مجھے سوچکر ہنسی آگئی کہ بس اب آیا ہی آیا آپکا شعر ۔ ۔ اور میں نے پلٹ کر دیکھا تو تھا ۔ ۔ ۔

 

[شمشاد]

یہ لیں پھر اسی خوشی میں ایک اور شعر ' یاد ' پر :

اپنے کُوچے میں نکلیو تُو سنبھالے دامن
یادگارِ مثرۂ میر ہیں واں خار کئی
(میر)

 

[عمر سیف]

میں وہ دماغ ہوں کہ جسے یاد کچھ نہیں
تو وہ خیال ہے کہ بھلایا نہ جائے گا

 

[شمشاد]

پرانی یادوں کو ڈھونڈتا ہوں، میں ریگ زارِ جنوں میں سرور
یہیں کہیں میرا قصرِ دل تھا، جہاں کوئی اب نشاں نہیں ہے
(سرور)

 

[عمر سیف]

یاد میری بھی پڑی رہتی ہے تکئیے کے تلے
آخری خط کی طرح روز جلاتی ہوں اسے

 

[شمشاد]

وہ شب و روز کہ جب کام کسی یاد سے تھا
نذر سب آج ترے اے غمِ ایام ہوئے
(سرور)

 

[عمر سیف]

میرے لڑکپن کی یادوں کی چوکھٹ پر کوئی لڑکی
اب تک بیٹھی ہے آنچل میں جُگنو اور گُلاب بھرے

 

[شمشاد]

تم سے ملنے کا مزا اپنی جگہ پر خوب تھا
بات ہی کچھ اور ہے لیکن تمہاری یاد کی
(سرور)