ورلڈ کپ کا سفرتمام کرکے جانے کب ہماری ٹیم وطنِ عزیز قدم رنجہ فرمائے گی۔میں ایک بار پھر یہی کہوں گا کہ یہ سب لوگ پاکستان کے سفیر ہیں ۔ہار جیت تو کھیل کا حصہ ہے ۔ ایک زمانہ تھاکہ ویسٹ انڈیزکو کرکٹ کا ان داتا خیال کیا جاتا تھا اور ابھی کچھ ہی دن کی بات ہے یہ خطاب آسٹریلیا پر جچ رہا تھا ۔ اِس سے پہلے انگلینڈ اور ایک زمانے میں سری لنکا یہ سب اپنے اپنے وقت میں کرکٹ کے ان داتا اور مائی باپ اور آل ان آل ہی تو تھے مگر گز رتا ہوا وقت اور بدلتی ہوئی رُتیں ٹھہرجائیں تو ایسا ممکن نہیں ۔ بات لمبی ہوجائے گی میں یہ کہہ رہا تھا کہ پاکستان ٹیم کا ایک ایک رُکن پاکستان کا سفیر ہے ، پاکستان کی آن ،بان ، شان اور وقار ہے ۔تم جیتویاہارو ہمیں تم سے پیار ہے ۔۔۔۔۔۔۔۔۔۔
پاسِ ادب میں جوشِ تمنا لیے ہوئے
۔۔۔۔۔۔۔۔۔۔۔۔۔۔میں بھی ہوں اِک حباب میں دریا لیے ہوئے
