‘زلف‘

[عمر سیف]

کھل رہی ہے رفتہ رفتہ زلف شام یاد پھر
ڈوبتا ہے اس اندھیرے میں دل برباد پھر
اپنے اپنے انتخاب آرزو کی بات ہے
شاد ہوتا ہے کوئی دل اور کوئی ناشاد پھر

 

[راجہ صاحب]

ہم ہوئے تم ہوئے کہ میر ہوئے
ان کی زلفوں کے سب اسیر ہوئے

 

[عمر سیف]

تيرا مکھڑا سلونا کيا کروں ميں
يہ مٹی کا کھلونا کيا کروں ميں
ميرے بالوں ميں چاندی آ گئی ہے
تيری زلفوں کا سونا کيا کروں ميں

 

[راجہ صاحب]

آہ کو چاہیے اک عمر اثر ہونے تک
کون جیتا ہے تیری زلف کے سر ہونے تک

 

[عمر سیف]

جب سمندر میں ہوا تیز ہوئی
شورشِ سیلِ بلا تیز ہوئی
رات آئی تو کھلا اس کا ہنر
نکہتِ زلفِ دوتا تیز ہوئی

 

[راجہ صاحب]

الُجھا ہے پاؤں یار کا زلفِ دراز میں
لو آپ اپنے دام میں صیاد آگیا

 

[عمر سیف]

جو دیکھتے تری زنجیرِ زُلف کا عالم
اسیر ہونے کی آزاد، آرزو کرتے

 

[راجہ صاحب]

کیا کیا اُلجھتا ہے تری زلفوں کے تار سے
بخیہ طلب ہے سینہء صد چاک شانہ کیا؟
حیدر علی آتش

 

[عمر سیف]

آہ چاندنی بھی میری طرح جاگ رہی ہے
پلکوں پہ ستاروں کو لیئے رات کھڑی ہے
غزلوں نے وہیں زلفوں کے پھیلا دیئے سائے
جن راہوں پہ دیکھا ہے بہت دھوپ کڑی ہے

 

[راجہ صاحب]

رخسارِ یار کی جو ہوئی جلوہ گستری
زلفِ سیاہ بھی شبِ مہتاب ہوگئی
غالب

 

[عمر سیف]

یہ صبح کا منظر بھی قیامت کا حسیں ہے
ہے زلف کہیں، تکیہ کہیں، خود وہ کہیں ہے

 

[معاویہ وقاص]

معاویہ وقاص صاحب اردو محفل میں خوش آمدید۔ اپنا تعارف تو دیں۔

شکریہ سر!! اس کے لئے مجھے آپ کی مدد درکار ہے، مجھے سمجھ نہیں آرہا کچھ بھی

 

[شمشاد]

تعارف والے زمرے میں جائیں اور اپنا تعارف دے دیں۔

 

[معاویہ وقاص]

تعارف والے زمرے میں جائیں اور اپنا تعارف دے دیں۔

اکاؤنٹ سیٹ اپ 80% مکمل

ہمارا مشورہ ہے کہ یہاں گزارے گئے وقت کا پورا لطف لینے کے لئے مندرجہ ذیل کی تکمیل کریں۔:

• فورم میں اپنا تعارف پیش کریں
  
  سر اس زمرے میں تو پہنچ گیا اب کہاں کلک کرو ؟
  
  آیا نیا دھاگہ بنانہ پڑے گا یا پھر ؟؟ اگر پرایئوٹ چیٹ کرنا یہاں ممکن ہو ، آپشن ہو ، تو پلیز وہاں آکر کسی طرح ان ابتدائی مشکلات سے میری گلو خلاصی کروادیں

 

[معاویہ وقاص]

ہر بات زلف یار کی مانند ہے دراز
جو بات چھیڑتے ہیں ، وہ ہے ، داستاں کی بات
شاعر : عبدلحمید عدم

 

[معاویہ وقاص]

کسی کی زلف سے وابستگی نہی اچھی
یہ سلسلے دل ِ ناداں دراز ہوتے ہیں
شاعر : عبدلحمید عدم

 

[معاویہ وقاص]

پونچھ کتے کی جو ٹیڑھی ہو تو کچھ بھی نہیں
اور تیری زلف میں خم ہو تو غزل ہوتی ہے
ظفراقبال

 

[بابا جی]

اس زلف کو پھبتی کہ شبِ دیجور کی سوجھی
اندھے کو اندھیرے میں بڑی دور کی سوجھی

اعلی

 

[shahzadamir291]

وااہ

 

[فہد اشرف]

نشے میں سنبھلنے کا فن یونہی نہیں آیا
ان زلفوں سے سیکھا ہے لہرا کے سنور جانا
بشیر بدر