”فعولن فعولن فعولن فعولن“ کا کھیل

[ابن رضا]

هے لگتا یه ساقی که پھر ڈسپریں کی
ضرورت هے شدت سے تجھ کو ابھی پھر

 

[ساقی۔]

دوائیں مجھے تو نہ اتنی کھلاو
کہ پہلے ہی معدہ مرا جل گیا ہے
ابھی ہی تو آیا ہوں واپس مطب سے
معالج نے کافی ہی بل لے لیا ہے

 

[ساقی۔]

کہاں سو گئے ہو ادھر بھی تو آو
اگر غلط لکھوں مجھے تم بتاو

 

[محمد اسامہ سَرسَری]

غلط غلط کہنا غلط ہے اے بھائی

 

[سید عاطف علی]

غلط غلط کہنا غلط ہے اے بھائی

غلط کو غلط ہی کہا جائے گا ہاں
درست اس کو لکھنا تو ممکن نہیں ہے
برتنے میں لیکن اسے چاہیے ٹھیک
کہ شعرو سخن کا تقاضا یہی ہے

 

[محمد امجد نذیر الہ آبادی]

سبھی تم کرو ہو فعولن میں باتیں
سکھادو ہمیں بھی فعولن میں باتیں

 

[الف عین]

چلو کام امجد نے اچھا کیا ہے
کہ مردہ لڑی میں بھی جاں ڈال دی ہے

 

[محمد اسامہ سَرسَری]

بہت خوب ، کیا بات ہے ، بھائی امجد!
لڑی ہے نکالی تو موتی بھی لاؤ

 

[ادب دوست]

مجھے شاعری سے نہیں ہے علاقہ
مگر آپ حضرات سے سیکھ کر کچھ
یہ خواہش ہوئی ہے مرے دل میں پیدا
کہ میں بھی کروں کچھ فعولن فعولن

 

[محمد امجد نذیر الہ آبادی]

لڑی میں فعولن کی ایسا سحر ہے
پکڑ کے جو مجھ کوبھی لایا ادھر ہے

 

[سید عاطف علی]

کیا "سحر" ایسا ہے امجد نے آکر
خجل صبح صادق ہوئی جس کو پڑھکر

 

[الف عین]

’سحَر‘ اور ’سحر‘ایسے الفاظ ہیں جو
کہ ساحرؔ کو کنفیوز کرتے تو ہوں گے
جو امجد بھی چکر میں آ کر پھنسے ہیں
ہم ان کو بھی ایکسکیوز کرتے تو ہوں گے

 

[ادب دوست]

پکڑ کر جو امجد کو لایا یہاں پر
وہی سحر ٹوٹا ہوا لگ رہا ہے
وگرنہ تو امجد کو میں جانتا ہوں
کہ غلطی عموماََ یہ کرتا نہیں ہے

 

[محمد امجد نذیر الہ آبادی]

یہ غلطی تو ہوتی ہے انساں کے ناطے
عروضی سبق میں ابھی مبتدی ہوں

 

[محمد علم اللہ]

فعولن کا دھاگہ شروع ہو گیا ہے

 

[ادب دوست]

مجھے رات کو نیند آتی نہیں ہے
سویرے میں تاخیر سے جاگتا ہوں
پریشانی میں پورا دن کاٹتا ہوں
سویرے اگرچہ نہیں کام کوئی
مگر پھر بھی عادت بری ہے یہ صاحب
مجھے آپ سے مشورہ چاہیے تھا
جو ہو شب کو سونا کروں کیا میں بھائی
بھلائی سے کیسے میں بدلوں برائی

 

[محمد خلیل الرحمٰن]

ادب دوست بھائی مرے شب گزیدہ
اگر رات کو نیند آتی نہیں ہے
بھلائی سے بدلو گے کیسے بُرائی
سمجھ میں اگر یہ سماتی نہیں ہے
مِرا مشورہ آپ کو بس یہی ہے
ہے سچ بات ، گرچہ لُبھاتی نہیں ہے
بس اُٹھ بیٹھو بیٹا بہت ہوچکی ہے
دیئے بجھ چکے ہیں کہ باتی نہیں ہے
سویرے کا اٹھنا ہے عادت کچھ ایسی
کہ بن جائے عادت تو جاتی نہیں ہے
کیے جاؤ کوشش ادب دوست بھائی
یہ کوشش یہ محنت ہراتی نہیں ہے

 

[نذر حسین ناز]

فعولن فعولن فعولن یہ کیا ہے
مری عقل سے کچھ پرے کی بلا ہے
مجھے بھی فعولن فعولن سکھائیں
عروضی قواعد مجھے بھی بتائیں

 

[سید عاطف علی]

فعولن کاجو بند تم نے لکھا ہے
عروضی توازن بھی اچھا رکھاہے
مزاجِ گرامی بھی موزوں کیا ہے
فعولن کی برکت ہےیہ اور کیا ہے
دعائیں ہماری ملیں سرسری کو
کہ منظوم جس نے لڑی کو کیا ہے

 

[متلاشی]

نہ دانم فعولن فعولن کیا ہے
خدا را کوئی تو مری ہیلپ کر دو