”فعولن فعولن فعولن فعولن“ کا کھیل

[ادب دوست]

فعولن فعولن کہاں رہ گیا ہے ؟

 

[فاروق احمد بھٹی]

فعولن فعولن کہاں رہ گیا ہے ؟

فعولن فعولن ادھر ہی ہے بھائی

 

[ادب دوست]

مگر کوئی کرتا نہیں ہے فعولن
نہیں ہے اسامہ کی بھی کوئی سن گن

 

[فاروق احمد بھٹی]

مگر کوئی کرتا نہیں ہے فعولن
نہیں ہے اسامہ کی بھی کوئی سن گن

یہی تو ہے گڑبڑ یہاں پر در آئی
کسی کو پکڑ کے بلاؤ تو بھائی

 

[ادب دوست]

ارے آپ ہیں اور ہم ہیں تو کیا غم
دکھوں پر رکھیں گے فعولن کے مرہم

 

[ادب دوست]

بتائیں ہمیں روز و شب کی کہانی
ہو اپنے ہی لہجے میں اپنی کہانی

 

[الف عین]

فعولن ہمیں یاد آتا نہیں ہے
یہ کھیل ایسا ہے، سب کو بھاتا نہیں ہے
تو جن کو بھی کچھ اس میں آتا مزا ہے
نہ آئیں تو ان کے لئے یہ سزا ہے
کہ جب بھی یہاں اس لڑی میں وہ آئیں
مکمل کوئی مثنوی ساتھ لائیں
۔۔مگر دیکھنا میں سزا سے بری ہوں

 

[فاروق احمد بھٹی]

بتائیں ہمیں روز و شب کی کہانی
ہو اپنے ہی لہجے میں اپنی کہانی

بڑی مختصر سی کہانی مری ہے
گناہوں سے پُر یہ جوانی مری ہے
کروں کیا مصیبت بہت ہی بڑی ہے
ہمیں ہر گھڑی اس جہاں کی پڑی ہے
ہو دولت بھی شہرت بھی عزت بھی حاصل
رہے عمر بھر ہم عبادت سے غافل
کوئی وید کوئی مسیحا تو ڈھونڈو
جو پھیرے مرا دل وظیفہ تو ڈھونڈو
جہاں بھر میں عبرت کے بے حد نشاں ہیں
جہاں پر بھی دیکھو وہیں پر عیاں ہیں
مگر دل یہ میرا سیاہ ہو چکا ہے
یہ نیکی سے عاری، تباہ ہو چکا ہے

 

[سید فصیح احمد]

مغز اس قدر اب کھپائیں ہی کیسے؟
نکلتی ہے جاں گھٹتا ہے دم مگر یہ
گرفتِ قلم میں نہیں آتا یارو
" فعولن فعولن فعولن فعولن "
( اساتذہ سے معزرت کے ساتھ کہ الف گرانے کے علاوہ کچھ سوجھا نہیں )

 

[سید عاطف علی]

مَغَز ،مَغز کو آپ نے کہہ دیا ہے
فعولن کا قطعہ مگرکہہ دیا ہے
الف کا گرانا تو ہے عام سی بات
کہ شعر و سخن میں ہے یہ عام سی بات

 

[محمد اسامہ سَرسَری]

چمکتی ہے یکدم ، دمکتی ہے یکدم
یہ کیسی لڑی ہے مہکتی ہے یکدم

 

[الف عین]

میں عرصے کے بعد اب یہاں آ سکا ہوں
کئی دن پڑے، ’کلک رنجا‘ ہوا ہوں
خوشی ہے کہ سب کو یہ بھاتی بہت ہے
لڑی ہے کہ سب کو بلاتی بہت ہے
اسی کی کشش سے کھنچے جاتے ہیں سب
فعولن فعولن رٹے جاتے ہیں سب

 

[محمد خلیل الرحمٰن]

بہت خوبصورت لڑی ہے یہ بے شک
اُسامہ کو، سب محفلیں کو مبارک
فعولن فعولن فعولن فعولن
یہیں محفلیں نے بنایا نشیمن
کشش ہےیہ اس خوبصورت لڑی کی
اچھوتی لڑی واقعی سرسری کی

 

[سید فصیح احمد]

(سید عاطف علی بھائی)
خطا ہوئی ہم سے کہ مشقی ہے بندہ
رکھوں گا میں اس کو ذہن میں ہمیشہ
گزارش مگر ہے کہ یوں ہی برادر
ہمیں آپ کرنا نصیحت ہمیشہ

 

[سید عاطف علی]

فعولن فعولن کا مقصد یہی ہے
خطاتو ہر اک شخص سے لازمی ہے
بدونِ خطاہم بڑھیں آگے کیسے
تجربات حاصل کریں گے ہم ایسے
فعولن فعولن فعولن فعولن
فعولن کا دھاگا طویلُُ طویلُُ
لگایا فعولن کو عربی کا تڑکا
کہ دیکھیں لگےمحفلیں کو یہ کیسا
خطا کوئی ہو ہم سے تو تم بتاؤ
ہمیں بھی سناؤ ہمیں بھی سکھاؤ
تو سید فصیح اس کو جاری ہی رکھنا
فعولن کی مشقیں نہ تم چھوڑ دیانا
اور اک مشورہ میرا یہ سنتے جاؤ
اسی طرح دھاگے کو آگے بڑھاؤ
ذہن ذہن کو آپ نے جو کہا ہے
یہ کلمہ" مغز" کی طرح کا کہا ہے
اسے مغز والی مثالوں سے سمجو
کہ" ہ" اس کی ساکن ہے یہ غور کرلو

 

[الف عین]

یہاں جتنے نو مشق ہیں، وہ بھی آئیں
اور اس کھیل کو خوب آگے بڑھائیں
یہاں کھیل کا کھیل ، سبق کا سبق ہے
جو سمجھو تو آساں، نہ سمجھو، ادق ہے
چلو، اب فٹا فٹ یہ مجھ کو بتاؤ
غلط کیا کہا میں نے، یہ تو دکھاؤ

 

[سید عاطف علی]

یہاں جتنے نو مشق ہیں، وہ بھی آئیں
اور اس کھیل کو خوب آگے بڑھائیں
یہاں کھیل کا کھیل ، سبق کا سبق ہے
جو سمجھو تو آساں، نہ سمجھو، ادق ہے
چلو، اب فٹا فٹ یہ مجھ کو بتاؤ
غلط کیا کہا میں نے، یہ تو دکھاؤ

مجھے ایک نکتہ نظرآیا اس میں
مگر نہ بتاؤں گا اس وقت تک میں
کہ جب تک نہ اس کو کوئی اور دیکھے
غلطکیا ہے اس میں وہ خودیہ بتائے

 

[فاروق احمد بھٹی]

یہاں جتنے نو مشق ہیں، وہ بھی آئیں
اور اس کھیل کو خوب آگے بڑھائیں
یہاں کھیل کا کھیل ، سبق کا سبق ہے
جو سمجھو تو آساں، نہ سمجھو، ادق ہے
چلو، اب فٹا فٹ یہ مجھ کو بتاؤ
غلط کیا کہا میں نے، یہ تو دکھاؤ

ادب کا میں دامن جو چھوڑوں تو کیسے
ہے حکم آپ کا ورنہ کرتا نہ ایسے
یہاں کھیل والا جو مصرعہ ہے اس میں
سبق کا جو ہے سین وہ ہے زیادہ

 

[سید فصیح احمد]

فعولن فعولن کا مقصد یہی ہے
خطاتو ہر اک شخص سے لازمی ہے
بدونِ خطاہم بڑھیں آگے کیسے
تجربات حاصل کریں گے ہم ایسے
فعولن فعولن فعولن فعولن
فعولن کا دھاگا طویلُُ طویلُُ
لگایا فعولن کو عربی کا تڑکا
کہ دیکھیں لگےمحفلیں کو یہ کیسا
خطا کوئی ہو ہم سے تو تم بتاؤ
ہمیں بھی سناؤ ہمیں بھی سکھاؤ
تو سید فصیح اس کو جاری ہی رکھنا
فعولن کی مشقیں نہ تم چھوڑ دیانا
اور اک مشورہ میرا یہ سنتے جاؤ
اسی طرح دھاگے کو آگے بڑھاؤ
ذہن ذہن کو آپ نے جو کہا ہے
یہ کلمہ" مغز" کی طرح کا کہا ہے
اسے مغز والی مثالوں سے سمجو
کہ" ہ" اس کی ساکن ہے یہ غور کرلو

سمجھ لیا میں نے مغز والا سبق بس
رکھوں گا ہمیشہ اسے یاد اب تو
رہی بات اس دھاگے کی تو برادر
یہ میرا منافع ہے، یوں بات کرنا
ہو سکتا ہے ہو جائے تاخیر کبھی تو
یہ مت سوچیئے گا کہ غائب میں ہو گیا ” “

لگایا ہے جو بھائی عاطف نے تڑکا
مجھے تجربہ کب ہے اتنا ابھی تک
کہ بتلا سکوں کچھ، بھلا یا برا ہے
یہ تازہ طویلُُ طویلُُ کا تڑکا

 

[سید فصیح احمد]

یہاں جتنے نو مشق ہیں، وہ بھی آئیں
اور اس کھیل کو خوب آگے بڑھائیں
یہاں کھیل کا کھیل ، سبق کا سبق ہے
جو سمجھو تو آساں، نہ سمجھو، ادق ہے
چلو، اب فٹا فٹ یہ مجھ کو بتاؤ
غلط کیا کہا میں نے، یہ تو دکھاؤ

ہمارے شاہ استاد و بہت محترم، میں
سراہوں گا فاروق بھائی کا نقطہ